ƐSƖTA 1:12 - WƖA TENIŊ

¹² Ama kuoro tɩntɩnna-la sɩ mʋ bʋl wɩɩ-la a pɩ Vasiti, ʋ vɩa dɩ ʋ mʋ. Ŋɩɩ nɛ kuoro na baanɩŋ woruŋ.

ƐSƖTA 1:12 ပူးပေါင်းရင်းမြစ်များ

WƖAA DƖ-SUOMUŊ 3:16

Ŋɩɩ nɛ aŋ bɩra bʋla pɩ haal-la ma, “Mɩ jaŋ leŋ dɩ ŋ na hɛɛŋ biiriŋ lʋlʋŋ lɛ. Dɩ ŋ nɩɩ lʋl, ŋ hɛɛŋ jaŋ yʋga pɛ. Ama ŋ ha jaŋ hɩhɩɛnɛ ŋ bala ʋ jaŋ kɛŋ doluŋ ŋ nyuŋ.”

ƐSƖTA 1:11

dɩ ba kɛŋ ʋ habidiire Vasiti kɔ ʋ teeŋ. Kuoro faa chɛ dɩ Vasiti laalɛ ʋ gɛrɩ-zɔŋŋɔɔ nɛ, a chu ʋ kuoru nyunchuulo, a kʋ lɩɩ dɩ kuoro nɩhɩasɩŋ arɩ ʋ nɩaa kala na ŋɩɩ ʋ sɩ zɔmɔ.

ƐSƖTA 1:13

Ʋ fa ŋaa ba naaba wɩɩ nɛ dɩ kuoro pɩɛsɛ wʋjɩnnaa a mʋ tɩgɛ wombie-la ba sɩ bile dɩ ba tuto arɩ wʋtɩtɩɩ wɩaa. Ŋɩɩ nɛ ʋ yɩrɛ ʋ wʋjɩnnaa a pɩɛsɛba wɩɩ-la sɩ maga dɩ ʋ ŋaa.

ƐSƖTA 7:7

Ŋɩɩ nɛ kuoro na baanɩŋ a guu sii, aŋ leŋ ʋ tɩɩnɛnɛɛ sɩŋ-la ʋ fa sɩɩ nyʋa ta aŋ mʋ jʋʋ lɩga-la ba sɩ lɩga golli ʋ kuori dɩa. Ŋɩɩ lɛ nɛ Hamaŋ jɩŋ arɩ kuoro jaŋ ŋaaʋ wʋbɔŋ. Hamaŋ mɩɩra ka harɩŋ a sʋsʋl kuoro habidiire Ɛsɩta dɩ ʋ laa ʋ mɩɩsɩŋ pʋ.

WƖA YƖƖLAA 74:1

Wɩa, bɛɛ nɛ tɩɩ ŋ vɩala ta ŋ-la? Ŋ jaŋ na baanɩŋ ŋ nɩaa nyuŋ deeŋ deeŋ?

WƖA YƖƖLAA 79:5

La TƖƖNA, ŋŋ chɛ dɩ ŋ na baanɩŋ la nyuŋ a kaa mʋ wuu nɛɛ? Ɛɛ nɛ ŋ baanɩŋ jaŋ faasa sii la nyuŋ a diene magɛ?

MOSIS KƐŊ IZIRAL TƖŊŊAA LƖƖ 32:19

Mosis sɩ kʋ kpagɛ ba dɩhɔnʋŋ, a na vene-la ba sɩ libe ʋ nagɛ nɛ-bie arɩ gʋala, ʋ baanɩŋ faasa sii. Ʋ joŋ tabɩɩ-taalɩa-la ʋ sɩ koro lo peel-la bʋbʋɔŋ ba kala yɛrɛ.

MOSIS KƐŊ IZIRAL TƖŊŊAA LƖƖ 32:22

Arɔŋ sɩ, “Mɩ kʋhɩaŋ, sɩ́ baanɩŋ na, ŋ jɩŋ ŋɩɩ nɩaa deemba sɩ cho wʋbɔŋŋɔɔ nɛ.

NAMAGABA 19:12

Kuoro baanɩŋ nɛ sie, ʋ yie nagɛ naachigiŋ sɩɩ huosu nɛ. Ama dɩ ʋ tʋɔŋ nɛ tɔrɔ nɩa nyuŋ, ʋ yie nagɛ nyalɩŋ sɩ nyala hɛ yaŋ lɛ nɛ.

NAMAGABA 20:2

Kuoro baanɩŋ nɛ sie, ʋ yie nagɛ naachigiŋ sɩɩ huosu nɛ. Nɩɩ-la kala sɩ ŋaa ʋ baanɩŋ sii jaŋ ŋaa chalɩŋ ta ʋ bɔyɛ.

DANƖƐL 2:12

Wɩɩŋ deeŋ leŋ kuoro baanɩŋ sii kɩŋkɛŋ. Ʋ pa wombiiŋ dɩ ba kpʋ wʋjɩnna-la kala sɩ hɛ Babɩlɔŋ lɛ.

DANƖƐL 3:13

Kuoro Nebukadineza faasa na baanɩŋ a leŋ ba yɩrɛ Sadɩrak, Mɛsak arɩ Abedinego ba kɔ ʋ sɩpaaŋ.

DANƖƐL 3:19

Ŋɩɩ nɛ Nebukadineza faasa na baanɩŋ Sadɩrak, Mɛsak arɩ Abedinego nyuŋ, a kɛŋ ʋ sɩaa chei. Ʋ leŋ ba wasa gɩrɛ nyiniŋ, ʋ faasa lɩŋ woruŋ, ʋ lɩmɩŋ kɩɩ bumbuŋ-la naansɩɩŋ bʋlɩpɛ.

NAHUM 1:6

Kʋbɛɛ nɛ jaŋ wuo chɩŋ ʋ sɩpaaŋ dɩ ʋ baanɩŋ nɛ sie? Kʋbɛɛ nɛ jaŋ wuo waa, dɩ ʋ baanɩŋ nɛ hoso? Ʋ baanɩŋ yie pusi a nagɛ nyiniŋ nɛ, bʋsʋŋ yɩyɛrɛ ʋ sɩpaaŋ.

Ɛfɛsɩs Nɩaa 5:22

Haalaa, má tuto ma balaba niiŋ arɩ ma sɩɩ to Kirisito ŋɩɩ,

Ɛfɛsɩs Nɩaa 5:24

Nɩalɩŋ sɩ laa Yesu wɩaa dii aa hilimi sɩɩ to Kirisito niiŋ wɩaa ŋɩɩ, ŋɩɩ tɩtɩa nɛ haalaa ma maga dɩ ba tuto ba balaba niiŋ wɩaa.

MOSIS BƖRA WULLI WƖA WOMBIIŊ 29:20

La TƖƖNA bɩ jaŋ joŋo chɛ nɩɩ-la, ʋ jaŋ faasa na baanɩŋ ʋ nyuŋ. Ŋmɩaŋ bɔmɔ-la kala ba sɩ ŋmʋnsa hɛ teniŋ deeŋ tʋɔŋ jaŋ diiu, dɩ La TƖƖNA leŋ dɩ ʋ yɩrɩŋ lɛl dʋnɩa lɛ.

1 Pɩɩta 3:1

Ŋɩɩ tɩtɩa nɛ ma haalaa, má kɛŋ ma tɩtɩa muuri a tuto ma balaba niiŋ. Dɩ kʋŋ bala nɛ bɩ Wɩa wʋzɔmɔ-la laa dii, ʋ bala-la jaŋ wuo bɩrɩma lɩɩ ʋ wʋŋaalaa lɛ a laa Wɩa wʋzɔmɔ-la dii, dɩ haal-la nɛ paala bɩ Wɩa wʋzɔmɔ-la bʋla pʋ ma,