ƐSƖTA 2:18 - WƖA TENIŊ

¹⁸ Kuoro tɩŋ Ɛsɩta wɩaa a leŋ ba ŋaa kʋdiilee, ʋ yɩrɛ ʋ nɩhɩasɩŋ arɩ ʋ tɩntɩnnaa kala ba kʋ dii. Ŋɩɩ nɛ aŋ leŋ tapʋlɩɩ-la ŋaa chɛ-wiesii a pɩ ʋ tinteeŋ nɩaa kala, aŋ joŋ kɩaa sɩ kɛŋ yɩrɩŋ ŋaa chɔgɩta pɩ nɩaa.

ƐSƖTA 2:18 ပူးပေါင်းရင်းမြစ်များ

WƖAA DƖ-SUOMUŊ 29:22

Ŋɩɩ nɛ Labaŋ yɩrɛ nɩalɩŋ kala sɩ hɛ lee-la a hɛ dɔŋɔ lɛ a ŋaa kɩaa ba dii aŋ gbieli hajaarɩ-gbiele.

NƐHƖMAAYA 8:11

Levi doho nɩaa nyagɛ nɩalɩŋ bɔyɛ a bʋl, “Má leŋ dɩ ma yaraa pɛ dɔŋɔ lɛ, jɩnɩŋ ŋaa tapʋl-zɔŋ nɛ. Má sɩ́ leŋe ma tʋɔŋ chei.”

ƐSƖTA 1:7

Nɩalɩŋ kala ʋ sɩ yɩra kɛŋ nyʋnyʋalʋsʋŋ ba sɩ kɛŋ sɛlɩmɛ a ŋaa ba kpɩɛraa bɩ dɔŋɔ naga nɛ a nyʋnyʋa girep nɛnɛɛ sɩnɩŋ. Kuoro leŋe sɩnɩŋ pʋrɩgɛ nɛ woruŋ gbiele-la lɛ.

ƐSƖTA 9:22

Tapʋlɩa-la lɛ nɛ la Juu tɩŋŋaa yuo dii la dʋndɔŋŋɔɔ. Ʋ maga dɩ ma liisi arɩ chɛnɛ deeŋ tʋɔŋ nɛ ma tʋɔ-cheeŋ bɩrɩmɛ tʋɔtɔrʋŋ, ma yele ma bɩrɩmɛ gbiele. Má joŋ tapʋlɩa-la dɩ ba ŋaa tʋɔtɔrɛ tapʋlɩa dɩ ma ŋaa kʋdiilee a dii aŋ gbigbieli aŋ ŋaa kʋdiile-la a pɩpɩ ma dɔnsʋŋ tɩŋŋaa arɩ summo.

SOLOMOŊ YƖƖL-SƖMƖŊ 3:11

Zaayɔŋ toloo, má kʋ lɩɩ a bagɩsɛ kuoro Solomoŋ sɩ chu kuoru nyunchuulo, kuoru nyunchuul-la ʋ naaŋ sɩ joŋo chuu tapʋlɩɩ-la ʋ sɩ jaa haala, tapʋlɩɩ-la ʋ tʋɔŋ sɩ tɔrɔ.

SOLOMOŊ YƖƖL-SƖMƖŊ 5:1

Mɩ dɩhaala, mɩ ha-falɩŋ, mɩ kʋ jʋʋ mɩ lɩga nɛ. Mɩ kɛŋ mɩ tɩɩ-kel-la sʋɔra sɩ sɩma baa yɩrɛ mɛɛ arɩ mɩ tegisiŋ hɛ dɔŋɔ nɛ. Mɩ dii mɩ tʋʋ-nʋʋŋ arɩ ʋ tʋʋ-jaga kala nɛ. Mɩ nyʋa mɩ girep nɛnɛɛ sɩnɩŋ arɩ mɩ nayɩlɩŋ ma kala nɛ. La nɩchooloo, má dagɛ ma chonuŋ, a magɛ ŋɩɩ kala ma sɩɩ chɛ, a nagɛ nɩa sɩ dii kɩaa a nyʋa kɩaa vɔgɛ.

Matiu 22:2

Ʋ sɩ, “Wɩa kuorii-la nagɛ kuoru kʋbala bie sɩ jaa haala nɛ. Ŋɩɩ nɛ ʋ ŋaa ba gbigbieli hajaarɩ gbiele a ŋaa ba yɩrɛ nɩaa dɩ ba kɔ gbiele-la.

Maak 6:21

Kuoro Hɛrɔd chɛ-lʋlʋŋ tapʋlʋŋ bɩra yi. Bʋa-la lɛ nɛ Hɛrɔdɩas na wombiiŋ dɩ ʋ kpʋ Jɔɔŋ. Hɛrɔd ŋaa kʋdiilee yʋgɛ a kɛŋ ʋ tɩntɩnnɩ-hɩasɩŋ arɩ ʋ laalɩyuoro-hɩasɩŋ arɩ Galilii nɩbalaa kala, ba kala kɔ a hɔnɔ didii kɩaa.

Luuk 14:8

“Dɩ nʋʋ nɛ yɩrɩŋ dɩ ŋ kɔ ʋ hajaarɩ gbiele a dii kʋdiilee, sɩ́ mʋ bagɩsa joŋ nɩbalaa dɩhɔnʋŋ a hɔŋ. Dɩa tɩɩna jaŋ wuo yɩrɛ nʋʋ ma sɩ kɩɩŋ bɩra dɩ ʋ hɔŋ nɩmɛ.

Jɔɔŋ Wʋnaalaa 11:10

Dʋnɩa nɩaa tʋɔŋ jaŋ tɔrɛ arɩ ba sɩ kpʋ ba balɩa-la. Ba jaŋ gbieli a ŋaa kɩaa didii zile dɔŋɔ lɛ, bɛɛ wɩaa Wɩa wʋlaabʋlla-la balɩa fa walɩmɛ dʋnɩa nɩaa nɛ woruŋ.

Jɔɔŋ Wʋnaalaa 19:9

Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”

1 SAMƲƐL 25:8

Dɩ ŋ nɛ pɩɛsɛ tɩntɩnna-la, ba tɩtɩa jaŋ bʋla pɩŋ. Ŋɩɩ wɩaa, kɛŋ mɩ bapʋɔsɛ biisiŋ deemba woruŋ, bɛɛ wɩaa gbiele tapʋlɩɩ nɛ la kɔ daha. Mɩɩ sʋlʋŋ, kʋ-la kala ŋ sɩ kɛnɛ, ŋ jaŋ wuo joŋo pɩ ŋ tɩntɩnnaa arɩ ŋ nanʋala Devit.’ ”