Ɛfɛsɩs Nɩaa 6:2 - WƖA TENIŊ

² Má zizil ma nyɩmmaba arɩ ma naamba arɩ ba sɩ bʋl ŋɩɩ Wɩa teniŋ tʋɔŋ. Wɩalɩŋ Wɩa sɩ dagɛ nɩaa dɩ ba tuto tʋɔŋ, wɩɩŋ deeŋ nɛ kɛŋ time.

Ɛfɛsɩs Nɩaa 6:2 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 20:12

Má zizil ma naamba arɩ ma nyɩmmaba, dɩ mɩ-na ma TƖƖNA leŋ dɩ ma mɩɩsɩŋ duomi tintee-la lɛ mɩ sɩ jaŋ joŋo pɩma.

NAMAGABA 20:20

Dɩ nʋʋ nɛ bʋl wʋlɔrʋŋ ʋ nyɩmma koo ŋ naaŋ lɛ, ʋ mɩɩsɩŋ jaŋ dɛrɛ a nagɛ nyiniŋ sɩ dɩsɛ birimiŋ tʋɔŋ.

JƐRƖMAAYA 35:18

Ŋɩɩ nɛ Jɛrɩmaaya bʋla pɩ Rekab doho nɩalɩŋ, “Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Ma sɛɩ wɩalɩŋ ma naabalɩma Jonadab sɩ dagɛma nɛ, a to wɩalɩŋ kala ʋ sɩ dagɛma, a ŋaa ba kala.’

JƐRƖMAAYA 35:7

Má sɩ́ dɩɩsɩŋ ma saa, a sɩ́ kɩaa ma duu koo a bil tɩɩnɛnɛɛ bagɩsɩŋ. Ma bɩ maga ma kɛŋ kɩaa deemba kʋŋkala. Ma maga ma jʋjʋʋ lɛŋŋɛɛ nɛ bʋa na-kala. Ŋɩɩ nɛ ma jaŋ hɔŋ tintee-la lɛ ma sɩ ŋaa nʋhʋɔraa a dieni.’

ƐZƖKƖƐL 22:7

Ŋ lɛ nɛ ba bɩ nyɩmmaba arɩ naamba ka zil. Ba nyagɛ nʋhʋɔra-la sɩ hɔŋ ŋ lɛ bil nɛ, aŋ dʋdɔgɩsɛ biisinsiŋ arɩ yo-haalaa.

MALAKAƖ 1:6

Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’

Rom Tɩŋŋaa 13:7

Má tiŋ nʋʋkala chɩmɩŋ ma sɩ die, a tiŋ lampoo ma kala sɩ maga ma tiŋ. Má fá nɩalɩŋ sɩ maga dɩ ma fá, a zil nɩalɩŋ ma sɩ maga ma zil.

Ɛfɛsɩs Nɩaa 6:3

Dɩ ma nɩɩ zil ma naamba arɩ ma nyɩmmaba, Wɩa jaŋ pɛ ma lɛ dɩ ma na dɩ-zɔmʋŋ, a kɛŋ mɩɩ-duduoŋ dʋnɩa deeŋ lɛ.

MOSIS BƖRA WULLI WƖA WOMBIIŊ 27:16

‘La TƖƖNA ŋmɩaŋ jaŋ dii nɩɩ-la kala sɩ bɩ ʋ nyɩmma arɩ ʋ naaŋ ka zil.’ Nɩalɩŋ kala jaŋ laa bʋl, ‘Amɩɩ.’

MOSIS BƖRA WULLI WƖA WOMBIIŊ 5:16

Má zizil ma nyɩmmaba arɩ ma naamba, arɩ mɩ-na ma TƖƖNA Wɩa sɩ dagɛma ŋɩɩ. Dɩ mɩ leŋ dɩ ma mɩɩsɩŋ duomi, dɩ wɩaa vɛŋ woruŋ a pɩma tintee-la mɩ sɩ jaŋ joŋo pɩma lɛ.

1 Timoti 5:4

Ama dɩ yo-haal-la nɛ kɛŋ biiriŋ koo nihee, ʋ maga dɩ ba laa sɩpaaŋ ŋaa wɩɩ-la Wɩa sɩ sɩ dɩ ba ŋaa nɛ a bibeŋ ba dɩa nɩaa, a wuo tiŋ nɩalɩŋ sɩ lʋlba arɩ ba naabalɩmaba chɩmɩŋ, bɛɛ wɩaa ŋɩɩ nɩɩ tɔrɛ Wɩa tʋɔŋ.