Ɛfɛsɩs Nɩaa 5:5 - WƖA TENIŊ

⁵ Ʋ maga dɩ ma jɩŋ woruŋ, arɩ nɩalɩŋ sɩɩ ŋaa wʋlɩɩlɩŋ koo nɩalɩŋ sɩɩ ŋaa disiniŋ, arɩ nɩalɩŋ sɩ kɛŋ tʋɔ-luŋuŋ [tʋɔ-luŋuŋ nagɛ vʋɩ-kpaarɩŋ nɛ], nɩaa deemba kʋŋkala bɩ jaŋ dii kɩalɩŋ Wɩa sɩ ŋaa bil ʋ nɩaa lɛ, ʋ-na Wɩa arɩ Kirisito kuorii-la tʋɔŋ.

Ɛfɛsɩs Nɩaa 5:5 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 20:17

Má pɔ dɩ ma sɩ́ ma dɔnsʋŋ tɩŋŋaa kɩaa hɩɛnʋ: ba dɩɩsɩŋ, ba haalaa, ba dɩa tɩntɩnnaa baalaa koo haalaa, ba nɛsɩŋ koo ba kakusuŋ, koo kʋŋ na-kala ba sɩ kɛnɛ.”

Tɩntɩŋŋaa 20:32

Mɩ lɛɛlɛ jomma hɛ Wɩa nɩsɩŋ lɛ nɛ. Wɩa wʋzɔmɔ-la lahɔrɩmɔ lɛ ʋ jaŋ pɛ ma lɛ. Ʋ jaŋ wuo pɛ ma lɛ dɩ ma kɛŋ doluŋ a chɩŋ wɩalɩŋ ma sɩ laa dii lɛ. Ʋ jaŋ leŋ dɩ ma wuo dii kɩalɩŋ ʋ sɩ ŋaa bil nɩaa lɛ.

Tɩntɩŋŋaa 8:21

Ŋ bɩ toru kala kɛnɛ tɩntɩmɩŋ deeŋ lɛ. Ŋ bɩ ŋ tʋɔŋ pʋlla Wɩa teeŋ.

Galiisia Nɩaa 5:19

La tʋɔtɔrɛ wʋŋaalaa bɩ wʋfaalɩa ŋaa. Dɩ nʋʋ nɛ toba, ʋ yie ŋɩŋaa wʋlɩɩlɩŋ, a ŋɩŋaa disiniŋ, a ŋɩŋaa hɩɩsɩ wɩaa,

Galiisia Nɩaa 5:21

a kɛŋ tʋɔbɔmʋŋ, a nyʋa sɩnɩŋ a bubugi. Dɩ ba nɛ kʋ hilimi na-kala, ba nyʋa sɩnɩŋ bugi a ŋɩŋaa wʋtɔɔnʋŋ. Mɩ laa sɩpaaŋ kpʋrɩsɛ ma dɩgɩlaa nɛ. Mɩ saa bɩraa kpʋrɩsɛ ma dɩgɩlaa nɛ arɩ nɩalɩŋ sɩɩ ŋaa wɩaa deemba bɩ jaŋ wuo jʋʋ Wɩa kuorii-la tʋɔŋ.

Ɛfɛsɩs Nɩaa 5:3

Ma sɩ ŋaa Wɩa nɩaa ŋɩɩ, ʋ maga dɩ ma lɩɩsɛ ma tɩtɩa wʋlɩɩlɩŋ lɛ, a bɩra lɩɩsɛ ma tɩtɩa disiŋ kala lɛ, a sɩ́ tʋɔ-luŋuŋ kɛŋ.

Koloosi Nɩaa 1:13

Ʋ laala Sɩtaanɩ nɩsɩŋ lɛ nɛ, a kɛnla kaa mʋ hɛ ʋ bii-chooluŋ kuorii-la tʋɔŋ.

Koloosi Nɩaa 3:5

Ʋ maga dɩ ma kpʋ dʋnɩa wɩalɩŋ kala sɩ hɛ ma lɛ a ta nɛ. Ba nɛ ŋ-la: Wʋlɩɩlɩŋ ŋaanɩŋ, disiniŋ ŋaanɩŋ, yaraa wʋchooloo, wʋbɔŋŋɔɔ bɩɩnɩŋ, tʋɔ-luŋuŋ. Tʋɔ-luŋuŋ-na paala nagɛ vʋɩ-kpaarɩŋ nɛ.

1 Timoti 6:10

Dɩ nɩaa nɛ cho moribiee, ba jaŋ wuo ŋaa wʋbɔŋ na-kala. Nɩaa dɔnsʋŋ joŋ ŋɩɩ ba sɩ laa Wɩa dii ta nɛ a tɩŋ ba sɩ cho moribiee wɩaa, ŋɩɩ leŋ tʋɔ-cheeŋ kɩŋkɛŋ jʋʋ.

1 Timoti 6:17

Bʋla pɩ nɩalɩŋ sɩ kɛŋ kɩaa dʋnɩa deeŋ lɛ dɩ ba sɩ́ ba tɩtɩa dagʋ koo a joŋ ba yɩɛlaa hɛ ba dʋa lɛ, bɛɛ wɩaa nʋʋkala bɩ jɩŋ ʋ dʋa-la chie sɩ jaŋ chɩŋ ŋɩɩ. Ama ʋ maga dɩ ba joŋ ba yɩɛlaa hɛ Wɩa lɛ. Ʋ nɩɩ pɩla kʋŋkala la sɩɩ chɛ dɩ la kaa nɩnɩɩ sɩma.

Hiburu TƖŊŊAA 13:4

Ma nɩalɩŋ sɩ jaa dɔŋɔ, má kɛŋ dɔŋɔ woruŋ a sɩ́ wʋlɩɩlɩŋ ŋaa, bɛɛ wɩaa Wɩa jaŋ dii nɩalɩŋ sɩɩ ŋaa bachɔrʋŋ arɩ hachɔrʋŋ wɩaa sarɩya, a pɛ nɩalɩŋ sɩɩ ŋaa wʋlɩɩlɩŋ lɛ.

JOSUA 7:21

Kɩalɩŋ la sɩ yuo laa tʋɔŋ, mɩ na Babɩlɔŋ tɩŋŋaa gɛrɩ-zɔŋ kʋbala nɛ a joŋ, arɩ warɩpʋla yuŋuŋ sɩ yi kilo balɩa arɩ mʋa a pɛ sɛlɩmɛ yuŋuŋ sɩ yi kilo kpaa magɛ dɔŋɔ lɛ. Kɩaa deemba nɛ mɩ na mɩ sɩɩŋ jʋʋba mɩ lʋara paa. Ba nɛ mɩ joŋo hugi mɩ lɛbɩŋ tʋɔŋ, a leŋ warɩpʋla-la hɛ bʋbʋɔŋ.”

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.