Ɛfɛsɩs Nɩaa 5:3 - WƖA TENIŊ

³ Ma sɩ ŋaa Wɩa nɩaa ŋɩɩ, ʋ maga dɩ ma lɩɩsɛ ma tɩtɩa wʋlɩɩlɩŋ lɛ, a bɩra lɩɩsɛ ma tɩtɩa disiŋ kala lɛ, a sɩ́ tʋɔ-luŋuŋ kɛŋ.

Ɛfɛsɩs Nɩaa 5:3 ပူးပေါင်းရင်းမြစ်များ

WƖA YƖƖLAA 10:3

Wʋbɔmɔ-la leŋe ba bibigisi ba tɩtɩa lɛ nɛ. Tʋɔ-bɔŋ tɩŋŋaa vɩa La Tɩɩna nɛ a chichei ʋ yɩrɩŋ.

WƖA YƖƖLAA 119:36

Leŋ dɩ mɩ cho ŋ wombiee, aŋ sɩ́ leŋe dɩ mɩ tʋɔŋ hɛ dʋa lɛ.

MOSIS KƐŊ IZIRAL TƖŊŊAA LƖƖ 18:21

Ama tʋɔsɛ baalaa sɩ kaasa nɩalɩŋ tʋɔŋ, nɩalɩŋ sɩɩ fá Wɩa a kɛŋ wʋtɩtɩɩ a bɩ gɩrɩma ka dii. Chaarɛba dɩ ba ŋaa kʋhɩasɩŋ, dɩ dɔnsʋŋ bibeŋ nɩaa bʋɩba, dɔnsʋŋ ma bibeŋ nɩaa zɔlɔba, dɩ dɔnsʋŋ ma bibeŋ nɩaa mahɩŋ balɩa arɩ fiiba, dɩ dɔnsʋŋ maa beŋ nɩaa fiiba.

MOSIS KƐŊ IZIRAL TƖŊŊAA LƖƖ 20:17

Má pɔ dɩ ma sɩ́ ma dɔnsʋŋ tɩŋŋaa kɩaa hɩɛnʋ: ba dɩɩsɩŋ, ba haalaa, ba dɩa tɩntɩnnaa baalaa koo haalaa, ba nɛsɩŋ koo ba kakusuŋ, koo kʋŋ na-kala ba sɩ kɛnɛ.”

MOSIS KƐŊ IZIRAL TƖŊŊAA LƖƖ 23:13

Má jegile nɩɩ wɩalɩŋ kala mɩ-na ma TƖƖNA sɩ bʋla pɩma. Má pɔ dɩ ma sɩ́ vʋɩyaa kpaarʋ, a sɩ́ ba yɩrɩŋ yɩrʋ.

NAMAGABA 28:16

Sɩpaalaarʋ-la sɩ tɛrɛ bɩ wʋjɩmɩŋ kɛnɛ, ama nɩɩ-la sɩ bɩ cho dɩ ʋ gɩrɩma dʋa jaŋ kɛŋ mɩɩ-duduoŋ.

JƐRƖMAAYA 22:17

Ama ŋ sɩaa arɩ ŋ tʋɔŋ kala hɛ gɩrɩma dii lɛ nɛ, a kpʋkpʋ nɩaa sɩ bɩ wɩɩ cheye a dʋdɔgɩsɛ nɩaa, aŋ pɛ kɛŋ nɩaa kɩaa lɩlaa.”

JƐRƖMAAYA 6:13

“Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ, a kala nyɩnyɩsɛ nɩaa.

JƐRƖMAAYA 8:10

Ŋɩɩ wɩaa mɩ jaŋ laa ba haalaa pɩ ba-wogusuŋ, ka dɩ nɩtanɩa ma laa ba bagɩsɩŋ tɩɩ. Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ a kala nyɩnyɩsɛ nɩaa.

ƐZƖKƖƐL 33:31

Mɩ nɩaa jaŋ yʋgɛ a kɔ ŋ teeŋ dɩ ba jegile nɩɩ ŋ niiŋ wɩaa, ama ba bɩ jaŋ kɛmba tɩŋ. Ba niiree yie bʋbʋl wʋzɔŋŋɔɔ nɛ, ama ba tʋɔŋ bɔmɔ a gɩrɩma lɩlaa nɩaa kɩaa.

LEVI DOHO NƖAA 15:18

Dɩ baal arɩ haal nɛ pɛ bɔsɔ aŋ sii, ʋ maga dɩ ba fo lɩɩŋ, arɩ ŋɩɩ kala ba ha jaŋ kɛŋ disiniŋ dɩ wɩa tuu jʋʋ.

MƖKA 2:2

Ba nɩɩ chɛ nɩaa bagɩsɩŋ, ba yie kaa laa nɛ. Ba nɩɩ chɛ dɩɩsɩŋ ma, ba kaa laa. Ba yie gɩrɩmɛ dɩa tɩɩna a laa ʋ dɩa, a kɛŋ ba dɔnsʋŋ tɩŋŋaa kɩaa lɩlaa.

NAMBABA 25:1

Bʋa-la lɛ Iziral tɩŋŋaa fa sɩ hɔŋ lee-la ba sɩɩ yɩrɛ Sɩtɩm, ba baala-la suomo chɩchɛ Mʋab tɩŋŋaa toloo a kɛmba pɩpɩŋ.

Matiu 15:19

Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a mʋ kpʋ nɩaa, a mʋ chɛ nɩaa haalaa, a ŋaa bachɔrʋŋ arɩ hachɔrʋŋ wʋŋaalaa, aa gaa, a nyɩɛ wɩaa aa tɩgɛ nɩaa lɛ, a chichei nɩaa yɩrɩŋ.

Luuk 12:15

Ŋɩɩ nɛ ʋ bɩra bʋla pɩ nɩalɩŋ, “Má fɩɛlɛ ma sɩaa a sɩ́ tʋɔ-luŋuŋ kɛŋ. Dɩ nuhuobiine nɛ kɛŋ kɩaa kɩŋkɛŋ, kɩalɩŋ bɩ jaŋ wuo leŋ dɩ ʋ kɛŋ mɩɩsɩŋ.”

Luuk 16:14

Farisii tɩŋŋaa nɩɩ wɩɩŋ deeŋ Yesu sɩ bʋla. Ba fa cho dʋnɩa kɩaa nɛ kɩŋkɛŋ. Ŋɩɩ nɛ ba sisieri ʋ lɛ.

Tɩntɩŋŋaa 15:20

Ama má leŋ dɩ la ŋmʋnsɛ teniŋ pɩba a bʋla pɩba dɩ ba bɩra sɩ́ vʋɩyaa kɩaa dii, a sɩ wʋlɩɩlɩŋ ŋaa, a sɩ́ pʋsʋŋ sɩ sʋʋ pimee dii, a sɩ́ pʋsʋŋ chalɩŋ ma dii.

Tɩntɩŋŋaa 20:33

Mɩ ha bɩ ma kʋŋkala moribiee koo gɛnnɩŋ bɩɩna dɩ mɩ kaa laa.

Rom Tɩŋŋaa 1:29

Baa ŋaa wʋbɔŋ dosunuŋ kala nɛ. Ba kɛŋ nɩaa kɩaa lɩlaa, a ŋɩŋaa wʋlɔrʋnʋŋ, a kɛŋ yarɩ-bieriŋ, a kpʋkpʋ nɩaa, a yuyuo yuosuŋ, a gɩgɩrɩmɛ nɩaa, a ŋaa wɩaa jʋjʋʋ nɩaa lɛ, a bʋbʋl nɩaa wɩaa.

Rom Tɩŋŋaa 16:2

Má kɛnʋ woruŋ La Tɩɩna Yesu yɩrɩŋ lɛ, arɩ ʋ sɩ maga dɩ Wɩa nɩaa kɛŋ dɔŋɔ ŋɩɩ. Má pɛ ʋ lɛ arɩ kʋŋkala ʋ sɩɩ chɛ ma teeŋ, bɛɛ wɩaa ʋ pɛ nɩaa lɛ yʋgɛ nɛ woruŋ, a pɛ mɩ ma lɛ.

Rom Tɩŋŋaa 6:13

Ʋ bɩ maga dɩ ma joŋ ma yaraa lee-kala pɩ Sɩtaanɩ a ŋɩŋaa wʋbɔŋŋɔɔ. Ama má joŋ ma tɩtɩa pɩ Wɩa. Ma-na nagɛ nɩalɩŋ ʋ sɩ chɩsa sʋʋŋ lɛ nɛ ma kɛŋ mɩɩsɩŋ. Má saa joŋ ma yaraa kala pʋ dɩ ʋ leŋ dɩ maa ŋaa tʋɔpʋl wɩaa.

1 Kɔrɩntɩ Nɩaa 10:8

Ʋ bɩra bɩ maga dɩ la ŋaa wʋlɩɩlɩŋ, arɩ la naabalɩmaba dɔnsʋŋ fa sɩɩ ŋaa ŋɩɩ. Ŋɩɩ wɩaa nɛ tɩɩ Wɩa leŋ ba nɩaa bʋɩ mara arɩ batori sii sʋʋ chɛ-bala.

1 Kɔrɩntɩ Nɩaa 5:1

Mɩ nɩa arɩ nʋʋ nɛ hɛ ma tʋɔŋ a ŋaa disiniŋ. Ʋ ŋɩɩ lɔrɔ. Nɩalɩŋ sɩ bɩ Wɩa jɩŋ ma paala bɩ ŋɩɩ ka ŋaa. Ba bʋla pɩmɛ arɩ nʋʋ nɛ hɛ ma tʋɔŋ a laa ʋ nyɩmma haala jaa.

1 Kɔrɩntɩ Nɩaa 6:13

Nʋʋ hɛ nɩmɛ a ma jaŋ bʋl, Wɩa nɛ ŋaa kʋdiilee ba dii hɩhɛ luoruŋ lɛ, ka luoruŋ ma laa kʋdiile-la bibil. Wʋtɩtɩɩ nɛ, ama Wɩa jaŋ leŋ dɩ kʋdiilee arɩ luoru-la kala pʋa. Wɩa bɩ nuhuobiine ŋaa dɩ ʋ kɛŋ ʋ yaraa ŋɩŋaa wʋlɩɩlɩŋ, ama dɩ ʋ kɛŋ ʋ yaraa tɩma pʋpʋ. Wɩa nɛ tɩɩ yara-la ma.

1 Kɔrɩntɩ Nɩaa 6:18

Má lɩɩsɛ ma tɩtɩa wʋlɩɩlɩŋ lɛ. Wʋbɔŋ-na kala nuhuobiine sɩ ŋaa bɩ ʋ yaraa ka chei, ama baal-la sɩɩ ŋaa wʋlɩɩlɩŋ yie chei ʋ yaraa kala nɛ.

2 Kɔrɩntɩ Nɩaa 12:21

Mɩ bɔyɛ ka joŋ nɛ dɩ mɩ nɛ bɩra kɔ ma teeŋ, Wɩa jaŋ leŋ dɩ hɩɩsɩŋ kɛmmɛ ma wɩaa, dɩ mɩ yel a tɩŋ ma wʋbɔŋŋɔɔ wɩaa. Nɩaa yʋga a hɛ ma tʋɔŋ a ŋaa wʋbɔŋŋɔɔ, a ŋaa disiniŋ, a ŋaa wʋlɩɩlɩŋ, a gɔllɔ chɛ nɩaa haalaa, aŋ bɩrɩma lɩɩ ba lɛ.

Ɛfɛsɩs Nɩaa 5:12

Ʋ paala kɛŋ hɩɩsɩŋ nɛ dɩ la bʋl wɩalɩŋ ba sɩ lʋaraa ŋaa.

Ɛfɛsɩs Nɩaa 5:5

Ʋ maga dɩ ma jɩŋ woruŋ, arɩ nɩalɩŋ sɩɩ ŋaa wʋlɩɩlɩŋ koo nɩalɩŋ sɩɩ ŋaa disiniŋ, arɩ nɩalɩŋ sɩ kɛŋ tʋɔ-luŋuŋ [tʋɔ-luŋuŋ nagɛ vʋɩ-kpaarɩŋ nɛ], nɩaa deemba kʋŋkala bɩ jaŋ dii kɩalɩŋ Wɩa sɩ ŋaa bil ʋ nɩaa lɛ, ʋ-na Wɩa arɩ Kirisito kuorii-la tʋɔŋ.

Fɩlɩpa Nɩaa 1:27

Wɩɩ-la sɩ ŋaa sɩɩfɩɛsɩŋ nɛ, má leŋ dɩ ma wʋŋaalaa tuto Kirisito wʋzɔmɔ-la mɩ sɩ bʋla pɩma. Dɩ ma nɩɩ ŋaa ŋɩɩ, dɩ mɩ nɛ hɛ ma teeŋ koo dɩ mɩ tuo, mɩ jaŋ wuo nɩɩ arɩ ma faasa chɩŋ nɛ kpaŋ kpaŋ a kɛŋ nii-bala, a leŋ ma tʋɔbɩɩnaa ŋaa kʋbala, a faasa hɛ doluŋ a pɩpɛ dɔŋɔ lɛ a mʋ tɩgɛ Wɩa wʋzɔmɔ-la ma sɩ laa dii lɛ.

Koloosi Nɩaa 3:5

Ʋ maga dɩ ma kpʋ dʋnɩa wɩalɩŋ kala sɩ hɛ ma lɛ a ta nɛ. Ba nɛ ŋ-la: Wʋlɩɩlɩŋ ŋaanɩŋ, disiniŋ ŋaanɩŋ, yaraa wʋchooloo, wʋbɔŋŋɔɔ bɩɩnɩŋ, tʋɔ-luŋuŋ. Tʋɔ-luŋuŋ-na paala nagɛ vʋɩ-kpaarɩŋ nɛ.

1 Tɛsalonaaka Nɩaa 4:3

Wɩalɩŋ sɩɩ tɔrɛ Wɩa tʋɔŋ nɛ ŋ-la: dɩ ma sɩ́ disiniŋ kɛŋ a lɩɩsɛ ma tɩtɩa wʋlɩɩlɩŋ lɛ.

1 Tɛsalonaaka Nɩaa 4:7

Wɩa bɩ la lɩɩsa dɩ la ŋɩŋaa wʋlɩɩlɩŋ, ama ʋ lɩɩsɛla dɩ la ŋaa nɩa sɩ bɩ disiniŋ kɛnɛ nɛ.

1 Timoti 2:10

Ama má leŋ dɩ nɩaa bɩbagɩsɛ haalaa a tɩŋ ba wʋzɔŋŋɔɔ lɛ. Ŋɩɩ nɛ jaŋ dagɛ arɩ baa to Wɩa.

1 Timoti 3:3

Ʋ bɩ maga dɩ ʋ ŋaa sɩ-nyʋarʋ, a sɩ́ baaŋ tɩɩna ma ŋaa. Ama ʋ maga dɩ ʋ ŋaa nɩ-chɩm-chɩm nɛ a sɩ́ yuo-hɛɛrʋ ŋaa. Ʋ bɩ maga dɩ ʋ cho moribiee kɩŋkɛŋ.

1 Timoti 6:10

Dɩ nɩaa nɛ cho moribiee, ba jaŋ wuo ŋaa wʋbɔŋ na-kala. Nɩaa dɔnsʋŋ joŋ ŋɩɩ ba sɩ laa Wɩa dii ta nɛ a tɩŋ ba sɩ cho moribiee wɩaa, ŋɩɩ leŋ tʋɔ-cheeŋ kɩŋkɛŋ jʋʋ.

2 Timoti 3:2

Nɩaa jaŋ cho ba tɩtɩa aŋ pɛ cho moribiee. Ba jaŋ bibigisi ba tɩtɩa lɛ, ba sɩaa bɩ jaŋ susu nʋʋkala ma, ba jaŋ tʋtʋʋsɛ nɩaa ma. Ba bɩ jaŋ tuto ba nyɩmmaba arɩ ba naamba niiŋ. Ba bɩra bɩ jaŋ kɛŋ zile. Ba bɩ jaŋ kɛŋ tʋɔpʋla ma Wɩa sɩpaaŋ.

Taatɩs 1:11

Ʋ maga dɩ ma bʋla pɩba dɩ ba leŋ wɩalɩŋ ba sɩɩ dagʋ, bɛɛ wɩaa ba sɩɩ dagɛ wɩalɩŋ sɩ bɩ maga dɩ baa dagɛ ŋɩɩ, ba ŋaa nɩaa joŋ wɩalɩŋ ba sɩ laa dii a tɩta nɛ. Moribiee wɩaa nɛ tɩɩ baa dagɛ wɩalɩŋ.

Taatɩs 1:7

Nɩɩ-la sɩɩ beŋ Wɩa nɩaa ŋaa Wɩa tɩntɩnnɩ-hɩaŋ nɛ. Ʋ bɩ maga dɩ ʋ kɛŋ wʋcheelee nɩaa teeŋ. Ʋ bɩra bɩ maga dɩ ʋ dɩdagɛ ʋ tɩtɩa, a sɩ́ baaŋ tɩɩna koo sɩ-nyʋarʋ koo nii-jɩgɩ tɩɩna koo nɩɩ-la sɩ cho moribiee kɩŋkɛŋ ŋaa.

Taatɩs 2:3

Bʋla pɩ hanɩhɩasɩ-la ma dɩ ba ŋaa wɩalɩŋ sɩ daga arɩ baa to Wɩa wombiiŋ nɛ. Ʋ bɩ maga dɩ ba gɩgaa nɩaa harɩŋ koo dɩ ba ŋaa sɩ-nyʋaraa. Bʋla pɩba dɩ ba dɩdagɛ wɩalɩŋ sɩ zɔmɔ,

Hiburu TƖŊŊAA 12:16

Má pɔ ma tɩtɩa lɛ dɩ ma tʋɔŋ nʋʋkala sɩ́ lɩɩlʋ koo, dɩ ma tʋɔŋ nʋʋkala sɩ́ nʋʋ sɩ bɩ Wɩa ka fá ŋaa, a nagɛ Ɛsɔ. Ʋ fa ŋaa ʋ nyɩmma bii-hɩaŋ nɛ, aŋ joŋ ʋ hɩasɩŋ lenni kʋdiilee ʋ ŋaana teeŋ.

JOSUA 7:21

Kɩalɩŋ la sɩ yuo laa tʋɔŋ, mɩ na Babɩlɔŋ tɩŋŋaa gɛrɩ-zɔŋ kʋbala nɛ a joŋ, arɩ warɩpʋla yuŋuŋ sɩ yi kilo balɩa arɩ mʋa a pɛ sɛlɩmɛ yuŋuŋ sɩ yi kilo kpaa magɛ dɔŋɔ lɛ. Kɩaa deemba nɛ mɩ na mɩ sɩɩŋ jʋʋba mɩ lʋara paa. Ba nɛ mɩ joŋo hugi mɩ lɛbɩŋ tʋɔŋ, a leŋ warɩpʋla-la hɛ bʋbʋɔŋ.”

1 Pɩɩta 5:2

dɩ ma beŋ Wɩa nɩalɩŋ ʋ sɩ joŋo hɛ ma nɩsɩŋ lɛ, arɩ pie-daaraa sɩɩ beŋ ba piesee nyuŋ ŋɩɩ. Má sɩ́ leŋe dɩ ʋ nagɛ arɩ baa fʋgɛma nɛ dɩ ma bemba, ama má bemba ma tɩtɩa tʋɔtɔrʋŋ lɛ arɩ Wɩa sɩɩ chɛ ŋɩɩ. Má cho tɩntɩmɩɩ-la, aŋ sɩ́ naga arɩ moribiee nɛ maa chɛ.

2 Pɩɩta 2:10

Ba tʋɔŋ, Wɩa jaŋ faasa dɔgɩsɛ nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩ bɩ chɛ dɩ ba joŋ ba tɩtɩa a hɛ Wɩa nɩsɩŋ lɛ. Wʋnyɩɛrɩ kerichi deemba bɩ nʋʋkala ka fá, aŋ pɛ kɛŋ nyuduoŋ ma a ŋɩŋaa ba tʋɔtɔrɛ wɩaa. Ŋɩɩ nɛ tɩɩ ba yie tʋʋsɛ Wɩa tɩndaara-la sɩ kɛŋ yɩrɩŋ a hɛ Wɩa-jaŋ lɛ.

2 Pɩɩta 2:14

Bʋa na-kala lɛ dɩ ba nɛ na haal, ba yie chɛʋ nɛ ba tʋɔŋ lɛ. Ba-na bɩ lɔl arɩ wʋbɔŋŋɔɔ ŋaanɩŋ. Ba yie nyɩnyɩsɛ nɩalɩŋ sɩ bɩ Wɩa wɩaa lɛ chɩna kpaŋ kpaŋ dɩ ba ŋaa wʋbɔŋ. Ba ŋaa tʋɔ-luŋ tɩmma nɛ. Wɩa kalɩba hɛ ba lɛ nɛ.

2 Pɩɩta 2:3

Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.

Jɔɔŋ Wʋnaalaa 2:14

Ma ŋaa kukeri nɛ, ama wɩaa baŋmɛnɛ nɛ ma ŋaa chei. Nɩaa dɔnsʋŋ hɛ ma tʋɔŋ a tuto wɩalɩŋ baal-la ba sɩɩ yɩrɛ Balam fa sɩɩ dagʋ. Ʋ nɛ dagɛ kuoru kʋbala baa yɩrɛ Balak dɩ ʋ nyɩsɛ Iziral tɩŋŋaa dɩ ba didii vʋɩyaa kɩaa aŋ pɛ ŋɩŋaa wʋlɩɩlɩŋ.

Jɔɔŋ Wʋnaalaa 2:21

Mɩ pɩ haala deeŋ wombiiŋ dɩ ʋ bɩrɩma lɩɩ ʋ wʋlɩɩlɩ-la lɛ nɛ, ka ʋ vɩa aŋ ŋɩŋaa.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.

Jɔɔŋ Wʋnaalaa 9:21

Nɩaa deemba fa bɩ bɩrɩma lɩɩ nɩaa kpʋnʋŋ lɛ, ba hɩl wɩaa lɛ, ba wʋlɩɩlɩŋ arɩ ba gaarɩŋ lɛ.

1 SAMƲƐL 8:3

Ama ʋ biiriŋ deemba wʋŋaalaa fa bɩ ba nyɩmma wombiee lɛ to. Ba mɩɩra chɩl kɩaa wɩaa nɛ, aa gʋrɛ nɩaa, a lɩlaa kpalaa a bɩ wʋtɩtɩɩ ka bʋl.