Ɛfɛsɩs Nɩaa 6:14 - WƖA TENIŊ

¹⁴ Má chɩŋ kpaŋ kpaŋ, má leŋ dɩ wʋtɩtɩɩ-la ma sɩ nɩa nagɛ ma laalɩyuori damɛrɛ a vɔɔ ma tɩŋa lɛ, a leŋ dɩ tʋɔpʋla nagɛ ma hɔɔŋ-bɔɩ-tɔɔrɩ-gɛrɩŋ a tɔ ma harɩŋ arɩ ma sɩpaaŋ kala,

Ɛfɛsɩs Nɩaa 6:14 ပူးပေါင်းရင်းမြစ်များ

2 KUOROO 3:21

Mʋab tɩŋŋaa sɩ nɩa arɩ kuorusu-la batori kɔ dɩ ba yuoba nɛ, ba yɩrɛ nʋʋ na-kala sɩ magɛ laalɩŋ yuonuŋ, nɩhɩasɩŋ arɩ bapʋɔsɛ biisiŋ kala nyɩgɩlɛ, a kɛŋ ba tɩtɩa hɛ dɔŋɔ a mʋ chɩŋ ba tinteeŋ bʋa.

JOB 29:14

Tʋɔpʋla nagɛ gɛrɩŋ nɛ mɩ joŋo laalɛ. Wʋtɩtɩɩ nɛ fa ŋaa mɩ gɛrɩŋ arɩ mɩ nyu-bɛlɛ.

AZAAYA 11:5

Tʋɔpʋla arɩ wʋtɩtɩɩ jaŋ nagɛ gɛrɩpɛlɩɛɛ-bie ʋ tɩŋa lɛ.

AZAAYA 59:17

Tʋɔpʋla nɛ ŋaa ʋ laalɩyuori bɔɩ-tɔrɛ kʋa, nɩaa laatanɩŋ ma nɛ ŋaa ʋ nyunchu-gbaŋkogo. Ʋ baanɩŋ ʋ sɩ jaŋ joŋo tiŋ nɩaa lɛ ma nagɛ gɛrɩŋ ʋ joŋo laalɛ. Tʋɔ-la ma ʋ sɩ kɛnɛ dɩ ʋ ŋaa ŋɩɩ nagɛ gɛrɛ-bɔsɔ nɛ ʋ baagɛ.

Luuk 12:35

Má vɔɔ ma damɛrɩsɩŋ woruŋ a nyɩgɛ ma chaanaa, má ŋaa siri a gbɛrɛ,

Rom Tɩŋŋaa 13:12

Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ.

2 Kɔrɩntɩ Nɩaa 6:7

La yie bʋl wʋtɩtɩɩ nɛ a kɛŋ dol-la Wɩa sɩ pɩla a kaa tɩtɩŋ, a kɛŋ tʋɔpʋla ma Wɩa sɩpaaŋ. Tʋɔpʋla-la nagɛ huonuŋ nɛ la sɩ vɔɔ laalɛ la nadiiŋ arɩ la nagʋa nɩsaa lɛ a kɛŋ la tɩtɩa hɛ dɔŋɔ dɩ la pɔ la tɩtɩa lɛ.

Ɛfɛsɩs Nɩaa 5:9

Pʋlʋmʋŋ tʋɔŋ nɛ nɩaa ŋɩŋaa wʋzɔŋŋɔɔ, tʋɔpʋl wɩaa arɩ wʋtɩtɩɩba.

Ɛfɛsɩs Nɩaa 6:13

Ŋɩɩ wɩaa, má laalɛ laalɩyuori kɩaa Wɩa sɩ joŋo pɩma, dɩ tapʋlɩɩ-la wʋbɔŋŋɔɔ sɩɩ chɛ dɩ ba ŋaa ma lɛ, dɩ ma wuo kɛŋ ma tɩtɩa hɛ dɔŋɔ chɩna gbɛrɛ.

1 Tɛsalonaaka Nɩaa 5:8

Ama la-na hɛ pʋlʋmʋŋ tʋɔŋ nɛ, ŋɩɩ wɩaa ʋ maga dɩ la kɛŋ la tɩtɩa wɩɩ-na kala lɛ nɛ. Wɩalɩŋ la sɩ laa dii arɩ la sɩ cho nɩaa ŋɩɩ, má leŋ dɩ ba nagɛ hɔɔŋ bɔɩ-tɔɔrɩ gɛrɩŋ. La sɩɩ yɩɛlɛ dɩ Wɩa laala ta ŋɩɩ, má leŋ dɩ ʋ nagɛ hɔɔŋ nyuŋ-chu-gbaŋkogo dɩ la chu,

1 Pɩɩta 1:13

Ŋɩɩ wɩaa, má kɛŋ ma tʋɔbɩɩnaa hɛ dɔŋɔ lɛ a ŋaa siri dɩ ma tɩŋ. Má kɛŋ ma tɩtɩa woruŋ, a joŋ ma yɩɛlaa kala hɛ kʋ-la Wɩa sɩ jaŋ joŋo pɩma lɛ bʋa-la Yesu Kirisito sɩ jaŋ mɩɩra kɔ.

Jɔɔŋ Wʋnaalaa 9:17

Mɩ sɩ na laalɩyuoro-la sɩ jɩl ba janɩŋ mɩ duosoo tʋɔŋ, ŋ-la nɛ ba nagɛ: Ba bɔɩ-tɔɔrɩ gɛnnɩŋ ba sɩ yie joŋo tɔ bɔɩsɩŋ a kaa yuo laalɩŋ, ba dɔnsʋŋ faasa fɩɛsɛ nɛ, dɔnsʋŋ nagɛ diibelimbine pʋnaa, dɔnsʋŋ ma nagɛ jiribiiŋ. Janɩ-la nyusuŋ nagɛ naachigee nyusuŋ, ka nyiniŋ arɩ nyʋɔsʋŋ arɩ jiribiiŋ lɩlɩɩ ba niiriŋ lɛ.

Jɔɔŋ Wʋnaalaa 9:9

Ba yaraa horuŋ nagɛ hɔɔŋ ba sɩ yie joŋo tɔ bɔyɛ a kaa yuo laalɩŋ nɛ. Ba kɩŋkɛnsɩŋ ma ŋɩŋaa goŋ, a nagɛ janɩŋ sɩ yʋga a lɛrɛ torukoba a fá mʋmʋ laalɩŋ.