Ɛfɛsɩs Nɩaa 6:6 - WƖA TENIŊ

⁶ Má sɩ́ leŋe dɩ ma tɩŋŋaa bemma aŋ ka ma-na tɩtɩŋ woruŋ, a sɩ́ chɛ dɩ ma tɩŋ dɩ ba bɛsɛ ma lɛ. Ama má tɩŋ arɩ ma tɩmaa pɩ Kirisito nɛ a kɛŋ tʋɔ-bala, a ŋɩŋaa wɩalɩŋ Wɩa sɩ cho.

Ɛfɛsɩs Nɩaa 6:6 ပူးပေါင်းရင်းမြစ်များ

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 3:10

Arɩ wɩaa deemba kala ba sɩ ŋaa ma, ama ba naambie Juda sɩ bɩ wʋtɩtɩɩ kɛnɛ bɩ mɩɩra kɔ mɩ teeŋ arɩ ʋ tʋɔŋ kala. Ama ʋ fa fugo nagɛ ʋ cheye nɛ. Mɩ-na ma TƖƖNA nɛ bʋla.”

Matiu 12:50

Nɩɩ-la kala sɩ ŋaa wɩɩ-la mɩ Nyɩmma Wɩa sɩ hɛ Wɩa-jaŋ lɛ sɩ cho, ʋ nɛ ŋaa mɩ ŋaana arɩ mɩ dɩhaala arɩ mɩ naaŋ.”

Matiu 7:21

Nʋʋkala sɩ yɩrɛmɛ, ‘mɩ Tɩɩna, mɩ Tɩɩna,’ dee bɩ jaŋ jʋʋ Wɩa kuorii-la tʋɔŋ, see nɩalɩŋ sɩɩ ŋaa wɩalɩŋ mɩ Nyɩmma sɩ hɛ Wɩa-jaŋ sɩ daga.

Maak 3:35

Nɩɩ-la kala sɩɩ ŋaa wɩalɩŋ Wɩa sɩ cho, ʋ nɛ ŋaa mɩ naambie arɩ mɩ dɩhaala arɩ mɩ naaŋ.”

Rom Tɩŋŋaa 6:17

Ama laa lɔllɛ Wɩa arɩ ma nɩalɩŋ fa sɩ ŋaa wʋbɔŋŋɔɔ yosuŋ, ma lɛɛlɛ joŋ ma tʋɔŋ kala aa to Wɩa wɩalɩŋ ba sɩ dagɛma dɩ maa to nɛ.

1 Kɔrɩntɩ Nɩaa 7:22

Yoŋ-na kala La Tɩɩna Kirisito sɩ yɩra, ʋ tɩɩna tɩɩ ʋ tɩtɩa nɛ Kirisito teeŋ. Ŋɩɩ tɩtɩa nɛ nɩɩ-la sɩ tɩɩ ʋ tɩtɩa aŋ ka Kirisito yɩrʋ, ŋaa Kirisito yoŋ nɛ.

Galiisia Nɩaa 1:10

Ma bɩɩna arɩ mɩ bʋl wɩɩŋ deeŋ a chɩchɛ dɩ mɩ laa yɩrɩŋ nɩaa teeŋ nɛɛ? Wɩa teeŋ nɛ mɩ chɩchɛ mɩ laa yɩrɩŋ. Ma bɩɩna mɩɩ chɛ dɩ nɩaa nɛ zizilmii? Dɩ mɩ nɛ faa chɛ dɩ nɩaa zizilmi, mɩ fa bɩ jaŋ ŋaa Kirisito tɩntɩnnʋ.

Ɛfɛsɩs Nɩaa 5:17

Má sɩ́ nɩyaara ŋaa, má hɛ doluŋ a jɩŋ wɩalɩŋ sɩɩ tɔrɛ La Tɩɩna Wɩa tʋɔŋ a ŋɩŋaaba.

Fɩlɩpa Nɩaa 2:12

Ŋɩɩ wɩaa mɩ naambii-chooloo, má tuto mɩ niiŋ arɩ ma fa sɩɩ to ŋɩɩ bʋa-la lɛ mɩ fa sɩ hɛ ma teeŋ. Lɛɛlɛ mɩ tuo ma teeŋ, arɩ ŋɩɩ kala ma ha to mɩ niiŋ. Wɩa laama ta nɛ, ŋɩɩ wɩaa má fáʋ, aŋ kɛŋ ma tɩtɩa muuri a tɩtɩŋ, a na kʋ-la ʋ sɩ sɩ ʋ jaŋ joŋo pɩma.

Koloosi Nɩaa 1:9

A tɩŋ wɩɩŋ deeŋ wɩaa, a lɩɩ tapʋlɩɩ-la la sɩ nɩɩ ma wɩaa, la chʋɔlɛ Wɩa pɩpɩma nɛ a bɩ leŋ. Laa sʋl Wɩa aa pɩma dɩ ʋ leŋ dɩ ma sɛnɛ jɩŋ wɩɩ-la ʋ sɩɩ chɛ dɩ ma ŋaa, a kɛŋ wʋjɩmɩŋ arɩ dɩgɩlɩŋ jegilee Wɩa Dɩŋ-zɔŋ-la sɩ pɩma.

Koloosi Nɩaa 4:12

Ɛpafɩras ma sɩ lɩɩ ma jaŋ ka chʋɔlɛma. Ʋ ma ŋaa Yesu Kirisito tɩntɩnna-la dɔŋɔ nɛ aa tɩŋ ʋ tɩntɩŋŋaa. Ʋ yie chʋɔlɛ Wɩa pɩpɩma arɩ sɩɩfɩɛsɩŋ, dɩ ma waa dɛrɛ Wɩa wɩaa lɛ a jɩŋ woruŋ wɩalɩŋ kala Wɩa sɩɩ chɛ dɩ ma ŋaa.

1 Tɛsalonaaka Nɩaa 2:4

Wɩa na arɩ la ŋaa nɩtɩtɩɩba nɛ. Ŋɩɩ nɛ tɩɩ ʋ lɩɩsɛla dɩ la bʋl ʋ wʋzɔmɔ-la a pɩ nɩaa. Wɩalɩŋ la sɩɩ bʋl, la fa bɩ chɛ dɩ la bʋl dɩ nɩaa tʋɔŋ tɔrɛ la nyuŋ. Ama laa chɛ dɩ Wɩa tʋɔŋ tɔrɛ wɩalɩŋ la sɩɩ bʋl lɛ nɛ. Ʋ jɩŋ la tʋɔbɩɩnaa nɛ.

1 Tɛsalonaaka Nɩaa 4:3

Wɩalɩŋ sɩɩ tɔrɛ Wɩa tʋɔŋ nɛ ŋ-la: dɩ ma sɩ́ disiniŋ kɛŋ a lɩɩsɛ ma tɩtɩa wʋlɩɩlɩŋ lɛ.

Hiburu TƖŊŊAA 10:36

Ʋ maga dɩ ma kɛŋ kenyiri a wuo ŋaa wɩalɩŋ Wɩa sɩɩ chɛ. Dɩ ma nɛ ŋaa ŋɩɩ, ma jaŋ na kɩalɩŋ ʋ sɩ sɩ ʋ jaŋ joŋo pɩma.

Hiburu TƖŊŊAA 13:21

Mɩɩ sʋlʋ dɩ ʋ to Yesu Kirisito lɛ a pɩma kʋzɔŋ-na kala dɩ ma wuo kaa ŋɩŋaa wɩalɩŋ kala sɩɩ tɔrɛ ʋ tʋɔŋ. Má leŋ dɩ Kirisito yɩrɩŋ yɩrɛ a kaa mʋ wuu. Amɩɩ.

1 Pɩɩta 2:15

Wɩa tʋɔtɔrʋŋ nɛ ŋ-la, dɩ maa ŋaa wɩalɩŋ sɩ zɔmɔ a leŋ dɩ nɩyaara-la sɩ bɩ wɩɩ jɩŋ, dɩ ba sɩ́ wɩɩ wuo bʋl a tɩgɛ ma lɛ.

1 Pɩɩta 4:2

Ma sɩ hɛ ma mɩɩ-kaanɩŋ deeŋ lɛ, ma bɩra sɩ́ ma tʋɔtɔrɛ wʋŋaalaa lɛ to, ama má tuto Wɩa tʋɔtɔrʋŋ lɛ.

1 Jɔɔŋ 2:17

Dʋnɩa arɩ kɩalɩŋ kala sɩ hɛ nɩmɛ nuhuobiinee cho, ba kala jaŋ lɛl. Ama nɩɩ-la sɩ ŋaa wɩalɩŋ Wɩa sɩ cho, ʋ jaŋ kɛŋ mɩɩsɩ-la sɩ bɩ dɛrɛ.