Ɛfɛsɩs Nɩaa 5:4 - WƖA TENIŊ

⁴ Má sɩ́ wʋlɩɩlɩŋ arɩ wʋtɔɔnʋŋ ma bʋbʋl. Má sɩ́ sɩsɩɩ-tɔɔnʋŋ ma sɩɩ. Ʋ bɩ maga dɩ Wɩa nɩaa ŋɩŋaa wɩaa deemba. Ama ʋ maga dɩ ma lʋlɔllɛ Wɩa nɛ bʋa na-kala lɛ.

Ɛfɛsɩs Nɩaa 5:4 ပူးပေါင်းရင်းမြစ်များ

WƖA YƖƖLAA 33:1

Tʋɔpʋl tɩŋŋaa, má yɩɩ tʋɔtɔrɛ yɩɩlaa a pɩ La Tɩɩna. Ʋ ŋaa wʋzɔŋ nɛ a maga dɩ tʋɔpʋl tɩŋŋaa dɛnnʋ.

WƖA YƖƖLAA 92:1

Ʋ ŋaa wʋzɔŋ nɛ dɩ la dɛnnɛ La TƖƖNA, a yɩɩ yɩɩlaa a zil Wɩa sɩ kɩɩ kʋŋkala,

NAMAGABA 12:23

Wʋjɩnna bɩ ʋ wʋjɩmɩŋ ŋɩɩ ka dagɛ, ama nɩyaarɩŋ-na yie bʋl wɩaa kɩŋkɛŋ nɛ a leŋ nʋʋkala jɩŋ arɩ ʋ yaara nɛ.

NAMAGABA 15:2

Wʋjɩnna wʋbʋlʋŋ yie leŋ nɩaa na dɩ wʋjɩmɩŋ zɔmɔ nɛ, ama dɩ nɩyaara-na nɛ suri ʋ niiŋ, nɩyaarɩ wɩaa nɛ ʋ yie bʋbʋl.

NAMAGABA 26:19

ʋ nagɛ nɩɩ-la sɩ yie nyɩsɛ ʋ dɔŋɔ tɩɩna aŋ bʋl, “Mɩ ta kaa gbieli nɛ.”

TƖƖCHA 10:13

Nɩyaarɩŋ yie suomo bʋl wɩalɩŋ sɩ bɩ bʋbʋɔ kɛnɛ nɛ, ʋ dɩdɛrɩŋ ʋ bʋl wʋyaayasɩŋ.

DANƖƐL 6:10

Danɩɛl sɩ nɩa dɩ ba tɔ boŋ-la nɛ a ŋmʋnsa bil nʋʋkala jɩŋ, ʋ mɩɩra mʋ dɩa a jɩl ʋ lusuŋ nyuŋ dɩa, lee-la tokoroba sɩ suroo chaasɛ Jerusalɛm dɩɩrɩŋ. Nɩmɛ nɛ ʋ yie kpirime chʋɔlɛ Wɩa naansɩɩŋ butori tapʋlɩɩ kala, a lɔllʋ arɩ ʋ fa sɩ vɛnɛɛ ŋaa ŋɩɩ.

Maak 7:22

a kɛŋ tʋɔ-luŋuŋ, a bɩbɩɩnɛ wʋbɔŋŋɔɔ nɩaa lɛ, a ŋmuŋmoo nɩaa puo, a ŋɩŋaa wʋlɩɩlɩŋ. Ŋ yaraa bibieri nɩaa lɛ, a chichei nɩaa yɩrɩŋ, a bibigisi ŋ tɩtɩa lɛ, a ŋaa nɩyaarɩ.

Jɔɔŋ 6:23

Ba sɩ chɩŋ nɩmɛ ŋɩɩ, lɩɩŋ daborusuŋ dɔnsʋŋ lɩɩ Tabiiras kɔ lee-la, a kpagɛ lee-la Yesu fa sɩ lɔllɛ Wɩa aŋ joŋ boroboro pɩba ba dii.

Rom Tɩŋŋaa 1:28

Nɩaa deemba bɩ chɛ dɩ ba jɩŋ Wɩa. Ŋɩɩ nɛ tɩɩ Wɩa lemba ta ba tuto ba tʋɔbɩɩŋ bɔmɔ-la harɩŋ a ŋɩŋaa wɩalɩŋ sɩ bɩ maga dɩ baa ŋaa.

2 Kɔrɩntɩ Nɩaa 1:11

Má ma pɛ sʋl Wɩa pɩla. Nɩaa yʋga nɛ a sʋl Wɩa a pɩpɩla dɩ ʋ pɛ la lɛ. Dɩ Wɩa nɛ laa ba Wɩɩsʋlʋŋ, ba kala jaŋ wuo dɛnnʋ.

2 Kɔrɩntɩ Nɩaa 9:15

Laa lɔllɛ Wɩa a tɩŋ wʋbalbal-la ʋ sɩ joŋo pɩla pɛɩ.

Ɛfɛsɩs Nɩaa 1:16

Ŋɩɩ nɛ tɩɩ, dɩ mɩ nɩɩ chʋɔlɛ Wɩa na-kala, mɩ yie lʋlɔllʋ nɛ a tɩŋ ma wɩaa. Mɩ yie liisi ma wɩaa nɛ a chʋɔlɛ Wɩa pɩpɩma.

Ɛfɛsɩs Nɩaa 4:29

Má sɩ́ leŋe dɩ wʋbɔŋ kala lɩɩ ma niiŋ lɛ. Má bʋl wʋzɔmɔ-la sɩɩ jʋʋ nɩaa dɩgɩlaa bʋa-la lɛ sɩ maga, a leŋ dɩ wɩalɩŋ ma sɩɩ bʋl pɛ nɩalɩŋ sɩɩ jegili ba lɛ.

Fɩlɩpa Nɩaa 4:6

Má sɩ́ leŋe dɩ kʋŋkala wɩaa wʋwalɩmɛma, ama dɩ ma nɩɩ chɛ kʋŋkala, má sʋl Wɩa a mʋ tɩgɛ kʋ-la lɛ. Má lʋlɔllɛ Wɩa, aŋ joŋ wɩalɩŋ ma sɩɩ chɛ aa bil ʋ sɩpaaŋ.

Koloosi Nɩaa 3:8

Ama lɛɛlɛ ʋ maga dɩ ma joŋ wɩaa deemba kala ta. Ba nɛ ŋ-la: Baanɩŋ nanɩŋ, baanɩŋ joŋo fɩɩsɩŋ, wʋbɔŋŋɔɔ ŋaanɩŋ nɩaa lɛ, harɩ-gaaŋ arɩ wʋlɩɩlɩŋ bʋlʋŋ.

1 Tɛsalonaaka Nɩaa 3:9

La bɩ jaŋ wuo lɔllɛ Wɩa a mʋ dɛrɛ a tɩŋ ma wɩaa. La yie jʋjʋɔsɛ Wɩa sɩpaaŋ nɛ a tɩŋ ma wɩaa.

1 Tɛsalonaaka Nɩaa 5:18

Wɩɩ na-kala lɛ, má lɔllɛ Wɩa. Ma sɩ laa Yesu Kirisito wɩaa dii ŋɩɩ, ŋ-la nɛ Wɩa cho dɩ maa ŋaa.

Fɩlɩmɔŋ 1:8

Ŋɩɩ wɩaa, Kirisito wɩaa lɛ, mɩ fa jaŋ wuo dagɩŋ wɩɩ-la sɩ maga dɩ ŋ ŋaa.

Hiburu TƖŊŊAA 13:15

Ŋɩɩ wɩaa, la nɩalɩŋ sɩ wuo suri la niiŋ a bʋl arɩ Wɩa nɛ ŋaa La Tɩɩna, má leŋ dɩ la to Yesu Kirisito lɛ a dɛnnʋ bʋa na-kala lɛ, a leŋ dɩ ʋ yɩrɩŋ yɩrɛ.

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.

2 Pɩɩta 2:7

Baal kʋbala ba faa yɩrɛ Lɔt ma fa hɔŋ Sodom arɩ Gomora tinteeŋ nɛ a ŋaa tʋɔpʋl tɩɩna. Ʋ dʋndʋŋa nɛ Wɩa kaa lɩɩsɛ tasɩ-la tʋɔŋ. Nɩbɔmɔ-la wʋŋaalaa fa chei ʋ tʋɔŋ woruŋ.

Juud 1:10

Ama wɩɩ na-kala nɩaa deemba sɩ bɩ jɩŋ, ba yie bʋl ʋ ŋaa wʋtɔɔ nɛ. Ba wʋŋaalaa nagɛ pʋsʋŋ sɩ bɩ wʋjɩmɩŋ kɛnɛ nɛ. Wɩalɩŋ ba sɩɩ ŋaa tɩtɩa nɛ jaŋ gʋra cheiba.

Juud 1:13

Nɩaa deemba nagɛ lɩɩ-peliŋ sɩ dolie nɛ. Ba hɩɩsɩ wɩalɩŋ ma nagɛ disiniŋ lɩɩ-peliŋ sɩ kaa kʋ lɩɩ ta lɩɩŋ niiŋ. Ba nagɛ chɛnwʋlaa sɩ churo nɛ a mʋ jʋʋ sɛmɛ dɔŋɔ birimiŋ tʋɔŋ lim. Ba jaŋ hɛ nɩmɛ a kaa mʋ wuu.