Ɛfɛsɩs Nɩaa 6:16 - WƖA TENIŊ

¹⁶ Ʋ ŋɩɩ harɩŋ lɛ, má leŋ dɩ ma Wɩa laa diiniŋ dol a nagɛ hɔɔ-la laalɩyuoroo sɩ kaa kɛrɛ ba bɔyɛ. Dɩ ma nɛ ŋaa ŋɩɩ, ma jaŋ wuo kɛrɛ laa ma dʋndɔmɔ hɛŋŋɛɛ kala sɩɩ chol nyiŋgeliŋ dɩ ba dɩsɛ.

Ɛfɛsɩs Nɩaa 6:16 ပူးပေါင်းရင်းမြစ်များ

WƖAA DƖ-SUOMUŊ 15:1

Ʋ ŋɩɩ harɩŋ nɛ Wɩa bʋl wɩaa a pɩ Abɩram arɩ duosoo tʋɔŋ. Ʋ sɩ, “Abɩram, sɩ́ leŋe dɩ fawʋllʋŋ kɛnɩŋ. Mɩ nɛ jaŋ chu tɔ ŋ lɛ, ŋ time jaŋ yʋgɛ.”

2 SAMƲƐL 22:36

Ŋ chu tɔmɛ nɛ a laamɛ ta. Ŋ pɛ mɩ lɛ nɛ a leŋ mɩ ŋaa nɩbal.

WƖA YƖƖLAA 120:4

Ʋ jaŋ kɛŋ bayuoro to-hɛŋŋɛɛ sɩ kɛŋ niiŋ woruŋ arɩ nyiŋ-halaa a dɔgɩsɛma.

WƖA YƖƖLAA 7:13

La Tɩɩna ŋaa ʋ bayuori kɩaa sɩ kɛŋ huoŋ siri nɛ, ʋ ŋaa ʋ to-hɛŋŋɛɛ sɩɩ chol nyiniŋ siri nɛ.

NAMAGABA 18:10

La Tɩɩna yɩrɩŋ kɛŋ doluŋ a nagɛ dɩɩ-leŋiŋ nɛ, tʋɔpʋl tɩŋŋaa yie fá jʋʋ faa nɩmɛ, wɩɩkala bɩ ba lɛ ŋaa.

Matiu 5:37

Ama ma-na yaa bʋl, ‘Oo’ koo ‘Aɩ’ dʋndʋŋa, a lɩɩ ŋɩɩ harɩŋ, dɩ ma bɩra bʋl wʋbɔŋ ʋ lɩɩ Sɩtaanɩ nɛ.

2 Kɔrɩntɩ Nɩaa 1:24

La bɩ chɛ dɩ la fʋgɛma dɩ ma laa wɩalɩŋ la sɩ bʋla dii, ama laa chɛ dɩ la dɩ ma tɩŋ nɛ dɩ ma kɛŋ tʋɔtɔrʋŋ, bɛɛ wɩaa ma laa Yesu wɩaa dii nɛ a chɩmba lɛ kpaŋ kpaŋ.

1 Tɛsalonaaka Nɩaa 5:19

Wɩa Dɩŋ-zɔmʋŋ tɩntɩŋŋaa nagɛ nyiniŋ nɛ, má sɩ́ ʋ dɩsʋ.

1 Tɛsalonaaka Nɩaa 5:8

Ama la-na hɛ pʋlʋmʋŋ tʋɔŋ nɛ, ŋɩɩ wɩaa ʋ maga dɩ la kɛŋ la tɩtɩa wɩɩ-na kala lɛ nɛ. Wɩalɩŋ la sɩ laa dii arɩ la sɩ cho nɩaa ŋɩɩ, má leŋ dɩ ba nagɛ hɔɔŋ bɔɩ-tɔɔrɩ gɛrɩŋ. La sɩɩ yɩɛlɛ dɩ Wɩa laala ta ŋɩɩ, má leŋ dɩ ʋ nagɛ hɔɔŋ nyuŋ-chu-gbaŋkogo dɩ la chu,