Ɛfɛsɩs Nɩaa 5:9 - WƖA TENIŊ

⁹ Pʋlʋmʋŋ tʋɔŋ nɛ nɩaa ŋɩŋaa wʋzɔŋŋɔɔ, tʋɔpʋl wɩaa arɩ wʋtɩtɩɩba.

Ɛfɛsɩs Nɩaa 5:9 ပူးပေါင်းရင်းမြစ်များ

Matiu 3:8

Máa ŋaa wɩalɩŋ sɩ jaŋ dagɛ arɩ ma bɩrɩma lɩɩ ma wʋbɔŋŋɔɔ lɛ nɛ,

Jɔɔŋ 1:47

Yesu sɩ na Natanɩal dɩ ʋʋ kɔ ʋ teeŋ, ʋ bʋl, “Nɩa deeŋ ŋaa Iziral tɩɩna tɩtɩɩ nɛ. Ʋ kɛŋ wʋtɩtɩɩ.”

Rom Tɩŋŋaa 15:14

Mɩ naambiiriŋ, mɩ chaasa laa dii arɩ maa ŋaa wʋzɔŋŋɔɔ nɛ woruŋ, a jɩŋ wɩaa ma woruŋ, a wuo dɩdagɛ dɔŋɔ.

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

Ɛfɛsɩs Nɩaa 4:15

Ama ʋ maga dɩ la cho dɔŋɔ a bʋl wʋtɩtɩɩ pɩpɩ dɔŋɔ bʋa na-kala. Dɩ la nɩɩ ŋaa ŋɩɩ, la jaŋ wuo waa Wɩa wɩaa lɛ a kʋ nagɛ Kirisito sɩ nagɛ ŋɩɩ. Nɩalɩŋ sɩ laa Yesu wɩaa dii aa hilimi nagɛ nuhuobiine nandaasɩŋ nɛ. Kirisito nɛ ŋaa ba nyuŋ.

Ɛfɛsɩs Nɩaa 4:25

Ŋɩɩ wɩaa, má bɩra sɩ́ wɩaa nyɩnyɩa. Má leŋ dɩ nʋʋkala bʋl wʋtɩtɩɩ a pɩ ʋ dɔŋɔ tɩɩna, bɛɛ wɩaa la kala nagɛ nandaasɩŋ nɛ a kʋ mɛrɛ dɔŋɔ lɛ a ŋaa kʋbala.

Ɛfɛsɩs Nɩaa 6:14

Má chɩŋ kpaŋ kpaŋ, má leŋ dɩ wʋtɩtɩɩ-la ma sɩ nɩa nagɛ ma laalɩyuori damɛrɛ a vɔɔ ma tɩŋa lɛ, a leŋ dɩ tʋɔpʋla nagɛ ma hɔɔŋ-bɔɩ-tɔɔrɩ-gɛrɩŋ a tɔ ma harɩŋ arɩ ma sɩpaaŋ kala,

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Koloosi Nɩaa 3:18

Haalaa, má to ma balaba niiŋ a tɩŋ ma sɩɩ to Wɩa.

1 Timoti 6:11

Ama ŋ-na sɩ ŋaa Wɩa tɩntɩnnʋ, sɩ́ wɩaa deemba kala ŋaa. Leŋ dɩ ŋ sɩɩŋ fɩɛsɛ dɩ ŋ ŋɩŋaa tʋɔpʋl wɩaa, a tuto Wɩa wombiiŋ, a chɩŋ wɩalɩŋ ŋ sɩ laa dii lɛ, a cho nɩaa, a kɛŋ kenyiri, a kɛŋ ŋ tɩtɩa muuri nɩaa sɩpaaŋ.

Hiburu TƖŊŊAA 1:8

Ama ʋ sɩ bʋl wɩaa a tɩgɛ ʋ Bie lɛ, ŋ-la nɛ ʋ bʋl: Ʋ sɩ, “Ŋ ŋaa Wɩa nɛ, ŋ kuoruŋ jaŋ hɛ nɩmɛ a kaa mʋ deeŋ deeŋ. Tʋɔpʋla nɛ ŋ jaŋ kaa beŋ ŋ nɩaa.

Hiburu TƖŊŊAA 11:33

Ba kala fa laa Wɩa wɩaa dii nɛ, ba yuo dii kuoroo arɩ ba tinteyee. Ba to wʋtɩtɩɩ-la Wɩa sɩɩ chɛ nɛ, a na kɩalɩŋ Wɩa sɩ sɩ ʋ jaŋ joŋo pɩba. Ba dɔnsʋŋ ma yuo dii naachigee.

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

3 Jɔɔŋ 1:11

Mɩ nandɔŋ choolii, sɩ́ nɩalɩŋ sɩɩ ŋaa wʋbɔŋŋɔɔ chesu. Ama chichesi nɩalɩŋ sɩɩ ŋaa wʋzɔŋŋɔɔ. Nɩɩ-la kala sɩɩ ŋaa wʋzɔŋŋɔɔ ŋaa Wɩa bii nɛ. Nɩɩ-la ma kala sɩɩ ŋaa wʋbɔŋŋɔɔ, ʋ tɩɩna bɩ Wɩa jɩŋ.