Ɛfɛsɩs Nɩaa 6:10 - WƖA TENIŊ

¹⁰ Wɩɩ-la mɩ sɩɩ chɛ mɩ bʋl, ʋ wʋkaanɩŋ nɛ ŋ-la: Má leŋ dɩ La Tɩɩna dol-bal-la hɛ ma lɛ dɩ ma kɛŋ doluŋ woruŋ.

Ɛfɛsɩs Nɩaa 6:10 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 28:10

Ʋ maga dɩ ŋ jɩŋ arɩ La TƖƖNA lɩɩsɩŋ nɛ dɩ ŋ saa ʋ dɩɩ-balɩŋ sɩ bɩ disiniŋ kɛnɛ. Kɛŋ tʋɔ-doluŋ a tɩŋ tɩntɩmɩɩ-la.”

1 IZIRAL TƖŊŊAA NAABARƖŊ 28:20

Devit bʋla pɩ ʋ nanʋala Solomoŋ, “Ʋ maga dɩ ŋ nyɩrɛ bɔyɛ a kɛŋ tʋɔ-doluŋ a tɩŋ tɩntɩmɩɩ-la. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ. Mɩ TƖƖNA Wɩa mɩ sɩ tɩmaa pa jaŋ pɛ ŋ lɛ. Ʋ bɩ jaŋ vɩaŋ ta, ʋ jaŋ pɛ ŋ lɛ dɩ ŋ tɩŋ ʋ dɩɩ-bal-la tɩntɩŋŋaa kala dɛrɛ.

2 IZIRAL TƖŊŊAA NAABARƖŊ 15:7

Ama ma-na, má kɛŋ bɔɩ-duoŋ a sɩ́ leŋe dɩ ma nandaasɩŋ yʋɔrɛ. Wɩalɩŋ kala ma sɩɩ ŋaa, ma jaŋ na ba nyʋʋrʋŋ.”

WƖA YƖƖLAA 138:3

Mɩ sɩ sʋlʋŋ dɩ ŋ pɛ mɩ lɛ, ŋ laa mɩ sʋla nɛ, a leŋ mɩ nyuŋ nyaasɛ, mɩ yaraa polli.

AZAAYA 40:28

Ma bɩ jɩŋ? Ma bɩ nɩaa? La TƖƖNA nɛ Wɩa sɩ hɛ nɩmɛ deeŋ deeŋ. Ʋ nɛ ŋaa dʋnɩa kala. Ʋ bɩ lɔl, nʋʋkala ma bɩ ʋ tʋɔbɩɩnaa wuo jɩŋ.

AZAAYA 40:31

ama nɩalɩŋ sɩ kɛŋ yɩɛlaa La TƖƖNA lɛ, jaŋ wasa kɛŋ doluŋ. Ba jaŋ nagɛ kachuuŋ sɩɩ fil. Ba jaŋ fá aŋ bɩ jaŋ lɔl, a vɛŋ woruŋ aŋ bɩ jaŋ yiegi.

HAGAƖ 2:4

La TƖƖNA bɩra sɩ, “Zerubabɛl, kɛŋ bɔɩ-duoŋ a tɩŋ, Jehozadak nanʋala Josua ma sɩ ŋaa Wɩɩsʋllɩ sɩpaalaaraa nɩhɩaŋ, ŋ ma kɛŋ bɔɩ-duoŋ a tɩŋ. Ma nɩkaana-la kala sɩ hɛ tintee-la lɛ, má ma kɛŋ bɔɩ-duoŋ a tɩŋ. Mɩ hɛ ma teeŋ nɛ, mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 8:13

Tinteyee nɩaa fa kɛŋ ma-na Juda arɩ Iziral nɩaa yɩrɩŋ a ŋmɩɛsa hɩhɛ nɩaa lɛ nɛ. Ama lɛɛlɛ mɩ jaŋ laama ta a to ma lɛ a pɛ ba lɛ. Má sɩ́ leŋe dɩ fawʋllʋŋ kɛmma, má nyɩrɛ bɔyɛ.

ZƐKARƖYA 8:9

Wɩɩ-la La TƖƖNA doluŋ kala sɩ bʋla nɛ ŋ-la: “Ma-na nɩalɩŋ lɛɛlɛ sɩɩ nɩɩ wɩalɩŋ mɩ wʋlaabʋlla-la fa sɩ bʋla bʋa-la lɛ ba sɩɩ bil mɩ-na ma TƖƖNA doluŋ kala Tɩɩna dɩɩ-bal-la gentine, má nyɩrɛ bɔyɛ a wasa saa mɩ dɩɩ-bal-la.

1 Kɔrɩntɩ Nɩaa 16:13

Má pɔ, a chɩŋ wɩalɩŋ ma sɩ laa dii lɛ kpaŋ kpaŋ. Má kɛŋ bɔɩ-duoŋ a kɛŋ doluŋ Wɩa teeŋ.

2 Kɔrɩntɩ Nɩaa 13:11

Mɩ naambiiriŋ, mɩ teniŋ dɩdɛrɩŋ nɛ ŋ-la. Maa ŋaa wɩalɩŋ sɩ jaŋ leŋ dɩ ma chaasa ŋaa nɩzɔmɔ. Má jegile nɩɩ wɩalɩŋ mɩ sɩɩ chɛ mɩ bʋla pɩma, má kɛŋ nii-bala a ŋaa sɩma. Dɩ ma nɛ ŋaa ŋɩɩ, Wɩa sɩ cho nɩaa jaŋ hɛ ma teeŋ a leŋ dɩ ma hɔŋ arɩ yarɩfɩɛlaa.

Ɛfɛsɩs Nɩaa 1:19

Mɩ bɩraa sʋlʋ dɩ ʋ wuo leŋ dɩ ma jɩŋ ŋɩɩ ʋ dol-bal-la sɩ bɩ magɩa kɛnɛ nɩalɩŋ sɩ laa ʋ wɩaa dii teeŋ. Ʋ yie to ʋ dol-bal-la lɛ nɛ a tɩŋ ʋ tɩntɩŋŋaa.

Ɛfɛsɩs Nɩaa 3:16

Ʋ sɩ kɛŋ yɩrɩŋ kɩŋkɛŋ ŋɩɩ, mɩɩ sʋlʋ dɩ ʋ leŋ dɩ ʋ Dɩŋ-zɔmʋŋ pɩma doluŋ ma tʋɔŋ lɛ.

MOSIS BƖRA WULLI WƖA WOMBIIŊ 31:23

Ŋɩɩ nɛ aŋ ka La TƖƖNA bʋla pɩ Nuŋ nanʋala Josua, “Nyɩrɛ bɔyɛ a kɛŋ tʋɔ-doluŋ, bɛɛ wɩaa ŋ nɛ jaŋ kɛŋ Iziral tɩŋŋaa kaa mʋ tintee-la mɩ sɩ hɛ niiŋ dɩ mɩ joŋo pɩba. Mɩ jaŋ chɩŋ ŋ harɩŋ.”

Fɩlɩpa Nɩaa 3:1

Mɩ naambiiriŋ, wɩɩ-la wʋkaanɩŋ mɩ sɩɩ chɛ mɩ bʋla pɩma nɛ ŋ-la: Má jʋjʋɔsɛ La Tɩɩna Wɩa sɩpaaŋ. Mɩ laa sɩpaaŋ bʋl wɩɩŋ deeŋ pɩma nɛ, aŋ bɩra chɩchɛ dɩ mɩ bʋl ʋ tɩtɩa ŋ-la. Mɩ bɩ jaŋ kɔ dɩ mɩ lɔlɔ arɩ wɩɩ-la bʋlʋŋ. Wɩalɩŋ jaŋ pɛ ma lɛ dɩ ma sɩ́ wʋbɔŋ kala jʋʋ.

Fɩlɩpa Nɩaa 4:13

Mɩ jaŋ wuo kɛŋ mɩ tɩtɩa woruŋ wɩɩkala lɛ, a tɩŋ dol-la Kirisito sɩ pɩmɛ wɩaa.

Fɩlɩpa Nɩaa 4:8

Mɩ naambiiriŋ, wɩɩ-la dɩdɛrɩŋ nɛ ŋ-la: Má ŋɩŋaa wɩalɩŋ sɩ ŋaa wʋtɩtɩɩba, wɩalɩŋ sɩ kɛŋ yɩrɩŋ, wɩalɩŋ sɩɩ to wombiiŋ, wɩalɩŋ sɩ bɩ disiniŋ kɛnɛ, wɩalɩŋ sɩ daga arɩ ma cho nɩaa, wɩalɩŋ sɩ zɔmɔ nɩaa sɩpaaŋ arɩ wɩalɩŋ sɩ jaŋ leŋ dɩ nɩaa bɩbɛsɛ ma lɛ. Má joŋ ma nyuŋ hɛ wɩaa deemba lɛ.

Koloosi Nɩaa 1:11

Wɩa jaŋ pɩma ʋ dol-bal-la, dɩ ma wuo kɛŋ pɩɩna arɩ kenyiri, a kɛŋ tʋɔtɔrʋŋ

2 Timoti 2:1

Ŋ-na mɩ bii Timoti, kɛŋ bɔɩ-duoŋ La Tɩɩna Yesu Kirisito lahɔrɩmɔ lɛ.

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

1 Pɩɩta 3:8

Wɩɩ-la mɩ sɩɩ chɛ dɩ mɩ bʋl wʋkaanɩŋ nɛ ŋ-la: Má kala kɛŋ tʋɔ-bala, má fɩfá dɔŋɔ nenige, má cho dɔŋɔ, bɛɛ wɩaa ma ŋaa naambiiri nɛ, a kɛŋ zile dɔŋɔ lɛ, a kɛŋ ma tɩtɩa muuri dɔŋɔ teeŋ.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.

1 Jɔɔŋ 2:14

Mɩ kʋhɩasɩŋ ma, ma jɩŋ Nɩɩ-la fa sɩ hɛ nɩmɛ bumbuŋ kala nɛ, ŋɩɩ nɛ tɩɩ mɩ ŋmʋnsa pɩpɩma. Ma bapʋɔsaa ma, ma ma kɛŋ doluŋ, Wɩa niiŋ wɩaa ma hɛ ma tʋɔŋ lɛ. Ma lɛɛlɛ yuo dii Sɩtaanɩ nɛ, ŋɩɩ nɛ tɩɩ mɩ ŋmʋnsa pɩpɩma.

1 SAMƲƐL 23:16

Devit sɩ hɛ lee-la ŋɩɩ, Sɔɔl nanʋala Jonataŋ mʋ bʋl wɩaa a nyaasɛ Devit nyuŋ arɩ Wɩa pɔʋ nɛ.