Ɛfɛsɩs Nɩaa 5:8 - WƖA TENIŊ

⁸ Bʋa kʋbala lɛ ma ma fa hɛ birimiŋ tʋɔŋ nɛ, ama La Tɩɩna Yesu leŋe ma lɛɛlɛ hɛ pʋlʋmʋŋ tʋɔŋ nɛ. Ŋɩɩ wɩaa, má leŋ dɩ ma wʋŋaalaa nagɛ nɩalɩŋ sɩ hɛ pʋlʋmʋŋ tʋɔŋ.

Ɛfɛsɩs Nɩaa 5:8 ပူးပေါင်းရင်းမြစ်များ

WƖA YƖƖLAA 74:20

Liise yi nii-la sɩ hɛ la pɛgɛ. Nɩbɔmɔ-la sɩ cho yuosuŋ faa birimiŋ tʋɔŋ dʋnɩa loŋgoru kala lɛ nɛ.

AZAAYA 2:5

Ou, Jekɔb doho nɩaa, má kɔ dɩ la vɛŋ La TƖƖNA pʋlʋmʋŋ lɛ.

AZAAYA 42:16

Mɩ jaŋ laa nɩalɩŋ sɩ nyʋlɩma sɩpaaŋ, a kɛmba vɛŋ wombii-la ba ha sɩ bɩ vɛnɛ aŋ ka lɛ. Mɩ jaŋ pɔba a leŋ dɩ birimiŋ bɩrɩmɛ pʋlʋmʋŋ ba sɩpaaŋ. Mɩ jaŋ leŋ dɩ lere-la kala sɩ ŋaa nyʋra nyʋra ŋaa mʋla mʋla. Wɩalɩŋ mɩ sɩ jaŋ ŋaa pɩba nɛ ŋɩɩ: Mɩ bɩ jaŋ vɩaba ta.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

AZAAYA 49:9

Ŋ jaŋ laa nɩalɩŋ ba sɩ yuo kɛsɛ arɩ nɩalɩŋ sɩ hɛ birimiŋ tʋɔŋ a ta dɩ ba na pʋlʋmʋŋ. Ba jaŋ na kʋdiilee lee-la kʋŋkala sɩ paala tuo.

AZAAYA 50:10

Ma nɩalɩŋ kala sɩɩ zil La TƖƖNA, a sɛɩ wɩalɩŋ kala ʋ tɩntɩnna sɩ bʋla, dɩ ma nɩɩ vɛŋ birimiŋ lim tʋɔŋ a bɩ nyiniŋ kɛnɛ ma, má laa La TƖƖNA dii, a bibeŋ ma Wɩa lɛ.

AZAAYA 9:2

Nɩalɩŋ sɩɩ vɛŋ birimiŋ tʋɔŋ na pʋlʋŋ-bal nɛ. Tintee-la nɩaa fa sɩ hɛ birimiŋ lim tʋɔŋ, pʋlʋmʋŋ lɛɛlɛ chaanaa hɛ ba lɛ nɛ.

JƐRƖMAAYA 13:16

Má zil ma TƖƖNA Wɩa, ka dɩ ʋ-na leŋ dɩ leriŋ biri, dɩ ma gɛrɛ dundollu-la sɩ kɛŋ birimiŋ lɛ. Maa chɛ dɩ ma na pʋlʋmʋŋ nɛ, ama ʋ jaŋ kɛŋ pʋlʋŋ-la bɩrɩmɛ birimiŋ lim, a ŋaa dɩ leriŋ faasa biri woruŋ.

Matiu 3:8

Máa ŋaa wɩalɩŋ sɩ jaŋ dagɛ arɩ ma bɩrɩma lɩɩ ma wʋbɔŋŋɔɔ lɛ nɛ,

Matiu 4:16

Ʋ bʋla pɩba, “Nɩalɩŋ sɩ hɛ birimiŋ tʋɔŋ na pʋlʋŋ-bal nɛ. Tintee-la nɩaa fa sɩ hɛ biriŋ lim tʋɔŋ, pʋlʋmʋŋ lɛɛlɛ chaana hɛ ba lɛ nɛ.”

Luuk 1:79

Pʋlʋŋ-la jaŋ lɩɩ Wɩa-jaŋ a pɔsɛ hɛ nɩalɩŋ kala sɩ hɔŋ birimiŋ tʋɔŋ a faa chɛ dɩ ba sʋʋ. Ʋ jaŋ dagɛla wombii-la sɩ kɛŋ yarɩfɩɛlaa dɩ la to.”

Luuk 16:8

Ŋɩɩ nɛ kɩaa tɩɩna-la bɛsɛ sɩŋgɩrɩŋ tɩɩna-la lɛ arɩ ʋ ŋaa kukeri nɛ arɩ wʋjɩmɩɩ-la ʋ sɩ kɛnɛ a ŋaa wʋbɔŋ-la.” Ŋɩɩ nɛ Yesu bɩra bʋl, “Bee na nɩalɩŋ sɩ cho dʋnɩa kɩaa kɩŋkɛŋ sɩ kɛŋ wʋjɩmɩŋ ŋɩɩ a pɩpɛ dɔŋɔ lɛ a kɩɩ nɩalɩŋ sɩɩ to Wɩa.”

Jɔɔŋ 1:9

Ŋɩɩ nɛ pʋlʋŋ-la tɩtɩa kʋ tuu dʋnɩa dɩ ʋ chaana hɛ nʋʋkala lɛ.

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

Jɔɔŋ 12:36

Pʋlʋŋ-la sɩ hɛ ma teeŋ ŋɩɩ, má laa ʋ wɩaa dii. Dɩ ma nɛ ŋaa ŋɩɩ, ma ma jaŋ kɛŋ pʋlʋmʋŋ a ma chaanɛ.” Yesu sɩ bʋl wɩaa deemba dɛrɛ, ʋ lɩɩ a kɛŋ ʋ tɩtɩa faa dɩ ba sɩ́ ʋ na.

Jɔɔŋ 12:46

Mɩ kʋ tuu dʋnɩa dɩ mɩ ŋaa dʋnɩa pʋlʋmʋŋ nɛ a chaanɛ. Nɩɩ-la kala sɩ laa mɩ wɩaa dii bɩra bɩ jaŋ hɛ birimiŋ tʋɔŋ.

Jɔɔŋ 8:12

Ŋɩɩ nɛ Yesu bɩra suomi a dɩdagɛ nɩaa, a bʋla pɩba, “Mɩ nɛ ŋaa dʋnɩa nɩaa pʋlʋmʋŋ, nɩɩ-la kala sɩ tomi, ʋ bɩ jaŋ vɛŋ birimiŋ tʋɔŋ. Ama ʋ jaŋ kɛŋ pʋlʋŋ sɩɩ pɩ nɩaa mɩɩsɩŋ.”

Tɩntɩŋŋaa 17:30

Bʋa-la lɛ nuhuobiinee sɩ bɩ ʋ jɩŋ, ʋ fa tɔrɩkɔ nɛ ba nyuŋ. Ama lɛɛlɛ ʋ bʋla pɩpɩ nʋʋkala lee-na kala dɩ ba bɩrɩma lɩɩ ba wʋbɔŋŋɔɔ lɛ,

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

Rom Tɩŋŋaa 13:12

Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ.

Rom Tɩŋŋaa 2:19

Ŋ jɩma arɩ ŋ nɛ ŋaa nyʋlɩmaa daa-kɛnnɛ a ŋaa nɩalɩŋ ma sɩ hɛ birimiŋ tʋɔŋ pʋlʋmʋŋ.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

2 Kɔrɩntɩ Nɩaa 6:14

Má sɩ́ ma tɩtɩa kaa mɛrɛ nɩalɩŋ sɩ bɩ Yesu wɩaa laa dii lɛ. Tʋɔpʋl tɩŋŋaa arɩ nɩbɔŋŋɔɔ bɩ dɔŋɔ lɛ wuo mɛrɛ. Pʋlʋmʋŋ arɩ birimiŋ bɩ jaŋ wuo guoli dɔŋɔ lɛ.

Galiisia Nɩaa 5:25

Wɩa Dɩŋ-zɔŋ-la sɩ hɛ la lɛ, ʋ maga dɩ la tuto ʋ niiŋ lɛ nɛ.

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Ɛfɛsɩs Nɩaa 4:18

Birimiŋ tɔ ba wʋjɩmɩŋ nɛ. Ba bɩ jaŋ wuo na mɩɩsɩ-la Wɩa sɩ joŋo pɩ nɩaa, bɛɛ wɩaa ba bɩ wɩɩkala jɩŋ, ba dɩgɩlaa ma bɩ wɩaa ka nɩɩ.

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

Ɛfɛsɩs Nɩaa 6:12

Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.

Koloosi Nɩaa 1:12

a lɔllɛ Wɩa arɩ ʋ sɩ leŋe ma ma maachie jaŋ wuo pɛ dii kɩalɩŋ ʋ sɩ ŋaa bil ʋ nɩaa lɛ Wɩa kuorii-la tʋɔŋ.

Koloosi Nɩaa 1:13

Ʋ laala Sɩtaanɩ nɩsɩŋ lɛ nɛ, a kɛnla kaa mʋ hɛ ʋ bii-chooluŋ kuorii-la tʋɔŋ.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.