Ɛfɛsɩs Nɩaa 5:25 - WƖA TENIŊ

²⁵ Baalaa, má cho ma haalaa, arɩ Kirisito sɩ cho nɩalɩŋ sɩ laa Wɩa wɩaa dii aa hilimi ŋɩɩ, ʋ sʋʋ ba wɩaa,

Ɛfɛsɩs Nɩaa 5:25 ပူးပေါင်းရင်းမြစ်များ

WƖAA DƖ-SUOMUŊ 2:24

Ŋɩɩ nɛ tɩɩ baala yie leŋ ʋ naaŋ arɩ ʋ nyɩmma aŋ ka ʋ dɩ ʋ haala mɛrɛ dɔŋɔ lɛ a ŋaa kʋbala.

WƖAA DƖ-SUOMUŊ 24:67

Ŋɩɩ nɛ Aɩzɩk kɛŋ Rɩbɛka ba jʋʋ ʋ naaŋ Sara lɛbɩŋ. Ʋ jaaʋ, ba cho dɔŋɔ woruŋ. Aɩzɩk naaŋ sʋʋŋ harɩŋ ʋ ha kɛŋ kenyiri a tɩŋ ʋ sɩ jaa Rɩbɛka wɩaa.

2 SAMƲƐL 12:3

Ama summu-la bɩ kʋŋkala kɛnɛ, pie-kee-bie dʋndʋŋ nɛ ʋ yɔɔ a dɩɛsɛ. Piesu-la arɩ baal-la biiriŋ kala waa hɛ dɔŋɔ ʋ dɩa lɛ. Pie-kee-bie-la pɛ dii kɩalɩŋ baal-la sɩɩ dii, a pɛ nyʋa lɩɩ-la baal-la sɩɩ nyʋa. Ʋ yie kɛŋ piesu-la bil ʋ naasɩŋ lɛ ʋ pɩŋ doŋ. Baal-la fa kɛŋ piesu-la a nagɛ ʋ tolo nɛ.

SOLOMOŊ YƖƖL-SƖMƖŊ 1:11

La jaŋ kɛŋ sɛlɩmɛ ŋaa dɩgɩlɩŋ-kpɛnsɩŋ pɩŋ a kɛŋ hɔpʋla libi kʋbiisiŋ chagɩsɛ.

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

Galiisia Nɩaa 1:4

Yesu Kirisito joŋ ʋ tɩtɩa pa nɛ ba kpʋʋ a tɩŋ la wʋbɔŋŋɔɔ wɩaa, dɩ ʋ lɩɩsɛla wʋbɔmɔ-la sɩ hɛ dʋnɩa deeŋ lɛ lɛɛlɛ. Ʋ to la Nyɩmma Wɩa tʋɔtɔrʋŋ lɛ nɛ a ŋaa ŋɩɩ pɩla.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

Ɛfɛsɩs Nɩaa 5:24

Nɩalɩŋ sɩ laa Yesu wɩaa dii aa hilimi sɩɩ to Kirisito niiŋ wɩaa ŋɩɩ, ŋɩɩ tɩtɩa nɛ haalaa ma maga dɩ ba tuto ba balaba niiŋ wɩaa.

Ɛfɛsɩs Nɩaa 5:28

Yesu sɩ cho nɩalɩŋ sɩ laa ʋ wɩaa dii aa hilimi ŋɩɩ, ŋɩɩ tɩtɩa nɛ ʋ maga dɩ baalaa cho ba haalaa, arɩ ba sɩ cho ba tɩtɩa ŋɩɩ. Baal-la kala sɩ cho ʋ haala, ʋ cho ʋ tɩtɩa nɛ.

Ɛfɛsɩs Nɩaa 5:33

Ʋ saa nagɛ ŋɩɩ nɛ ma ma lɛ. Ʋ maga dɩ nʋʋkala cho ʋ haala arɩ ʋ sɩ cho ʋ tɩtɩa ŋɩɩ, ʋ maga dɩ haala ma zil ʋ bala.

Koloosi Nɩaa 3:19

Baalaa, má cho ma haalaa, má sɩ́ ba nyuŋ tɛrʋ.

1 Timoti 2:6

Ʋ joŋ ʋ mɩɩsɩŋ yɔɔ sʋʋŋ nɛ dɩ ʋ laa nʋʋkala ta. Ʋ nɛ dagɛla ŋɩɩ arɩ bʋa-la yie nɛ, dɩ Wɩa laa nʋʋkala ta.

1 Pɩɩta 3:7

Ŋɩɩ tɩtɩa nɛ ma baalaa ma maga dɩ ma leŋ dɩ ma mɛlɛ zɔŋ dɩ ma kɛŋ ma haalaa woruŋ a zizilba. Ma jɩma ma dolie kɩɩba nɛ, ka Wɩa joŋ mɩɩsɩŋ pɩ ma kala. Ma ŋɩŋaa ŋɩɩ, dɩ wɩɩkala sɩ́ ma Wɩɩ-chʋɔlʋŋ chei.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.