Ɛfɛsɩs Nɩaa 5:26 - WƖA TENIŊ

²⁶ a pɩɩsɛ ba disiniŋ ta, a fo ba wʋbɔŋŋɔɔ kala ma ta arɩ lɩɩŋ, a tɩŋ Wɩa niiŋ wɩalɩŋ ba sɩ nɩa wɩaa.

Ɛfɛsɩs Nɩaa 5:26 ပူးပေါင်းရင်းမြစ်များ

ƐZƖKƖƐL 16:9

Mɩ ŋaa lɩɩŋ fo ŋ chal-la ta aŋ tɩsɩŋ nʋʋŋ,

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

LEVI DOHO NƖAA 14:11

Wɩɩsʋllɩ sɩpaalaara jaŋ kɛŋ nɩɩ-la arɩ kɩalɩŋ a kaa mʋ lɛbɩ-la lɛ mɩ sɩ yie kɔ Iziral tɩŋŋaa teeŋ boiŋ niiŋ, mɩ-na ma TƖƖNA sɩpaaŋ.

LEVI DOHO NƖAA 16:30

bɛɛ wɩaa tapʋlʋŋ deeŋ nɛ Wɩɩsʋllɩ sɩpaalaaraa jaŋ ŋaa Wɩɩsʋlʋŋ a pɩɩsɛ ma wʋbɔŋŋɔɔ ta dɩ ma sɩ́ disiniŋ kɛŋ mɩ-na ma TƖƖNA sɩpaaŋ.

LEVI DOHO NƖAA 8:6

Ŋɩɩ nɛ ʋ kɛŋ Arɔŋ arɩ ʋ hambolibiisiŋ kʋ lɩɩ a ŋaa lɩɩŋ sɔmba.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

Jɔɔŋ 13:10

Ŋɩɩ nɛ Yesu bʋl, “Nɩɩ-la kala sɩ fo lɩɩŋ, ʋ yaraa kala zɔmɔ nɛ, ʋ saa bɩra bɩ maga dɩ ʋ fo lɩɩŋ [see dɩ ʋ sɔŋ ʋ naasɩŋ dʋndʋŋa]. Ma kala saa bɩ disiniŋ kɛnɛ, ama nɩbala dʋndʋŋa nɛ kɛŋ disiniŋ ma tʋɔŋ.”

Jɔɔŋ 15:3

Ma paala bɩra bɩ disiniŋ kɛnɛ a tɩŋ wɩalɩŋ mɩ sɩ bʋla pɩma.

Jɔɔŋ 15:8

Dɩ ma nɛ ŋaa wʋzɔŋŋɔɔ yʋgɛ, mɩ Nyɩmma yɩrɩŋ jaŋ yɩrɛ. Ŋɩɩ lɛ nɛ ma jaŋ wuo dagɛ arɩ ma ŋaa mɩ harɩ-tooroo nɛ.

Jɔɔŋ 17:7

Lɛɛlɛ ba jɩma kʋŋ na-kala mɩ sɩ kɛnɛ lɩɩ ŋ teeŋ nɛ.

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Tɩntɩŋŋaa 22:16

Bɛɛ nɛ saa tɩɩ ŋ hɔnɔ dieni? Sii mʋ a leŋ dɩ ba foŋ Wɩɩchʋɔlɛ lɩɩŋ a chɛsɛ ŋ wʋbɔŋŋɔɔ ta Yesu yɩrɩŋ lɛ.’

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Rom Tɩŋŋaa 10:8

Ŋ-la nɛ ba bʋl Wɩa teniŋ tʋɔŋ a tɩgɛ nɩalɩŋ sɩ kɛŋ tʋɔpʋla a tɩŋ ba sɩ laa Yesu wɩaa dii lɛ: Ba sɩ, “Wɩa wʋzɔmɔ-la kpagɛma nɛ. Ba hɛ ma niiŋ lɛ a hɛ ma tʋɔŋ ma lɛ.” Wɩa wʋzɔmɔ-la laa diiniŋ wɩaa la sɩɩ bʋl.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

2 Kɔrɩntɩ Nɩaa 11:2

Wɩa tʋɔŋ sɩɩ wɩɩ ma lɛ ŋɩɩ, ŋɩɩ tɩtɩa nɛ mɩ ma tʋɔŋ wʋwɩɩ ma lɛ. Ma nagɛ hatolo mɩ sɩɩ chɛ dɩ mɩ joŋo pɩ bala nɛ, ma bala nɛ ŋaa Kirisito. Mɩ saa chɛ dɩ ma nagɛ hatolo-la sɩ bɩ baal jɩŋ, a bɩ disiniŋ kɛnɛ nɛ dɩ mɩ jomma a pʋʋ.

Ɛfɛsɩs Nɩaa 6:17

Wɩa sɩ laama ta ŋɩɩ, ʋ maga dɩ ʋ nagɛ hɔɔŋ nyuŋ-chu-gbaŋkogo nɛ ma joŋo chu, aŋ joŋ Wɩa Dɩŋ-zɔmʋŋ tokobiiŋ a kori. Tokobii-la nɛ ŋaa Wɩa niiŋ wɩaa.

Koloosi Nɩaa 3:16

Má leŋ dɩ wɩalɩŋ kala Kirisito sɩ bʋla hɛ ma tʋɔŋ woruŋ. Má kpʋrɩsɛ dɔŋɔba dɩgɩlaa aa dagɛ dɔŋɔ arɩ wʋjɩmɩŋ. Má yɩɩ yɩɩla-la sɩ hɛ Wɩa teniŋ tʋɔŋ, arɩ Wɩa nɩaa yɩɩlaa dɔnsʋŋ, arɩ yɩɩlaa Wɩa Dɩŋ-zɔŋ-la sɩ dagɛma. Má yɩɩ ŋɩɩ a pɩ Wɩa a lɔllʋ ma tʋɔŋ lɛ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 10:10

Kirisito sɩ ŋaa Wɩa tʋɔtɔrʋ wɩɩ-la a joŋ ʋ tɩtɩa kala a pʋ a tɩŋ la wɩaa, ŋɩɩ nɛ leŋe la bɩra bɩ disiniŋ kɛnɛ. Ʋ sɩ sʋʋ ŋɩɩ, ʋ joŋ ʋ tɩtɩa pɩ Wɩa balá nɛ. Ʋ bɩra bɩ jaŋ kɔ dɩ ʋ ŋaa ŋɩɩ.

Hiburu TƖŊŊAA 10:14

Ʋ sɩ joŋ ʋ tɩtɩa a pɩ Wɩa balá ŋɩɩ, ʋ leŋe nɩalɩŋ disiniŋ ba sɩ pɩɩsɛ ta ŋaa nɩa sɩ chaasa zɔŋ a bɩ disiniŋ kɛnɛ nɛ a kaa mʋ wuu.

Hiburu TƖŊŊAA 10:22

Ŋɩɩ wɩaa, má leŋ la kɛŋ nyuduoŋ a laa wɩaa deemba dii arɩ tʋɔ-bala, a mʋ Wɩa teeŋ. Wɩa chɛsɛ la tʋɔŋ nɛ, a chɛsɛ la tʋɔbɩɩŋ bɔmɔ-la kala ta. Ba bɩra bɩ jaŋ wʋwalɩmɛla. Ʋ kɛŋ lɩɩzɔmʋŋ nɛ fola.

Hiburu TƖŊŊAA 10:29

Dɩ ba nɛ fa yie ŋaa ŋ-la, ɛɛ nɛ saa ba jaŋ ŋaa nɩɩ-la sɩ bee gʋʋnɛ Wɩa Bie arɩ ʋ tuo kʋŋkala? Tɩɩna bɩra kɛŋ Yesu chal-la Wɩa sɩ kaa bil niiŋ ʋ dɩ nɩaa pɛgɛ kaa chei nɛ. Chal-la nɛ Wɩa fa kaa chɛsɛ tɩɩna disiniŋ kala ta ʋ kʋ ŋaa tʋɔpʋl tɩɩna. Dɩ tɩɩna bɩra tʋʋsɛ Wɩa Dɩŋ-zɔŋ-la fa sɩɩ pɛ ʋ lɛ, ʋ maga dɩ ba dɔgɩsʋ a kɩɩ nɩalɩŋ sɩ chei wɩalɩŋ Mosis fa sɩ ŋmʋnsa bil dɩ nɩaa tuto.

Hiburu TƖŊŊAA 13:12

Ŋɩɩ nɛ tɩɩ Yesu ma na hɛɛŋ Jerusalɛm jeeŋ harɩŋ dɩ ʋ wuo joŋ ʋ tɩtɩa chalɩŋ a pɩɩsɛ nɩaa disiniŋ ta, dɩ ba ŋaa nɩzɔmɔ Wɩa teeŋ.

Hiburu TƖŊŊAA 4:12

Wɩa niiŋ wɩaa weye a kɛŋ niiŋ a kɩɩ tokobiiŋ niiriŋ balɩa kala sɩɩ dii nyagaga. Ʋ yie wuo tɔɔ jʋʋ nuhuobiine, a kɛŋ ʋ dɩma arɩ ʋ mɩɩsɩŋ kaa pɔrɛ dɔŋɔ lɛ. Ʋ yie wuo jɩŋ nuhuobiine tʋɔŋ arɩ ʋ tʋɔbɩɩnaa kala.

Hiburu TƖŊŊAA 9:14

Dɩ wɩaa deemba nɛ wuo pɩɩsɛ nɩaa disiniŋ ta, ŋɩɩ-na Kirisito chalɩŋ ma jaŋ wuo paala pɩɩsɛ nɩaa disiniŋ ta a kɩɩ bʋʋnaa koo nɛsɩŋ chalɩŋ. Kirisito fa bɩ disiŋ kala kɛnɛ. Wɩa Dɩŋ-zɔmʋŋ doluŋ lɛ, ʋ joŋ ʋ tɩtɩa pɩ Wɩa, a sʋʋ a tɩŋ la wɩaa. Ʋ jaŋ wuo leŋ dɩ ma tʋɔbɩɩnaa chesi dɩ má sɩ́ wʋbɔŋ bɩɩnʋ, ka dɩ ma wuo tɩma pɩpɩ Wɩa sɩ weye.

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

1 Pɩɩta 1:2

Faafaa kala nɛ la Nyɩmma Wɩa bɩɩnɛ arɩ ʋ maga dɩ ma ŋaa ʋ nɩaa, ŋɩɩ nɛ tɩɩ ʋ lɩɩsɛma a joŋ ʋ Dɩŋ-zɔmʋŋ a hɛ ma lɛ, dɩ ma ŋaa tʋɔpʋl tɩmma ʋ teeŋ a tuto Yesu Kirisito niiŋ. Ʋ nɛ joŋ ʋ chalɩŋ jaasɛ ma wɩaa dɩ ma sɩ́ disiniŋ kɛŋ Wɩa teeŋ. La Tɩɩna Wɩa lahɔrɩmɔ lɛ, fɩɛlɩŋ jaŋ yʋgɛ ma teeŋ.

1 Pɩɩta 3:21

Lɩɩ-la tʋɔŋ ba sɩ duoro lɩɩ naga ba sɩ fo nɩaa Wɩɩchʋɔlɛ lɩɩŋ nɛ. Dɩ ba nɛ foŋ Wɩɩchʋɔlɛ lɩɩŋ, ʋ bɩ naga arɩ ŋ yaraa disiniŋ nɛ ba fo ta. Ama la yie ŋaa ŋɩɩ a dɩdagɛ arɩ la tʋɔbɩɩnaa chesi nɛ Wɩa sɩpaaŋ. Ʋ ŋɩɩ yie laala ta nɛ a tɩŋ Yesu Kirisito sɩ sii sʋʋŋ lɛ wɩaa.

2 Pɩɩta 1:9

Nɩɩ-la kala sɩ bɩ wɩaa deemba ka ŋaa, ʋ tɩɩna ŋaa nyʋlʋŋ nɛ, a nagɛ nɩɩ-la sɩɩ na ʋ naasɩŋ bʋbʋɔŋ dʋndʋŋa aŋ bɩ dɩ-bolii ka na, bɛɛ wɩaa ʋ tɩɩna paala yʋ arɩ Yesu chɛsɛ ʋ wʋbɔŋŋɔɔ ta nɛ.

1 Jɔɔŋ 5:6

Ʋ-na Yesu Kirisito nɛ kɔ dʋnɩa ba fou Wɩɩchʋɔlɛ lɩɩŋ, a kpaasʋ mɛrɛ daagɛsɛ nyuŋ ʋ chalɩŋ jaasɛ. Ŋ-la daga arɩ lɩɩŋ dʋndʋŋa dee ba fou, ba kpaasʋ mɛrɛ daagɛsɛ nyuŋ ma nɛ ʋ chalɩŋ jaasʋ. Wɩa Dɩŋ-zɔmʋŋ bʋl wɩaa a tɩgɛ ŋɩɩ lɛ, bɛɛ wɩaa ʋ nɛ kɛŋ wʋtɩtɩɩ.

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.