ƐSƖTA 3:7 - WƖA TENIŊ

⁷ Kuoro Zɛzɛs sɩ dii kuoruŋ, jɩsɩŋ fii arɩ balɩa tʋɔŋ chɛŋ bumbuŋ-la ba sɩɩ yɩrɛ Nɩsaŋ tʋɔŋ nɛ, Hamaŋ bʋl dɩ ba tɔnsɛ dɩ ʋ na tapʋlɩɩ-la arɩ chɛnɛ-la sɩ maga dɩ ʋ ŋaa wɩɩ-la ʋ sɩ bɩɩna dɩ ʋ ŋaa. Ŋɩɩ nɛ ba lɩɩsɛ chɛŋ-fii arɩ balɩa-la ba sɩɩ yɩrɛ Adaa, ʋ tʋɔŋ tapʋlaa fii arɩ batori chɛɛŋ.

ƐSƖTA 3:7 ပူးပေါင်းရင်းမြစ်များ

ƐZƖRA 4:6

Bʋa-la lɛ Zɛzɛs sɩ buumo dii kuoruŋ, nɩalɩŋ sɩ hɔnɔ golliba bʋl wɩaa a joŋ cheeriŋ pɩpɩ Juda arɩ Jerusalɛm nɩaa.

ƐZƖRA 6:15

Ba saa Wɩa dɩɩ-bal-la dɛrɛ chɛnɛ-la ba sɩɩ yɩrɛ Ada tapʋlaa batori chɛɛŋ nɛ, dɩ Daarus ma sɩ dii kuoruŋ, ʋ jɩ-dʋ lɛ nɛ ŋɩɩ.

NƐHƖMAAYA 2:1

Atazɛzɛs sɩ dii kuoruŋ ʋ jɩsɩŋ mara tʋɔŋ, chɛnɛ-la ba sɩɩ yɩrɛ Nisaŋ lɛ nɛ tapʋlɩɩ kʋbala, ba kɛŋ girep nɛnɛɛ sɩnɩŋ kɔ dɩ ba pʋ. Mɩ laa sɩŋ-la kaa mʋ pɩ kuoro. Mɩ tʋɔŋ ha bɩ cheye ʋ sɩpaaŋ aŋ ka.

ƐSƖTA 1:3

Ʋ sɩ dii kuoruŋ ʋ jɩ-tori lɛ, ʋ yɩrɛ ʋ tɩntɩnnɩ-hɩasɩŋ, Pɛsɩa arɩ Midia laalɩyuori hɩasɩŋ, sɩpaalaaraa arɩ ʋ tinteeŋ nɩbalaa a hɛ dɔŋɔ a ŋaa kʋdiilee ba gbieli.

ƐSƖTA 2:16

Kuoro Zɛzɛs sɩ dii kuoruŋ ʋ jɩsɩŋ balɩpɛ lɛ nɛ, ba kɛŋ Ɛsɩta jʋʋ pʋ ʋ kuoru dɩa lɛ. Chɛŋ-fii-la ba sɩɩ yɩrɛ Tɛbɛf tʋɔŋ.

ƐSƖTA 9:1

Chɛŋ fii arɩ balɩa-la ba sɩɩ yɩrɛ Adaa tapʋlaa fii arɩ batori chɛɛŋ, tapʋlɩɩ-la kuoro sɩ daga dɩ Juu tɩŋŋaa yuo ba dʋndɔŋŋɔɔ sɩ yie, Juu tɩŋŋaa dʋndɔŋŋɔɔ fa kɛŋ yɩɛlaa arɩ ba jaŋ wuo yuo dii Juu tɩŋŋaa, ama Juu tɩŋŋaa wuo yuo dii nɩalɩŋ kala sɩ bɛrɛba.

ƐSƖTA 9:21

a bʋla pɩba: Dɩ ba vɛnɛ gbigbieli chɛnɛ la ba sɩɩ yɩrɛ Adaa tapʋlaa fii arɩ banɛsɛ arɩ tapʋl fii arɩ banɔŋ chɛɛŋ jɩna-na kala.

ƐSƖTA 9:5

Ŋɩɩ nɛ Juu tɩŋŋaa paa ba tokobiee a kpʋ ba dʋndɔŋŋɔɔ ŋɩɩ kala ba sɩɩ chɛ.

NAMAGABA 16:33

Nɩaa yie tɔnsɛ a chɩchɛ dɩ ba na wɩɩ-la ba sɩ jaŋ ŋaa nɛ, ama La Tɩɩna nɛ jaŋ dagɛ wɩɩ-la sɩ jaŋ ŋaa.

Matiu 27:35

Ŋɩɩ nɛ ba kpaasʋ mɛrɛ daagɛsɛ nyuŋ aŋ tɔnsɛ ʋ gɛnnɩŋ wɩaa, dɩ ba paa kpaa dɔŋɔ a jɩŋ gɛrɩ bɛɛ nɛ nʋʋkala jaŋ laa.