Ɛfɛsɩs Nɩaa 6:5 - WƖA TENIŊ

⁵ Ma yosuŋ, má tuto nɩalɩŋ sɩ tɩɩma niiŋ. Má zizilba a fɩfába. Má kɛŋ wʋtɩtɩɩ a tutoba arɩ ŋɩɩ ma sɩ jaŋ to Kirisito.

Ɛfɛsɩs Nɩaa 6:5 ပူးပေါင်းရင်းမြစ်များ

WƖAA DƖ-SUOMUŊ 16:9

Wɩa tɩndaarʋ-la bʋla pʋ, “Mɩɩra mʋ ŋ dɩa-naaŋ teeŋ a sɛɩ pʋ.

1 IZIRAL TƖŊŊAA NAABARƖŊ 29:17

Mɩ Wɩa, mɩ jɩma ŋ yie magɩsɛ nʋʋkala tʋɔŋ nɛ. Ŋ tʋɔŋ tɔrɛ nɩalɩŋ kala sɩ kɛŋ wʋtɩtɩɩ nyuŋ nɛ. Tʋɔpʋla arɩ wʋtɩtɩɩ nɛ mɩ kaa joŋ kɩaa deemba kala pɩŋ. Ŋ nɩaa ma kala sɩ hilimi daha tʋɔŋ tɔrɔ nɛ ba sɩ kɛŋ kɩaa kʋ pɩŋ.

WƖA YƖƖLAA 123:2

A nagɛ tɩntɩnna sɩ yie bibeŋ ʋ nɩhɩaŋ sɩaa lɛ ŋɩɩ, a nagɛ ketiiŋ sɩ yie bibeŋ ʋ dɩa naaŋ sɩaa lɛ ŋɩɩ, ŋɩɩ nɛ la ma bibeŋ La TƖƖNA Wɩa lɛ, dɩ ʋ fá la nenige.

WƖA YƖƖLAA 86:11

La Tɩɩna, dagɛmɛ ŋ wombiiŋ, dɩ mɩ toŋ arɩ wʋtɩtɩɩ. Leŋ dɩ mɩ kɛŋ tʋɔ-bala a fɩfá ŋ-na Wɩa.

MALAKAƖ 1:6

Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’

Matiu 6:22

Ŋ sɩaa nɛ ŋaa ŋ yaraa pʋlʋmʋŋ. Dɩ ŋ sɩaa nɛ zɔmɔ, ŋ yaraa kala kɛŋ pʋlʋmʋŋ nɛ,

Matiu 6:24

Nʋʋkala bɩ jaŋ wuo tɩŋ tɩntɩŋŋaa a pɩ nɩhɩasɩŋ balɩa. Ʋ jaŋ cho dɔŋɔ aŋ bɛrɛ dɔŋɔ. Ʋ jaŋ tuto dɔŋɔ niiŋ wɩaa woruŋ aŋ vɩa dɔŋɔ niiŋ wɩaa. Ŋɩɩ tɩtɩa nɛ ŋ bɩ jaŋ wuo ŋaa Wɩa yoŋ aŋ bɩra ŋaa moribiee ma yoŋ.

Matiu 8:9

Mɩ ma paalaa to mɩ laalɩyuori hɩasɩŋ niiŋ nɛ. Laalɩyuoroo dɔnsʋŋ ma tuto mɩ niiŋ. Dɩ mɩ nɛ sɩ nɩa deeŋ mʋ daha, ʋ yie mʋ nɛ, dɩ mɩ nɛ sɩ dɩ nɩa deeŋ kɔ daha, ʋ yie kɔ nɛ. Dɩ mɩ nɛ bʋla pɩ mɩ yomo dɩ ʋ ŋaa wɩɩŋ deeŋ, ʋ yie ŋaa nɛ.”

Tɩntɩŋŋaa 2:46

Tapʋlɩɩ kala ba yie mʋ hilimi Wɩa dɩɩ-bal-la lɛ arɩ ba dɩɩsɩŋ ma lɛ, a kɛŋ tʋɔ-bala a didii kʋdiile-la Kirisito fa sɩ́ sɩ ba dii a liliisi ʋ wɩaa arɩ tʋɔtɔrʋŋ,

Rom Tɩŋŋaa 9:3

Mɩ fa cho dɩ Wɩa ŋmɩɛsa hɛ mɩ lɛ nɛ a kɛmmɛ pɔrɛ Kirisito lɛ, aŋ laa mɩ naambiiriŋ arɩ mɩ doho nɩaa kala ta.

1 Kɔrɩntɩ Nɩaa 2:3

Ŋɩɩ wɩaa, mɩ sɩ hɛ ma teeŋ, mɩ fa nagɛ nɩpʋgʋ nɛ. Fawʋllʋŋ fa kɛmmɛ, mɩ chichel.

1 Kɔrɩntɩ Nɩaa 7:22

Yoŋ-na kala La Tɩɩna Kirisito sɩ yɩra, ʋ tɩɩna tɩɩ ʋ tɩtɩa nɛ Kirisito teeŋ. Ŋɩɩ tɩtɩa nɛ nɩɩ-la sɩ tɩɩ ʋ tɩtɩa aŋ ka Kirisito yɩrʋ, ŋaa Kirisito yoŋ nɛ.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 7:15

Dɩ Taatɩs nɛ liisi ŋɩɩ ma sɩɩ to Wɩa niiŋ wɩalɩŋ a chagɛ laaʋ a zilu woruŋ, ŋɩɩ ʋ sɩ choma yie pʋŋaa pɛ nɛ.

Ɛfɛsɩs Nɩaa 5:22

Haalaa, má tuto ma balaba niiŋ arɩ ma sɩɩ to Kirisito ŋɩɩ,

Ɛfɛsɩs Nɩaa 6:24

Nɩalɩŋ sɩ cho La Tɩɩna Yesu Kirisito a kaa mʋ deeŋ deeŋ, Wɩa jaŋ fá nɩaa deemba kala nenige.

Fɩlɩpa Nɩaa 2:12

Ŋɩɩ wɩaa mɩ naambii-chooloo, má tuto mɩ niiŋ arɩ ma fa sɩɩ to ŋɩɩ bʋa-la lɛ mɩ fa sɩ hɛ ma teeŋ. Lɛɛlɛ mɩ tuo ma teeŋ, arɩ ŋɩɩ kala ma ha to mɩ niiŋ. Wɩa laama ta nɛ, ŋɩɩ wɩaa má fáʋ, aŋ kɛŋ ma tɩtɩa muuri a tɩtɩŋ, a na kʋ-la ʋ sɩ sɩ ʋ jaŋ joŋo pɩma.

Fɩlɩmɔŋ 1:16

Oniisimɔs fa ŋaa ŋ yomo nɛ, ama lɛɛlɛ ʋ kɩɩ yomo. Ʋ ŋaa la naambii-tɩtɩɩ sɩ laa Yesu wɩaa dii nɛ. Mɩ chou nɛ woruŋ, mɩ jɩma ŋ ma jaŋ chou, ʋ sɩ ŋaa ŋ yomo arɩ ŋ naambie kala La Tɩɩna Yesu teeŋ.

JOSUA 24:14

Maa fá La TƖƖNA a tutou arɩ ma wʋtɩtɩɩ. Má paa vesi-la ma naabalɩmaba fa sɩɩ kpaarʋ Yufireti fuo-la cholo arɩ Ijipiti lɛ a yuo ta, aŋ tɩma pɩpɩ La TƖƖNA.

1 Pɩɩta 3:2

bɛɛ wɩaa, ʋ jaŋ na ʋ haala mɛlɛ sɩ zɔmɔ ŋɩɩ arɩ ŋɩɩ ʋ sɩɩ fá Wɩa.