Ɛfɛsɩs Nɩaa 6:3 - WƖA TENIŊ

³ Dɩ ma nɩɩ zil ma naamba arɩ ma nyɩmmaba, Wɩa jaŋ pɛ ma lɛ dɩ ma na dɩ-zɔmʋŋ, a kɛŋ mɩɩ-duduoŋ dʋnɩa deeŋ lɛ.

Ɛfɛsɩs Nɩaa 6:3 ပူးပေါင်းရင်းမြစ်များ

AZAAYA 3:10

Bʋla pɩ nɩalɩŋ sɩ kɛŋ tʋɔpʋla dɩ ba jaŋ kɛŋ tʋɔtɔrʋŋ, wɩaa jaŋ vɛŋ woruŋ pɩba. Ba jaŋ dii ba wʋzɔmɔ-la ba sɩɩ ŋaa nyʋʋrʋŋ.

JƐRƖMAAYA 35:7

Má sɩ́ dɩɩsɩŋ ma saa, a sɩ́ kɩaa ma duu koo a bil tɩɩnɛnɛɛ bagɩsɩŋ. Ma bɩ maga ma kɛŋ kɩaa deemba kʋŋkala. Ma maga ma jʋjʋʋ lɛŋŋɛɛ nɛ bʋa na-kala. Ŋɩɩ nɛ ma jaŋ hɔŋ tintee-la lɛ ma sɩ ŋaa nʋhʋɔraa a dieni.’

JƐRƖMAAYA 42:6

Dɩ wɩɩ-la zɔmɔ koo ʋ bɩ zɔŋ, la jaŋ to La TƖƖNA Wɩa niiŋ, Nɩɩ-la teeŋ la sɩɩ tɩmɩŋ, dɩ ŋɩɩ leŋ wɩaa vɛŋ woruŋ a pɩla a tɩŋ la sɩ jaŋ to La TƖƖNA Wɩa niiŋ wɩaa.”

Ɛfɛsɩs Nɩaa 6:2

Má zizil ma nyɩmmaba arɩ ma naamba arɩ ba sɩ bʋl ŋɩɩ Wɩa teniŋ tʋɔŋ. Wɩalɩŋ Wɩa sɩ dagɛ nɩaa dɩ ba tuto tʋɔŋ, wɩɩŋ deeŋ nɛ kɛŋ time.

Ɛfɛsɩs Nɩaa 6:4

Ma nyɩmmaba, má sɩ́ ma biiriŋ walɩmʋ kɩŋkɛŋ dɩ ba baanɩŋ sisii ma nyuŋ. Má bemba a dagɛba woruŋ Yesu Kirisito wombiiŋ lɛ.

MOSIS BƖRA WULLI WƖA WOMBIIŊ 12:25

Dɩ ma nɛ bɩ chalɩŋ ka dii, La TƖƖNA tʋɔŋ jaŋ tɔrɛ ma nyuŋ, dɩ wɩaa vɛŋ woruŋ a pɩ ma dɩ ma doho nɩaa kala.

MOSIS BƖRA WULLI WƖA WOMBIIŊ 12:28

Má fɩɛlɛ ma sɩaa a tuto wɩalɩŋ kala mɩ sɩ dagɛma, dɩ wɩaa vɛŋ woruŋ a pɩ ma dɩ ma doho bʋa na-kala lɛ, bɛɛ wɩaa maa ŋaa wɩalɩŋ sɩ zɔmɔ a tʋtɔrɛ ma TƖƖNA Wɩa tʋɔŋ nɛ.

MOSIS BƖRA WULLI WƖA WOMBIIŊ 22:7

Ŋ jaŋ wuo paa biiri-la aŋ leŋ ba naaŋ. Ŋɩɩ jaŋ leŋ dɩ wɩaa vɛŋ woruŋ a pɩŋ dɩ ŋ kɛŋ mɩɩ-duduoŋ.

MOSIS BƖRA WULLI WƖA WOMBIIŊ 4:40

Má to ʋ wombie-la arɩ ʋ wɩalɩŋ mɩ sɩɩ dagɛma jɩnɩŋ, dɩ wɩaa wuo vɛŋ woruŋ a pɩ ma dɩ ma doho nɩaa, dɩ ma nɛ mʋ hɔŋ tintee-la ma TƖƖNA Wɩa sɩ joŋo pɩma dɩ ʋ ŋaa ma kʋŋ a kaa mʋ wuu lɛ.

MOSIS BƖRA WULLI WƖA WOMBIIŊ 5:16

Má zizil ma nyɩmmaba arɩ ma naamba, arɩ mɩ-na ma TƖƖNA Wɩa sɩ dagɛma ŋɩɩ. Dɩ mɩ leŋ dɩ ma mɩɩsɩŋ duomi, dɩ wɩaa vɛŋ woruŋ a pɩma tintee-la mɩ sɩ jaŋ joŋo pɩma lɛ.

MOSIS BƖRA WULLI WƖA WOMBIIŊ 5:33

Má to wɩalɩŋ kala ma TƖƖNA Wɩa sɩ́ dagɛma, dɩ wɩaa vɛŋ woruŋ a pɩma dɩ ma hɔŋ tintee-la ma sɩɩ mʋ dɩ ma tɩɩ lɛ, a dieni.

MOSIS BƖRA WULLI WƖA WOMBIIŊ 6:18

Má ŋɩŋaa wɩaa ba bʋa lɛ arɩ wɩalɩŋ sɩ zɔmɔ La TƖƖNA teeŋ, dɩ wɩɩkala vɛŋ woruŋ a pɩma dɩ ma wuo jʋʋ tintee-zɔŋ-la La TƖƖNA sɩ hɛ niiŋ pɩ ma naabalɩmaba arɩ ʋ jaŋ joŋo pɩma,

MOSIS BƖRA WULLI WƖA WOMBIIŊ 6:3

Iziral tɩmma, má tuto wombie-la woruŋ dɩ ŋɩɩ leŋ dɩ wɩaa vɛŋ woruŋ a pɩma, dɩ ma pʋŋa yʋgɛ tintee-la sɩ sɩma woruŋ a kɛŋ kɩaa lɛ, arɩ La TƖƖNA ma nyɩmmaba Wɩa sɩ hɛ niiŋ ŋɩɩ a pɩma.

RUF 3:1

Tapʋlɩɩ kʋbala Nawomi pɩɛsɛ ʋ bii-haala Ruf, “Mɩ tolo, ʋ bɩ jaŋ ŋaa wʋzɔŋ dɩ mɩ nɛ chɛ dɩhɔnʋŋ pɩŋ dɩ ŋ hɔŋ arɩ yarɩfɩɛlaa?