ƐSƖTA 1:10 - WƖA TENIŊ

¹⁰ Tapʋl-pɛɩ chɛɛŋ, dɩ Zɛzɛs nyʋa girep nɛnɛɛ sɩnɩŋ ʋ tʋɔŋ kala tɔrɛ, ʋ bʋla pɩ ʋ tɩntɩnna-la balɩpɛ ba sɩ fere, ba yɩraa nɛ Mehuman, Bɩzɩta, Habona, Bigita, Abagɩta, Zeta arɩ Kaakas,

ƐSƖTA 1:10 ပူးပေါင်းရင်းမြစ်များ

WƖAA DƖ-SUOMUŊ 43:34

Dɩ ba nɛ ŋaa kʋdiilee hɛ Josɛf gbaŋa lɛ, dɩ ba kpaa, Bɛnjamɩŋ kɩaa nɛ yie yʋgɛ a kɩɩ kʋkaanaa kala naansɩɩŋ bʋnɔŋ. Ba dii aŋ nyʋa kʋnyʋalaa halɩɩ. Ba tʋɔŋ kala tɔrɛ Josɛf nyuŋ.

2 SAMƲƐL 13:28

Abɩsalɔm fa bʋla pɩ ʋ tɩntɩnnaa, “Má jegile nɩɩ mɩ teeŋ: Dɩ Amɩnɔŋ nɛ faasa nyʋa sɩnɩŋ a bugi, dɩ mɩ nɛ bʋla pɩma, arɩ ma ŋmobu lo, má kpʋʋ. Má sɩ́ fawʋllʋŋ fá. Mɩ-na nɛ pɩma wombiiŋ. Má kɛŋ bɔɩ-duoŋ.”

ƐSƖTA 1:9

Baala-la kala fa sɩɩ nyʋa sɩnɩŋ ŋɩɩ, kuoro habidiire Vasiti ma ŋaa kʋdiilee yʋgɛ woruŋ a pɩ haala-la kala sɩ hɛ kuoru dɩa lɛ.

ƐSƖTA 3:15

Ŋɩɩ nɛ kuoro pɩ wombiiŋ tɩndaaraa gɔllɔ bʋl wɩɩ-la pɩ ba tinteeŋ nɩaa kala, ʋ leŋ ba heele pɩ ba tabalɩŋ Sʋsa nɩaa ma kala. Ka ʋ dɩ Hamaŋ hɔnɔ nyʋnyʋa kɩaa, ka Susa kala hosi.

ƐSƖTA 7:9

Ŋɩɩ nɛ kuoro baferisi-la sɩ tɩma pʋpʋ tapʋlɩɩ kala dɔŋɔ ba sɩɩ yɩrɛ Habona bʋl, “Hamaŋ paala leŋ ba saa kɛrɛ nɛ ʋ leŋiŋ ŋaa na-kieliŋ mahɩŋ batori arɩ fii arɩ banɔŋ dɩ ʋ lieŋi Modikaaya nɩɩ-la sɩ laa ŋ mɩɩsɩŋ ta.” Ŋɩɩ nɛ kuoro bʋl, “Má kɛŋ Hamaŋ a lieŋi ʋ tɩtɩa jebii-la lɛ.

NAMAGABA 20:1

Sɩnɩŋ nyɩsɛ nɩaa nɛ a leŋ ba chʋchʋʋlɛ. Nɩɩ-la kala sɩ leŋe ʋ kɛnɩŋ yeŋŋi, bɩ wʋjɩmɩŋ kɛnɛ.

NAMAGABA 31:4

Mɩ bii Lɛmʋɛl, jegile nɩɩ. Kuoroo bɩ maga dɩ ba nyʋa sɩnɩŋ bubugi. Ba paala bɩ maga dɩ ba hɩhɩɛnɛ sɩnɩŋ.

TƖƖCHA 10:19

Kʋdiilee nɛ yie leŋ nɩa tʋɔŋ tɔrɛ, kʋnyʋalaa ma leŋ nɩaa mʋmɔŋ, ama moribiee nɛ kɛmba kala kʋkɔ.

SƖPAALAARAA 19:6

Ŋɩɩ nɛ ba balɩa hɔnɔ dii kɩaa aŋ nyʋa. Ba sɩ dii kɩalɩŋ dɛrɛ, tolo-la nyɩmma bɩra bʋl, “Chʋa daha jɩnɩŋ bɩra dɩ la nɩɩ sɩma.”

RUF 3:7

Bʋas sɩ dii kʋdiilee a nyʋa kɩaa dɛrɛ ʋ yaraa kala fɩɛlɛ ŋɩɩ, ʋ mʋ yelli mɩɩ-bii-la a pɩŋ doŋ. Ruf lʋara mʋ kɛŋ ʋ gɛrɩ-bɔsɔ suri ʋ naasɩŋ dɩɩrɩŋ aŋ pɩŋ nɩmɛ.