Ɛfɛsɩs Nɩaa 5:27 - WƖA TENIŊ

²⁷ Ʋ ŋaa ŋɩɩ dɩ nɩalɩŋ sɩ laa ʋ wɩaa dii aa hilimi, dɩ ba wuo zɔŋ kɩŋkɛŋ, a sɩ́ disiŋ koo wʋcheeli kala kɛŋ, dɩ wʋbɔŋ kala sɩ́ ba lɛ lagɩsʋ, a sɩ́ nyɔɔ kala kɛŋ.

Ɛfɛsɩs Nɩaa 5:27 ပူးပေါင်းရင်းမြစ်များ

WƖA YƖƖLAA 45:13

Kuoro tolo nɛ hɛ ʋ dɩa lɛ, ʋ ŋaa hazɔŋ nɛ woruŋ. Ʋ laalɛ gɛrɩŋ ba sɩ kɛŋ sɛlɩmɛ kpɩɛrɛ nɛ.

WƖA YƖƖLAA 87:3

Peel-la ba sɩɩ yɩrɛ Zaayɔŋ, ŋ ŋaa Wɩa taŋ nɛ, nʋʋkala bʋl wʋzɔŋŋɔɔ a tɩtɩgɛ ŋ lɛ.

SOLOMOŊ YƖƖL-SƖMƖŊ 4:7

Mɩ hɩɩla, ŋ chaasa zɔŋ nɛ, ŋ bɩ nyɔɔ kala kɛnɛ.

AZAAYA 62:3

Ŋ jaŋ nagɛ kuoru nyunchuulo-la sɩ kɛŋ tʋla La TƖƖNA teeŋ, a nagɛ kuori nyu-bɛlɛ Wɩa teeŋ.

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

2 Kɔrɩntɩ Nɩaa 11:2

Wɩa tʋɔŋ sɩɩ wɩɩ ma lɛ ŋɩɩ, ŋɩɩ tɩtɩa nɛ mɩ ma tʋɔŋ wʋwɩɩ ma lɛ. Ma nagɛ hatolo mɩ sɩɩ chɛ dɩ mɩ joŋo pɩ bala nɛ, ma bala nɛ ŋaa Kirisito. Mɩ saa chɛ dɩ ma nagɛ hatolo-la sɩ bɩ baal jɩŋ, a bɩ disiniŋ kɛnɛ nɛ dɩ mɩ jomma a pʋʋ.

2 Kɔrɩntɩ Nɩaa 4:14

La jɩma arɩ Wɩa nɛ chɩsɛ La Tɩɩna Yesu sʋʋŋ lɛ, ʋ jaŋ chɩsɛla ma, dɩ la dɩ Yesu kala kɛŋ mɩɩsɩŋ. Ʋ jaŋ kɛnla arɩ ma kala a kaa mʋ ʋ teeŋ.

Ɛfɛsɩs Nɩaa 1:4

Ka dɩ ʋ-na suomo ŋaa dʋnɩa, ʋ to Kirisito lɛ nɛ a lɩɩsɛla, dɩ la kɛŋ tʋɔpʋla, a sɩ́ cheeri kala kɛŋ ʋ sɩpaaŋ. A tɩŋ Wɩa sɩ chola wɩaa,

Koloosi Nɩaa 1:22

Ama lɛɛlɛ Wɩa ŋaa ma dɩ ʋ sɩŋ nɛ a tɩŋ Kirisito sʋʋŋ wɩaa, dɩ ʋ kɛmma kaa kɔ Wɩa sɩpaaŋ arɩ tʋɔpʋla, dɩ ma sɩ́ disiniŋ kɛŋ a sɩ́ wʋcheeli ma kɛŋ.

Koloosi Nɩaa 1:28

Ʋ wɩaa nɛ la bʋla pɩpɩ nɩaa. Laa kpʋrɩsɛ nʋʋkala dɩgɩlaa, aa dagɛ nʋʋ na-kala arɩ wʋjɩmɩɩ-na kala, dɩ la wuo ŋaa ba waa dɛrɛ Kirisito wɩaa lɛ.

1 Tɛsalonaaka Nɩaa 5:23

Mɩɩ sʋl Wɩa sɩɩ pɩ nɩaa fɩɛlɩŋ dɩ ʋ pɩɩsɛ ma disiniŋ kala. Ʋ jaŋ beŋ ma tʋɔbɩɩnaa arɩ ma yaraa kala a lɩɩsɛma wʋbɔŋ-na kala lɛ, dɩ ma wuo ŋaa nɩzɔmɔ a sɩ́ wʋcheeli kala kɛŋ, a mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

Hiburu TƖŊŊAA 9:14

Dɩ wɩaa deemba nɛ wuo pɩɩsɛ nɩaa disiniŋ ta, ŋɩɩ-na Kirisito chalɩŋ ma jaŋ wuo paala pɩɩsɛ nɩaa disiniŋ ta a kɩɩ bʋʋnaa koo nɛsɩŋ chalɩŋ. Kirisito fa bɩ disiŋ kala kɛnɛ. Wɩa Dɩŋ-zɔmʋŋ doluŋ lɛ, ʋ joŋ ʋ tɩtɩa pɩ Wɩa, a sʋʋ a tɩŋ la wɩaa. Ʋ jaŋ wuo leŋ dɩ ma tʋɔbɩɩnaa chesi dɩ má sɩ́ wʋbɔŋ bɩɩnʋ, ka dɩ ma wuo tɩma pɩpɩ Wɩa sɩ weye.

1 Pɩɩta 1:19

Ama Yesu Kirisito chalɩŋ sɩ kɛŋ yuŋuŋ kɩɩ kʋŋkala nɛ ʋ joŋo time laama. Yesu nagɛ pie-bie sɩ bɩ nyɔɔ kala kɛnɛ nɛ.

2 Pɩɩta 3:14

Ŋɩɩ wɩaa mɩ nandɔŋ-kpɩanaba, ma sɩɩ gbɛrɛ dɩ ma na wɩaa deemba ŋɩɩ, má fɩɛsɛ sɩɩŋ a leŋ dɩ ma mɛlɛ zɔŋ, dɩ tapʋlɩɩ-la nɛ yie, dɩ Wɩa sɩ́ cheeriŋ joŋo pɩma, ka dɩ ma dɩ Wɩa sɩŋ.

Juud 1:21

Wɩa sɩ choma ŋɩɩ, má chɩŋ ŋɩɩ lɛ kpaŋ kpaŋ, a gbɛrɛ La Tɩɩna Yesu Kirisito dɩ ʋ kɔ, Nɩɩ-la sɩ jaŋ fá ma nenige a pɩma mɩɩsɩ-la sɩ bɩ dɛrɛ.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.

Jɔɔŋ Wʋnaalaa 14:4

Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.