Ɛfɛsɩs Nɩaa 6:13 - WƖA TENIŊ

¹³ Ŋɩɩ wɩaa, má laalɛ laalɩyuori kɩaa Wɩa sɩ joŋo pɩma, dɩ tapʋlɩɩ-la wʋbɔŋŋɔɔ sɩɩ chɛ dɩ ba ŋaa ma lɛ, dɩ ma wuo kɛŋ ma tɩtɩa hɛ dɔŋɔ chɩna gbɛrɛ.

Ɛfɛsɩs Nɩaa 6:13 ပူးပေါင်းရင်းမြစ်များ

TƖƖCHA 12:1

Ŋ bapʋɔsʋŋ lɛ, liise yi Wɩa sɩ ŋaaŋ lɛ, ka dɩ tapʋlɩɩ-la wɩaa sɩ jaŋ jʋʋŋ-na yi, ka dɩ jɩsɩ-la sɩ jaŋ yi dɩ ŋ bʋl, “Mɩ bɩ sɩma kala nɩa.”

AMƆS 6:3

Ma yʋ tapʋlɩɩ-la La TƖƖNA sɩ jaŋ dii nɩaa sarɩya wɩaa nɛ, aŋ leŋ ma wʋŋaalaa lɛrɛ tapʋlɩɩ-la kʋʋ kpagɛ.

MALAKAƖ 3:2

Ama ma tʋɔŋ kʋbɛɛ nɛ jaŋ wuo nyalɩma gbɛrɛ tapʋlɩɩ-la ʋ sɩ jaŋ kɔ? Dɩ ʋ nɩɩ kɔ, kʋbɛɛ nɛ jaŋ wuo chɩŋ ʋ sɩpaaŋ? Ʋ jaŋ nagɛ libire sɩ lɩɩsɛ hɔɔŋ sɩ fɩɛsa nyiniŋ lɛ koo chɛnfɛnnɩŋ sɩ kɛŋ niiŋ ba kaa chɩchɛsɛ kɩaa.

Luuk 21:36

Má pɔ a chʋchʋɔlɛ Wɩa bʋa na-kala lɛ. Dɩ ma nɛ ŋaa ŋɩɩ, ma jaŋ kɛŋ doluŋ a lɩɩ wɩalɩŋ kala sɩ jaŋ ŋaa lɛ arɩ yarɩfɩɛlaa a wuo chɩŋ mɩ-na Nuhuobiine Bie sɩpaaŋ.”

Luuk 8:13

Kɩalɩŋ sɩ tel kpagɩnyɩlɩŋ nyuŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a sɛɩ arɩ tʋɔtɔrʋŋ. Ama ʋ bɩ ba tʋɔŋ tibe. Ba yie sɛɩ wɩɩ-la a mʋ magɛ ŋɩɩ aŋ vɩa. Dɩ wɩaa nɛ jʋʋba, ba joŋo ta.

Rom Tɩŋŋaa 13:12

Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ.

2 Kɔrɩntɩ Nɩaa 10:4

La laalɩyuori kɩaa bɩ dʋnɩa kɩaa ŋaa, ama ba lɩɩ Wɩa teeŋ nɛ a faasa kɛŋ doluŋ, a wuo yigi dii-duoruŋ a lulo.

Ɛfɛsɩs Nɩaa 5:16

Tapʋlaa deemba wʋbɔŋŋɔɔ ŋaanɩŋ pʋrɩga nɛ. Ŋɩɩ wɩaa bʋa na-kala lɛ dɩ ma nɛ na wombiiŋ, má ŋaa wʋzɔŋŋɔɔ aa bʋl wʋzɔŋŋɔɔ.

Ɛfɛsɩs Nɩaa 5:6

Má sɩ́ leŋe dɩ nʋʋkala kɛŋ wʋnyɩɛrɩŋ a nyɩsɛma. Wɩaa deemba nɛ leŋe Wɩa baanɩŋ sisii nɩalɩŋ sɩ bɩ ʋ niiŋ ka to nyuŋ.

Koloosi Nɩaa 4:12

Ɛpafɩras ma sɩ lɩɩ ma jaŋ ka chʋɔlɛma. Ʋ ma ŋaa Yesu Kirisito tɩntɩnna-la dɔŋɔ nɛ aa tɩŋ ʋ tɩntɩŋŋaa. Ʋ yie chʋɔlɛ Wɩa pɩpɩma arɩ sɩɩfɩɛsɩŋ, dɩ ma waa dɛrɛ Wɩa wɩaa lɛ a jɩŋ woruŋ wɩalɩŋ kala Wɩa sɩɩ chɛ dɩ ma ŋaa.

Jeems 4:7

Ŋɩɩ wɩaa, má joŋ ma tɩtɩa a hɛ Wɩa nɩsɩŋ lɛ. Má joŋ harɩŋ yɩa Sɩtaanɩ, ʋ jaŋ fá lɛl.

1 Pɩɩta 4:1

A tɩŋ Kirisito tɩtɩa sɩ na hɛɛŋ ŋɩɩ, má kɛŋ ma tɩtɩa woruŋ dɩ ma na hɛɛ-la doho ʋ sɩ na, bɛɛ wɩaa nɩɩ-la kala sɩ na hɛɛŋ, ʋ leŋ wʋbɔŋŋɔɔ nɛ.

Jɔɔŋ Wʋnaalaa 3:10

A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.

Jɔɔŋ Wʋnaalaa 6:17

Tapʋlɩɩ-la Wɩa arɩ Pie-bie-la sɩ jaŋ na baanɩŋ dʋnɩa nɩaa nyuŋ yie nɛ. Kʋbɛɛ nɛ saa jaŋ wuo chɩŋ ba sɩpaaŋ?”