ƐSƖTA 2:23 - WƖA TENIŊ

²³ Kuoro Zɛzɛs to wɩɩ-la naasɩŋ a na dɩ ʋ ŋaa wʋtɩtɩɩ, ʋ ŋaa ba lieŋi ʋ tɩntɩnna-la balɩa. Ka ʋ leŋ ba ŋmʋnsɛ wɩɩ-la kala hɛ ba wʋŋaalaa teniŋ tʋɔŋ ʋ sɩɩŋ lɛ.

ƐSƖTA 2:23 ပူးပေါင်းရင်းမြစ်များ

WƖAA DƖ-SUOMUŊ 40:19

Tapʋlaa batori-la nɛ yie, Ijipiti tinteeŋ kuoro jaŋ leŋ dɩ ba lɩɩsɩŋ a keri ŋ nyuŋ aŋ joŋuŋ sagɛ tɩa nyuŋ dɩ diibiisiŋ dii ŋ nammɩa.”

WƖAA DƖ-SUOMUŊ 40:22

ama ʋ leŋ ba lieŋi ʋ boroboro wasɩrʋ-hɩaŋ-la, arɩ Josɛf fa sɩ bʋl ŋɩɩ pʋ.

ƐZƖRA 4:15

dɩ ŋ leŋ dɩ ba beŋ ŋ naabalɩmaba tenniŋ tʋɔŋ. Dɩ ba nɛ bene, ŋ jaŋ na arɩ tabalɩŋ deeŋ nɩaa ŋaa nɩa sɩɩ vɩa kuoroo niiŋ nɛ, a wʋwalɩmɛ kuoroo arɩ tinteyee sɩpaalaaraa faafaa kala. Ŋɩɩ nɛ tɩɩ ba chei tabal-la ŋɩɩ.

ƐSƖTA 10:2

Wʋduoru-la arɩ wʋbala-la kala kuoro Zɛzɛs sɩ ŋaa, ba kala nɛ ba ŋmʋnsa hɛ Midia arɩ Pɛsɩa tinteeŋ kuoroo wʋŋaalaa teniŋ tʋɔŋ. Ba ŋmʋnsɛ ŋɩɩ ʋ sɩ zil Modikaaya ma hɛ teŋ-la tʋɔŋ nɛ.

ƐSƖTA 5:14

Ŋɩɩ nɛ ʋ haala Zɛrɛsɩ arɩ ʋ nandɔsʋ-la kala bʋla pʋ, “Leŋ dɩ ba saa kɛrɛ dɩ ʋ leŋiŋ ŋaa na-kieliŋ mahɩŋ batori arɩ fii arɩ banɔŋ, aŋ bʋla pɩ kuoro dɩ ʋ leŋ dɩ ba chie lieŋi Modikaaya jebii-la lɛ chʋchʋɔŋ. Ka ŋ dɩ kuoro mʋ Ɛsɩta kʋdiile-la dɩ-diiliŋ.” Hamaŋ na wɩɩ-la dɩ ʋ zɔmɔ, ʋ leŋ ba saa jebii-la.

ƐSƖTA 6:1

Tapʋlɩɩ-la tɩtaŋɩŋ kuoro walɩmɛ doŋ pɩnɩŋ lɔl aŋ leŋ ba joŋ teŋ-la lɛ ba sɩ ŋmʋnsɛ wɩalɩŋ kala ʋ sɩ dii kuoruŋ a ŋaa a hɛ, a kaa kʋ lɩɩ karɩma pʋ.

ƐSƖTA 7:10

Lɩma lɩma dɩ ba kɛŋ Hamaŋ a lieŋu jebii-la ʋ sɩ saa dɩ ʋ lieŋi Modikaaya lɛ, ka kuoro baanɩŋ na fɩɛlɛ.”

MALAKAƖ 3:16

Ŋɩɩ nɛ nɩalɩŋ kala sɩɩ fá La TƖƖNA bʋl wɩaa dɔŋɔba teeŋ, La TƖƖNA jegile nɩɩ, aŋ leŋ ba ŋmʋnsɛ nɩalɩŋ kala sɩɩ fáʋ a zizilu yɩraa hɛ teniŋ tʋɔŋ dɩ ʋ liliisi ba wɩaa.

JOSUA 8:29

Ka ʋ lieŋi Aɩ kuoro tɩa lɛ, a leŋ ʋ sagɛ nɩmɛ a kaa mʋ yi dɩdaanɩŋ. Wɩɩ-muluŋ sɩ jʋa, Josua ŋaa ba sori ʋ kʋsʋʋŋ tɩa-la lɛ a joŋo lo ta taŋ-la boi-baalɩŋ lɛ. Ba paa tabɩaa a chʋɔrɛ ʋ nyuŋ, tabɩa-la ha hɛ nɩmɛ arɩ jɩnɩŋ kala.