Ɛfɛsɩs Nɩaa 6:4 - WƖA TENIŊ

⁴ Ma nyɩmmaba, má sɩ́ ma biiriŋ walɩmʋ kɩŋkɛŋ dɩ ba baanɩŋ sisii ma nyuŋ. Má bemba a dagɛba woruŋ Yesu Kirisito wombiiŋ lɛ.

Ɛfɛsɩs Nɩaa 6:4 ပူးပေါင်းရင်းမြစ်များ

WƖAA DƖ-SUOMUŊ 18:19

Mɩ nɛ lɩɩsʋ dɩ ʋ dagɛ ʋ biiriŋ arɩ ʋ doho nɩaa sɩ jaŋ to harɩŋ kɔ mɩ wombiiŋ dɩ ba kɛŋ wʋtɩtɩɩ, a ŋɩŋaa wɩaa ba bʋa lɛ, dɩ ŋɩɩ leŋ dɩ mɩ ŋaa wɩɩ-la mɩ sɩ bʋla pɩ Abɩraham arɩ mɩ jaŋ ŋaa pʋ.”

1 IZIRAL TƖŊŊAA NAABARƖŊ 28:20

Devit bʋla pɩ ʋ nanʋala Solomoŋ, “Ʋ maga dɩ ŋ nyɩrɛ bɔyɛ a kɛŋ tʋɔ-doluŋ a tɩŋ tɩntɩmɩɩ-la. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ. Mɩ TƖƖNA Wɩa mɩ sɩ tɩmaa pa jaŋ pɛ ŋ lɛ. Ʋ bɩ jaŋ vɩaŋ ta, ʋ jaŋ pɛ ŋ lɛ dɩ ŋ tɩŋ ʋ dɩɩ-bal-la tɩntɩŋŋaa kala dɛrɛ.

1 IZIRAL TƖŊŊAA NAABARƖŊ 29:19

Leŋ dɩ mɩ nanʋala Solomoŋ kɛŋ tʋɔ-la sɩ jaŋ leŋ dɩ ʋ to wɩalɩŋ kala ŋ sɩ daga aŋ pɛ kɛŋ kɩalɩŋ mɩ sɩ chɛ bil a saa ŋ dɩa-la.”

NAMAGABA 19:18

Tʋrɛ ŋ bie ʋ hambiriŋ bʋa-la lɛ ŋɩɩ sɩ maga, dɩ ŋɩɩ deeŋ ŋ jaŋ dɔgʋsʋ.

NAMAGABA 22:15

Yaarɩŋ hɛ hambie kala lɛ nɛ, ama dɩ ŋ nɛ joŋ chɩba daŋ ʋ lɛ, ŋɩɩ jaŋ wuo kiri yarɩɩ-la ta ʋ lɛ.

NAMAGABA 22:6

Dagɛ ŋ bie wombii-la sɩ maga dɩ ʋ to. Dɩ ʋ nɛ waa ma, ʋ bɩ jaŋ joŋo ta.

NAMAGABA 29:15

Dɩ ŋ nɛ joŋ chɩba dagɛ bie, ʋ jaŋ kɛŋ wʋjɩmɩŋ, ama dɩ ŋ nɛ leŋ bie ta ʋ dʋndʋŋa, ʋ jaŋ hɩɩsɛ ʋ naaŋ.

NAMAGABA 29:17

Tʋrɛ ŋ bie, ʋ jaŋ leŋ dɩ ŋ tʋɔŋ pɩŋ dɩ-bala, dɩ ŋ kɛŋ tʋɔtɔrʋŋ.

AZAAYA 38:19

Nɩweyee nɛ jaŋ wuo dɛnnɩŋ. Ba nɛ jaŋ wuo dɛnnɩŋ arɩ ŋɩɩ mɩ sɩɩ dɛnnɩŋ jɩnɩŋ. Nyɩmmaba bʋla pɩ ba biiriŋ ŋɩɩ ŋ sɩ kɛŋ wʋtɩtɩɩ nɛ.

Ɛfɛsɩs Nɩaa 6:3

Dɩ ma nɩɩ zil ma naamba arɩ ma nyɩmmaba, Wɩa jaŋ pɛ ma lɛ dɩ ma na dɩ-zɔmʋŋ, a kɛŋ mɩɩ-duduoŋ dʋnɩa deeŋ lɛ.

MOSIS BƖRA WULLI WƖA WOMBIIŊ 4:9

Má kɛŋ ma tɩtɩa woruŋ, a sɩ́ wɩalɩŋ ma sɩ na yʋ ma mɩɩsɩŋ kala lɛ. Má joŋ wɩalɩŋ dagɛ ma biiriŋ, dɩ ba ma bɩra joŋo dagɛ ba biiriŋ.

MOSIS BƖRA WULLI WƖA WOMBIIŊ 6:7

Má joŋ wɩalɩŋ a dɩdagɛ ma biiriŋ bʋa na-kala, ma dɩɩsɩŋ lɛ koo dɩ ma nɩɩ vɛŋ wombiiŋ.

Koloosi Nɩaa 3:21

Nyɩmmaba, má sɩ́ ma biiriŋ walɩmʋ kɩŋkɛŋ dɩ ba yaraa yʋɔrɛ.

2 Timoti 1:5

Mɩ liise yi ŋɩɩ ŋ sɩ laa Wɩa wɩaa dii arɩ sɩɩfɩɛsɩŋ. Ŋ nahɩma Luwis arɩ ŋ naaŋ Yunis nɛ laa sɩpaaŋ laa Wɩa wɩaa dii. Mɩ jɩma arɩ ŋ ma chɩŋ ŋɩɩ lɛ nɛ.

2 Timoti 3:15

A suomi ŋ hambiiriŋ kala lɛ a kaa kɔ, ŋ jɩŋ Wɩa teniŋ sɩ bɩ disiniŋ kɛnɛ. Ʋ nɛ pɩŋ wʋjɩmɩŋ ŋ laa Kirisito Yesu wɩaa dii dɩ ʋ laaŋ ta.

JOSUA 24:15

Dɩ ma tʋɔŋ nɛ bɩ tɔrɔ ma sɩ́ jaŋ to La TƖƖNA, ŋɩɩ-na jɩnɩŋ má bagɩsa lɩɩsɛ kʋ-la ma sɩ jaŋ to: Dɩ ma naabalɩmaba fa sɩɩ kpaarɛ vesi-la Yufireti fuo-la cholo nɛɛ, koo dɩ vesi-la Amɔrɩ tɩmma-la tinteeŋ lɛ ma sɩ hɔnɔ sɩɩ kpaarʋ nɛ. Ama mɩ-na arɩ mɩ dɩa nɩaa kala jaŋ to La TƖƖNA.”

SƖPAALAARAA 13:12

Ŋɩɩ nɛ Manʋa bɩra pɩɛsʋ, “Dɩ wɩalɩŋ ŋ sɩ bʋla nɛ sɛnɛ kʋ ŋaa, wʋbɛɛ ba nɛ bile jaŋ tuto? Tɩntɩŋ bɛɛ nɛ ʋ jaŋ tɩtɩŋ?”