Ɛfɛsɩs Nɩaa 6:19 - WƖA TENIŊ

¹⁹ Má sʋl Wɩa pɩ mɩ ma dɩ mɩ nɛ suri mɩ niiŋ dɩ Wɩa dagɛmɛ wɩɩ-la mɩ sɩ jaŋ bʋl, a sɩ́ nʋʋkala fá, aŋ bʋl Yesu wʋzɔmɔ-la fa sɩ faa a pɩ nɩaa.

Ɛfɛsɩs Nɩaa 6:19 ပူးပေါင်းရင်းမြစ်များ

Tɩntɩŋŋaa 13:46

Ŋɩɩ nɛ Pɔɔl arɩ Banabas bʋl wɩaa arɩ nyuduoŋ a bʋl, “Ʋ fa maga dɩ la laa sɩpaaŋ bʋl Wɩa niiŋ wɩaa pɩ ma Juu tɩŋŋaa nɛ, ka ma vɩaba ta aŋ bɩɩnɛ ma bɩ maga dɩ ma kɛŋ mɩɩsɩ-la sɩ bɩ dɛrɛ. La jaŋ lemma aŋ mʋ nɩalɩŋ sɩ bɩ Juu tɩŋŋaa ŋaa teeŋ.

Tɩntɩŋŋaa 14:3

Pɔɔl arɩ Banabas hɔŋ lee-la a dieni. Ba bʋl La Tɩɩna Yesu wɩaa arɩ nyuduoŋ. La Tɩɩna ma dagɛ arɩ wɩalɩŋ ba sɩɩ bʋl ŋaa wʋtɩtɩɩba nɛ, ʋ pɩba doluŋ ba ŋɩŋaa wʋmagɩlaa arɩ wʋkpuŋkperisiŋ.

Tɩntɩŋŋaa 18:26

Ʋ sɩ hɛ Ɛfɛsɩs lɛ, ʋ bʋl Wɩa wɩaa arɩ nyuduoŋ Wɩɩchʋɔlɛ dɩa lɛ. Pɩrɩsɩla arɩ Akuila hɛ nɩmɛ a nɩɩ wɩalɩŋ ʋ sɩɩ bʋl. Ŋɩɩ nɛ ba kɛnʋ kaa mʋ ba dɩa a wasa dagʋ Wɩa wombii-la woruŋ.

Tɩntɩŋŋaa 19:8

Pɔɔl sɩ hɛ Ɛfɛsɩs lɛ, ʋ vɛnɛ jʋjʋʋ Wɩɩchʋɔlɛ dɩa chɛnsɩŋ batori nɛ, a chaasa bʋbʋl Wɩa kuorii-la wɩaa arɩ nyuduoŋ. Ba dɩ nɩaa kɛŋ wɩalɩŋ lɩlɛrɛ, ʋ wʋwalɩmɛ dɩ ba sɛɩ ʋ wɩɩŋ.

Tɩntɩŋŋaa 2:4

Ba sɩ togili nʋʋkala lɛ ŋɩɩ, Wɩa Dɩŋ-zɔmʋŋ hɛba kala lɛ, a pɩba doluŋ ba suomo bʋbʋl yikori dosunuŋ.

Tɩntɩŋŋaa 28:31

Ʋ bʋl Wɩa kuorii-la wɩaa a pɩ nɩaa, a dagɛ La Tɩɩna Yesu Kirisito ma wɩaa arɩ nyuduoŋ a pɩ nɩaa. Nʋʋkala fa bɩ ʋ tɔ dɩ ʋ sɩ́ ŋɩɩ ŋaa.

Tɩntɩŋŋaa 4:13

Nɩalɩŋ sɩ hilime a na Pɩɩta arɩ Jɔɔŋ dɩ baa bʋl wɩaa arɩ nyuduoŋ ŋɩɩ, ʋ ŋaaba wʋkpuŋkpere, bɛɛ wɩaa ba jɩma ba bɩ nɩfɩɛma ŋaa ba taŋ lɛ a bɩ teniŋ ma jɩŋ. Ŋɩɩ nɛ ba wuo jɩŋ arɩ ba faa to Yesu harɩŋ nɛ a gʋnnɛ ʋ wɩaa.

Tɩntɩŋŋaa 4:29

La Tɩɩna, beŋ ŋɩɩ ba sɩ fugisila, aŋ pɛ ŋ tɩntɩnnaa lɛ dɩ la wuo bʋl ŋ niiŋ wɩaa arɩ nyuduoŋ.

Tɩntɩŋŋaa 4:31

Ba sɩ chʋɔlɛ Wɩa dɛrɛ, lee-la ba sɩ hilime zigili. Wɩa Dɩŋ-zɔmʋŋ kʋ hɛ ba kala lɛ. Ba suomo bʋbʋl Wɩa niiŋ wɩaa arɩ nyuduoŋ.

Tɩntɩŋŋaa 9:27

Yesu nanzɔɔba-la dɔŋɔ ba sɩɩ yɩrɛ Banabas nɛ pɛ ʋ lɛ a kɛnʋ kaa mʋ Yesu nanzɔɔba-la teeŋ. Ʋ nɛ bʋla pɩba ŋɩɩ Sɔɔl sɩ na La Tɩɩna Yesu wombiiŋ lɛ, La Tɩɩna bʋl wɩaa pʋ. Banabas nɛ saa bɩra bʋla pɩba ŋɩɩ Sɔɔl sɩ kɛŋ nyuduoŋ a bʋl Yesu wɩaa pɩ nɩaa Damasɩkʋs lɛ.

Tɩntɩŋŋaa 9:29

a bʋbʋl Wɩa wɩaa arɩ nyuduoŋ La Tɩɩna Yesu yɩrɩŋ lɛ. Ʋ dɩ Juu tɩmma-la sɩɩ bʋl Giriik tɩŋŋaa wʋbʋlʋŋ, ba kɛŋ wɩaa lɩlɛrɛ. Ba wʋwalɩmɛ dɩ ba kpʋʋ.

Rom Tɩŋŋaa 15:30

Mɩ naambiiriŋ, mɩɩ sʋlma La Tɩɩna Yesu Kirisito yɩrɩŋ lɛ, arɩ chono-la Wɩa Dɩŋ-zɔŋ-la sɩ joŋo pɩla, dɩ ma pɛ mɩ lɛ a chaasa chʋɔlɛ Wɩa pɩmɛ,

Rom Tɩŋŋaa 16:25

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala,

1 Kɔrɩntɩ Nɩaa 1:5

Wɩɩ-na kala lɛ, Wɩa to Yesu lɛ nɛ a pɛ ma lɛ woruŋ, ma kɛŋ wʋjɩmɩŋ, a jɩŋ wɩaa bʋlʋŋ ma.

1 Kɔrɩntɩ Nɩaa 2:7

Wʋjɩmɩɩ-la wɩaa mɩ sɩɩ bʋl, ʋ lɩɩ Wɩa teeŋ nɛ a ŋaa wʋfaalɩɩ nɩaa teeŋ. Wʋjɩmɩɩ-la faa nɛ Wɩa teeŋ, ka dʋnɩa-na suomi. Wɩa lɩɩsɛla dɩ la kɛŋ wʋjɩmɩŋ deeŋ nɛ a wuo kɛŋ tʋla ʋ teeŋ.

1 Kɔrɩntɩ Nɩaa 4:1

Ma sɩɩ benla ŋɩɩ, ʋ maga dɩ nʋʋkala jɩŋ arɩ la ŋaa Kirisito tɩntɩnnaa nɛ. Wɩa joŋ ʋ wɩalɩŋ fa sɩ faa a hɛ la nɩsɩŋ lɛ nɛ.

2 Kɔrɩntɩ Nɩaa 1:11

Má ma pɛ sʋl Wɩa pɩla. Nɩaa yʋga nɛ a sʋl Wɩa a pɩpɩla dɩ ʋ pɛ la lɛ. Dɩ Wɩa nɛ laa ba Wɩɩsʋlʋŋ, ba kala jaŋ wuo dɛnnʋ.

2 Kɔrɩntɩ Nɩaa 3:12

Laa yɩɛlɛ Wɩa wʋzɔmɔ-la lɛ nɛ. Ŋɩɩ nɛ tɩɩ la chaasa kɛŋ nyuduoŋ aa tɩŋ.

2 Kɔrɩntɩ Nɩaa 6:11

Ma Kɔrɩntɩ nɩaa, la chaasa bʋl wʋtɩtɩɩ nɛ a pɩma. La bɩ wɩɩkala kaa faama.

2 Kɔrɩntɩ Nɩaa 7:4

Mɩ laama dii nɛ woruŋ. A tɩŋ ma wɩaa nɛ tɩɩ mɩ bibigisi mɩ tɩtɩa lɛ, mɩ nyuŋ kala nyaasɛ. Wɩaa jʋʋla nɛ, ama mɩ tʋɔŋ ha faasa tɔrɛ nɛ.

2 Kɔrɩntɩ Nɩaa 8:7

Ma kuoro nɛ wɩɩkala lɛ. Ma laa Wɩa dii nɛ, ma wuo Wɩa wɩaa bʋbʋl nɛ, a kɛŋ wʋjɩmɩŋ, a kɛŋ ma tɩtɩa dɩ ma pɛ nɩaa lɛ, aŋ faasa cho la ma. Laa chɛ dɩ ma faasa kɛŋ zile nɛ a pɩpɛ Wɩa nɩalɩŋ lɛ.

Ɛfɛsɩs Nɩaa 1:9

Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Ɛfɛsɩs Nɩaa 3:9

a bɩra leŋ dɩ nʋʋkala jɩŋ ŋɩɩ Wɩa sɩ jaŋ to a ŋaa ʋ wɩalɩŋ kala sɩ faa. Wɩa nɛ Nɩɩ-la sɩ ta kʋŋkala, ʋ fa joŋ wɩalɩŋ faa faafaa kala nɛ.

Koloosi Nɩaa 2:2

Mɩɩ chɛ dɩ ba kɛŋ bɔɩ-duoŋ a kɛŋ nii-bala a cho dɔŋɔ, a wuo jɩŋ wɩaa sɩaa woruŋ a mʋ dɛrɛ, a jɩŋ wɩɩ-la Wɩa sɩ joŋo faa bʋbʋɔŋ, wɩɩ-la nɛ ŋaa Kirisito.

Koloosi Nɩaa 4:3

Má pɛ chʋɔlɛ Wɩa pɩpɩ la ma, dɩ Wɩa wuo suri wombiiŋ pɩla dɩ la wuo bʋl Kirisito wɩalɩŋ fa sɩ faa. Ba wɩaa nɛ tɩɩ ba kɛmmɛ tɔ dɩa.

1 Tɛsalonaaka Nɩaa 2:2

Aŋ ka dɩ la-na kɔ ma teeŋ Tɛsalonaaka lɛ, la fa laa sɩpaaŋ na hɛɛŋ nɛ. Ba dɔgɩsɛla woruŋ Fɩlɩpa taŋ-la lɛ. La sɩɩ chɛ la bʋl Wɩa wʋzɔmɔ-la a pɩ ma ma, nɩaa yʋga a lɩɩ la harɩŋ. Ama Wɩa-la la sɩ tɩma pɩpa pɩla nyuduoŋ la wuo bʋl ʋ wʋzɔmɔ-la a pɩma ma.

1 Tɛsalonaaka Nɩaa 5:25

La naambiiri, má ma sʋl Wɩa pɩla.

2 Tɛsalonaaka Nɩaa 3:1

Mɩ naambiiri, wɩalɩŋ mɩ sɩɩ chɛ dɩ mɩ bʋl ʋ dɩdɛrɩŋ nɛ ŋ-la: Má chʋɔlɛ Wɩa pɩla dɩ La Tɩɩna niiŋ wɩaa wuo teeli leriŋ lɩma lɩma a laa yɩrɩŋ, arɩ ʋ sɩ laa yɩrɩŋ ŋɩɩ ma teeŋ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Fɩlɩmɔŋ 1:22

Pɛ chɛ dɩa a bil mɩ lɛ, bɛɛ wɩaa mɩɩ yɩɛlɛ arɩ ma sɩ chʋɔlɛ Wɩa pɩpɩmɛ ŋɩɩ, Wɩa jaŋ laa ma kala sʋla a leŋ dɩ mɩ mɩɩra kɔ ma teeŋ.

Hiburu TƖŊŊAA 13:18

Má sʋl Wɩa pɩpɩla bʋa na-kala lɛ. La jɩma la tʋɔbɩɩnaa kala chese nɛ. Wɩɩ-na kala la sɩɩ ŋaa lɛ, la yie chɩchɛ dɩ la ŋaaʋ ʋ bʋa lɛ nɛ.