Ɛfɛsɩs Nɩaa 6:8 - WƖA TENIŊ

⁸ Ma jɩŋ dɩ nʋʋ nɛ tɩŋ tɩntɩŋ zɔŋ, La Tɩɩna Wɩa jaŋ joŋ kʋzɔŋ a timu, dɩ tɩɩna ŋaa yomo koo ʋ tɩɩ ʋ tɩtɩa nɛ.

Ɛfɛsɩs Nɩaa 6:8 ပူးပေါင်းရင်းမြစ်များ

NAMAGABA 11:18

Nɩbɔŋŋɔɔ time bɩ kʋtɩtɩɩ ŋaa, ama nɩalɩŋ sɩɩ ŋaa tʋɔpʋl wɩaa nɛ jaŋ laa kʋtɩtɩɩba.

NAMAGABA 23:18

Dɩ ŋ nɛ ŋaa ŋɩɩ, ʋ kɛŋ maachie nɛ, ŋ yɩɛlaa bɩ jaŋ ŋaa pɛɩ.

AZAAYA 3:11

Wɩɩŋ puu nɩbɔŋŋɔɔ, wʋlɔrʋŋ jʋʋba nɛ. Wʋbɔmɔ-la ba sɩ ŋaa nɩaa lɛ chɩmɩŋ jaŋ tiŋ ba tɩtɩa lɛ.

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Matiu 20:7

Ŋɩɩ nɛ ba bʋla pʋ arɩ ba bɩ tɩntɩŋŋaa na dɩ ba tɩŋ. Ŋɩɩ nɛ ʋ bʋla pɩba dɩ ba ma mʋ a tɩŋ ʋ baga lɛ. Ba ma mʋ.

Matiu 5:12

Má leŋ dɩ ma tʋɔŋ tɔrɛ dɩ ma jʋjʋɔsɛ, bɛɛ wɩaa ma time jaŋ yʋgɛ Wɩa-jaŋ lɛ. Ba sɩ to ma naasɩŋ dʋdɔgɩsɛma ŋɩɩ, ŋɩɩ tɩtɩa nɛ ba fa dɔgɩsɛ Wɩa wʋlaabʋllaa ma.

Matiu 6:1

Yesu bɩra dagɛ ʋ harɩ-tooroo a bʋl, “Dɩ ŋ nɩɩ chɛ dɩ ŋ ŋaa wʋzɔŋ a pɩ ŋ dɔŋɔ tɩɩna, sɩ́ wʋzɔŋ-la joŋo ŋaa ʋ lɛ nɩaa tʋɔŋ. Dɩ ŋ nɛ ŋaa ŋɩɩ, ŋ bɩ time kɛnɛ ŋ Nyɩmma sɩ hɛ Wɩa-jaŋ lɛ teeŋ.

Matiu 6:4

Leŋ dɩ ʋ ŋaa wʋfaalɩɩ. Dɩ ŋ nɛ ŋaa ŋɩɩ, ŋ Nyɩmma Wɩa jaŋ timiŋ. Ʋ nɩɩ na wɩɩ-la ŋ sɩ ŋaa.”

Luuk 14:14

Dɩ ŋ nɛ ŋaa ŋɩɩ, Wɩa ma jaŋ pɛŋ lɛ, bɛɛ wɩaa ba-na bɩ jaŋ wuo tiŋ ŋ chɩmɩŋ. Wɩa jaŋ tiŋ ŋ chɩmɩŋ tapʋlɩɩ-la tʋɔpʋl tɩŋŋaa sɩ jaŋ sii sʋʋŋ lɛ.”

Luuk 6:35

Ama wɩalɩŋ mɩ sɩɩ chɛ dɩ ma ŋaa nɛ ŋ-la: Má cho ma dʋndɔŋŋɔɔ a ŋɩŋaa wʋzɔŋŋɔɔ ba lɛ, a joŋ kɩaa chɩmba aŋ sɩ́ gbɛrɛ dɩ ba timma. Dɩ ma nɛ ŋaa ŋɩɩ, Wɩa jaŋ leŋ dɩ ma ŋaa ʋ-na Wɩɩ-balɩŋ biiriŋ, dɩ ʋ joŋ kʋbalbal timma. Wɩa yie pɛ nɩbɔŋŋɔɔ arɩ nɩalɩŋ ma kala sɩ kɛŋ sɩɩŋ lɛ nɛ.

1 Kɔrɩntɩ Nɩaa 12:13

La nɩalɩŋ sɩ laa Yesu wɩaa dii, la nagɛ ŋ-la nɛ. La yʋga nɛ, ama la ŋaa kʋbala nɛ. Wɩa Dɩŋ-zɔŋ-la doluŋ lɛ nɛ ba fola Wɩɩchʋɔlɛ lɩɩŋ, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, nɩalɩŋ sɩ ŋaa yosi arɩ nɩalɩŋ sɩ tɩɩ ba tɩtɩa. Wɩa leŋe la laa ʋ Dɩŋ-zɔmʋŋ a hɛ la tʋɔŋ nɛ.

2 Kɔrɩntɩ Nɩaa 5:10

bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Koloosi Nɩaa 3:11

Mɛl-falɩŋ deeŋ tʋɔŋ ʋ bɩ wɩɩ kɛnɛ dɩ ma ŋaa Juu tɩŋŋaa koo ma bɩ Juu tɩŋŋaa ŋaa, dɩ ma keri ma penee koo ma bɩ ma penee kere, dɩ ma ŋaa nʋhʋɔraa, koo dɩ ma ŋaa nɩalɩŋ sɩaa sɩ bɩ suro, dɩ ma ŋaa yosuŋ koo dɩ ma tɩɩ ma tɩtɩa. Wɩa nɩaa tʋɔŋ, Kirisito nɛ ŋaa ba wʋnyuŋ, ʋ hɛ ba kala lɛ nɛ.

Koloosi Nɩaa 3:24

Má sɩ́ yʋ arɩ Wɩa jaŋ pɩma ma time, kɩalɩŋ ʋ sɩ ŋaa bil ʋ nɩaa lɛ Wɩa-jaŋ lɛ. La Tɩɩna Kirisito nɛ ma tɩma pɩpa.

Koloosi Nɩaa 3:25

Wʋbɔŋ ŋaaraa ma jaŋ laa ba time a magɛ ba wʋbɔmɔ-la ba sɩ ŋaa. Wɩa bɩ nɩaa sɩaa lɛ nɛ bene aŋ ŋɩŋaa wɩaa.

Hiburu TƖŊŊAA 10:35

Ŋɩɩ wɩaa má sɩ́ leŋe dɩ ma nandaasɩŋ yʋɔrɛ. Dɩ ma nɛ chɩŋ wɩalɩŋ ma sɩ laa dii lɛ, ma time jaŋ yʋgɛ Wɩa teeŋ.

Hiburu TƖŊŊAA 11:26

Mosis kɛŋ ʋ tɩtɩa hɛ dɔŋɔ dɩ ʋ dii hɩɩsɩŋ nɛ a tɩŋ Kirisito wɩaa, Nɩɩ-la Wɩa sɩ lɩɩsa. Ʋ jɩma arɩ hɩɩsɩ-la ʋ sɩ jaŋ dii a tɩŋ ʋ wɩaa time nɛ yʋga a kɩɩ kʋzɔmɔ-la kala ʋ sɩ jaŋ na Ijipiti tinteeŋ lɛ. Ʋ ŋaa siri dɩ ʋ laa time-la Wɩa sɩ jaŋ joŋo pʋ maachie nɛ.