ƐSƖTA 3:12 - WƖA TENIŊ

¹² Chɛŋ-bumbuŋ-la ba sɩɩ yɩrɛ Nɩsaŋ tapʋlaa fii arɩ batori chɛɛŋ, Hamaŋ yɩrɛ nɩalɩŋ sɩɩ ŋmʋnsɛ kuoro teniŋ, dɩ ba kɛŋ ba tinteeŋ yikoro na-kala a ŋmʋnsɛ tenniŋ a pɩ ba tinteeŋ sɩpaalaaraa arɩ ʋ tɩntɩnnɩ-hɩasɩŋ. Ŋɩɩ nɛ ba ŋmʋnsɛ tenni-la kuoro yɩrɩŋ lɛ a kɛŋ nenii-pɩrɩ-la kuoro sɩ kaa magɩlɛ ʋ tenniŋ a magɩlɛ.

ƐSƖTA 3:12 ပူးပေါင်းရင်းမြစ်များ

1 KUOROO 21:8

Ŋɩɩ nɛ ʋ kɛŋ Ahab yɩrɩŋ a ŋmʋnsɛ tenniŋ, a joŋ Ahab magɩlɩŋ mɛrɛ ba lɛ, a joŋo tɩŋ ba kaa mʋ kpaa nɩhɩasɩŋ arɩ tɩntɩnnɩ-hɩasɩ-la sɩ hɛ tabal-la lɛ Nabɔf sɩ hɛ.

ƐZƖRA 8:36

Ŋɩɩ nɛ ba joŋ teŋ-la ma kuoro sɩ ŋmʋnsa a pɩ Yufireti wɩɩjʋʋlʋŋ dɩɩrɩŋ tinteeŋ nɩhɩasɩŋ arɩ ʋ tɩntɩnnɩ-hɩasɩŋ. Ŋɩɩ nɛ ba pɛ Iziral tɩmma-la lɛ arɩ kɩalɩŋ ba sɩ jaŋ kaa tɩŋ Wɩa dɩɩ-bal-la tɩntɩŋŋaa.

ƐSƖTA 1:22

Kuoro Zɛzɛs ŋmʋnsɛ tenniŋ joŋo kpaa ʋ tinteeŋ tasɩŋ kala. Taŋ-la kala nɩaa sɩɩ bʋl yikoro-la lɛ nɛ, ʋ kaa ŋmʋnsɛ ba teniŋ a pɩba.

ƐSƖTA 3:11

aŋ bʋla pʋ, “Nɩalɩŋ arɩ ba moribiee kala hɛ ŋ nɩsɩŋ lɛ nɛ, ŋaa ba ŋɩɩ kala ŋ sɩɩ chɛ.”

ƐSƖTA 8:2

Kuoro joŋ nenii-pɩrɩ-la ʋ fa sɩ joŋo pɩ Hemaŋ a pɩ Modikaaya. Ɛsɩta joŋ Modikaaya hɛ ʋ bibeŋ Hamaŋ dʋa-la ba sɩ kaa laa.

ƐSƖTA 9:27

Juu tɩŋŋaa sɛɩ ŋɩɩ Modikaaya sɩ daga a lɩɩsɛ tapʋlɩa-la balɩa ba dɩ ba doho nɩaa arɩ nʋʋ na-kala sɩ kʋ pɛ ba lɛ sɩ jaŋ ŋaa kʋdiilee dii aŋ gbigbieli gbiele-la jɩna-na kala.

DANƖƐL 3:10

Kuoro, ŋ bʋla dɩ nʋʋkala nɛ nɩa dɩ ba ŋmʋʋ nyile, ŋmʋlʋŋ, a du cheŋ, kɔnɛ arɩ gɔgʋ kɩaa, ʋ maga dɩ ba tuu kpirimi a chʋɔlɛ kʋ-la ŋ sɩ ŋaa ba kɛŋ sɛlɩmɛ mɛ bil nɛ,

DANƖƐL 6:12

Ŋɩɩ nɛ ba mʋ kuoro teeŋ a pɩɛsʋ wɩaa a mʋ tɩgɛ boŋ-la ʋ sɩ tɔ lɛ. Ba sɩ, “Ŋ bɩ boŋ tɔ a leŋ nʋʋkala jɩŋ arɩ tapʋlaa mara arɩ fii pɛgɛ nʋʋkala nɛ chʋɔlɛ vene koo nuhuobiiŋ kala dɩ ŋ-na kuoro dʋndʋŋa dee, dɩ ba joŋu yuo hɛ naachigee dɩjʋʋlʋŋ?” Kuoro bʋl, “Boŋ-la chaasa chɩŋ nɛ a nagɛ Medis arɩ Pɛsɩa tɩŋŋaa wombiee ba sɩ bile dɩ la tuto, nʋʋ bɩ jaŋ wuo kɛmba bɩrɩmɛ sɩ dagɛ ŋɩɩ.”

DANƖƐL 6:15

Ŋɩɩ nɛ nɩalɩŋ bɩra sii hɛ dɔŋɔ a mʋ kuoro teeŋ a bʋla pʋ, “Kuoro, ŋ jɩma Medis arɩ Pɛsɩa tɩŋŋaa wombiiŋ lɛ, dɩ kuoro nɛ tɔ boŋ koo a bʋl wɩɩ bil, nʋʋkala bɩ jaŋ wuo kɛnʋ bɩrɩmɛ.”

DANƖƐL 6:25

Ŋɩɩ nɛ kuoro Daarus ŋmʋnsɛ teniŋ a pɩ nɩaa kala, tinteyee nɩaa arɩ yikoro na-kala nɩaa sɩ hɛ dʋnɩa lɛ a bʋl ŋ-la: Wɩa jaŋ leŋ dɩ ma na ma wʋchɛɛlɛɛ kala.

DANƖƐL 6:8

Kuoro, pɩ wombiiŋ dɩ ba tɔ boŋ-la aŋ ŋmʋnsa bil dɩ nʋʋ sɩ wuo kaa bɩrɩmɛ, a nagɛ Medis arɩ Pɛsɩa tɩŋŋaa wombiee ba sɩ bile dɩ ba tuto sɩ dagɛ ŋɩɩ.”