Ɛfɛsɩs Nɩaa 6:11 - WƖA TENIŊ

¹¹ Má paa ma bayuori kɩalɩŋ Wɩa sɩ joŋo pɩma laalɛ, ŋɩɩ nɛ ma jaŋ wuo pɔ dɩ Sɩtaanɩ sɩ́ wuo kɛŋ ʋ badɛ wɩaa nyɩsɛma.

Ɛfɛsɩs Nɩaa 6:11 ပူးပေါင်းရင်းမြစ်များ

NƐHƖMAAYA 4:13

Ŋɩɩ nɛ mɩ leŋ nɩalɩŋ nyɩgɩlɛ a kori tokobiee, tiŋŋee arɩ tosuŋ a chɩŋ dɩa dɩa, jebii-la lere-la ha sɩ bɩ dɛrɛ lɛ.

Maak 13:22

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, Nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl dɩ ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa tou.

Rom Tɩŋŋaa 13:12

Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ.

Rom Tɩŋŋaa 13:14

Má leŋ dɩ Yesu Kirisito nɛ ŋaa ma laalɩyuori kɩaa, aŋ sɩ́ ma yaraa tʋɔtɔrɛ wʋŋaalaa lɛ to.

1 Kɔrɩntɩ Nɩaa 10:13

Dɩ Sɩtaanɩ nɛ kʋ magɩsɛ nʋʋ, ʋ maga dɩ ʋ jɩŋ arɩ ŋɩɩ tɩtɩa nɛ Sɩtaanɩ yie mɩmagɩsɛ nʋʋkala. Ama Wɩa kɛŋ wʋtɩtɩɩ nɛ, ʋ bɩ jaŋ sɛɩ dɩ Sɩtaanɩ magɩsɛma a kieli ŋɩɩ ma sɩ jaŋ wuo ŋaa a chɩŋ wɩalɩŋ ma sɩ laa dii lɛ. Bʋa-la Sɩtaanɩ sɩɩ magɩsɛma, Wɩa jaŋ pɩma doluŋ dɩ ma wuo nyalɩmɛ. Ʋ jaŋ dagɛma wombii-la ma sɩ jaŋ to a lɩɩ wɩɩ-la lɛ.

2 Kɔrɩntɩ Nɩaa 10:4

La laalɩyuori kɩaa bɩ dʋnɩa kɩaa ŋaa, ama ba lɩɩ Wɩa teeŋ nɛ a faasa kɛŋ doluŋ, a wuo yigi dii-duoruŋ a lulo.

2 Kɔrɩntɩ Nɩaa 11:3

Ama fawʋllʋŋ kɛmmɛ nɛ, dɩ ba sɩ kʋ nyɩsɛma dɩ ma sɩ́ Kirisito to arɩ tʋɔ-bala arɩ wʋtɩtɩɩ. A nagɛ dɩmɩŋ fa sɩ kɛŋ ʋ wʋjɩmɩŋ a nyɩsɛ Hawa ŋɩɩ.

2 Kɔrɩntɩ Nɩaa 2:11

mɩ bɩ chɛ dɩ Sɩtaanɩ wuola. La jɩŋ ʋ wʋkɛnɩŋ nɛ.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

2 Kɔrɩntɩ Nɩaa 6:7

La yie bʋl wʋtɩtɩɩ nɛ a kɛŋ dol-la Wɩa sɩ pɩla a kaa tɩtɩŋ, a kɛŋ tʋɔpʋla ma Wɩa sɩpaaŋ. Tʋɔpʋla-la nagɛ huonuŋ nɛ la sɩ vɔɔ laalɛ la nadiiŋ arɩ la nagʋa nɩsaa lɛ a kɛŋ la tɩtɩa hɛ dɔŋɔ dɩ la pɔ la tɩtɩa lɛ.

Ɛfɛsɩs Nɩaa 4:14

Ŋɩɩ-na la bɩra bɩ jaŋ ŋaa hambiisi Wɩa wɩaa lɛ, dɩ wʋwogusu-la nɩaa dɔnsʋŋ sɩɩ dagʋ a mʋ tɩgɛ Wɩa wɩaa lɛ kɛnla begili. La bɩ jaŋ to nɩalɩŋ sɩɩ nyɩɛ wɩaa, a kɛŋ badɛrɩŋ nyɩnyɩsɛ nɩaa, dɩ ba joŋ wɩalɩŋ ba sɩ laa dii ta.

Ɛfɛsɩs Nɩaa 4:24

Má leŋ dɩ tʋɔbɩɩŋ falɩa-la nagɛ gɛrɩŋ ma sɩ laala. Wɩa ŋaama dɩ ma nagʋ nɛ a kɛŋ tʋɔpʋla ʋ sɩpaaŋ a sɩ́ disiniŋ kɛŋ.

Ɛfɛsɩs Nɩaa 6:13

Ŋɩɩ wɩaa, má laalɛ laalɩyuori kɩaa Wɩa sɩ joŋo pɩma, dɩ tapʋlɩɩ-la wʋbɔŋŋɔɔ sɩɩ chɛ dɩ ba ŋaa ma lɛ, dɩ ma wuo kɛŋ ma tɩtɩa hɛ dɔŋɔ chɩna gbɛrɛ.

Koloosi Nɩaa 3:10

aŋ lɛɛlɛ tuto mɛl-falɩɩ-la sɩ zɔmɔ. Wɩa leŋe ma waa mɛl-falɩŋ deeŋ lɛ nɛ dɩ ma wuo jɩŋ ʋ wɩaa woruŋ a kʋ nagɛ ʋ tɩtɩa nagɩsɩŋ.

1 Tɛsalonaaka Nɩaa 5:8

Ama la-na hɛ pʋlʋmʋŋ tʋɔŋ nɛ, ŋɩɩ wɩaa ʋ maga dɩ la kɛŋ la tɩtɩa wɩɩ-na kala lɛ nɛ. Wɩalɩŋ la sɩ laa dii arɩ la sɩ cho nɩaa ŋɩɩ, má leŋ dɩ ba nagɛ hɔɔŋ bɔɩ-tɔɔrɩ gɛrɩŋ. La sɩɩ yɩɛlɛ dɩ Wɩa laala ta ŋɩɩ, má leŋ dɩ ʋ nagɛ hɔɔŋ nyuŋ-chu-gbaŋkogo dɩ la chu,

Hiburu TƖŊŊAA 7:25

Ŋɩɩ wɩaa, ʋ jaŋ wuo laa nɩalɩŋ sɩ to ʋ lɛ a kɔ Wɩa teeŋ ta. Ʋ jaŋ wuo laaba ta, bɛɛ wɩaa ʋ jaŋ hɛ nɩmɛ bʋa na-kala a sʋl Wɩa pɩpɩba.

Jeems 4:7

Ŋɩɩ wɩaa, má joŋ ma tɩtɩa a hɛ Wɩa nɩsɩŋ lɛ. Má joŋ harɩŋ yɩa Sɩtaanɩ, ʋ jaŋ fá lɛl.

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 2:24

Ama ma nɩalɩŋ dɔnsʋŋ sɩ hɛ Taataya lɛ a bɩ wɩalɩŋ haala deeŋ sɩɩ dagʋ ka to, a bɩ Sɩtaanɩ wʋbisi-la gʋnna, mɩ bɩ jaŋ joŋ wʋyuŋŋii kala daŋ ma lɛ. Wɩɩŋ deeŋ dʋndʋŋ nɛ mɩɩ chɛ dɩ mɩ bʋla pɩma:

SƖPAALAARAA 3:2

Ʋ ŋaa wɩɩŋ deeŋ dɩ ʋ dagɛ ba doho nɩalɩŋ sɩ bɩ laalɩŋ wɩaa jɩŋ nɛ.