Ɛfɛsɩs Nɩaa 5:24 - WƖA TENIŊ

²⁴ Nɩalɩŋ sɩ laa Yesu wɩaa dii aa hilimi sɩɩ to Kirisito niiŋ wɩaa ŋɩɩ, ŋɩɩ tɩtɩa nɛ haalaa ma maga dɩ ba tuto ba balaba niiŋ wɩaa.

Ɛfɛsɩs Nɩaa 5:24 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 23:13

Má jegile nɩɩ wɩalɩŋ kala mɩ-na ma TƖƖNA sɩ bʋla pɩma. Má pɔ dɩ ma sɩ́ vʋɩyaa kpaarʋ, a sɩ́ ba yɩrɩŋ yɩrʋ.

MOSIS KƐŊ IZIRAL TƖŊŊAA LƖƖ 29:35

Ŋaa wɩalɩŋ kala mɩ sɩ dagɩŋ dɩ ŋ ŋaa pɩ Arɔŋ arɩ ʋ hambolibiisiŋ. Joŋ tapʋlaa balɩpɛ a wasɛ wɩalɩŋ a jomba hɛ mɩ nɩsɩŋ lɛ dɩ ba ŋaa Wɩɩsʋllɩ sɩpaalaaraa.

Luuk 10:17

Ŋɩɩ nɛ Yesu nanzɔɔba-la mahɩŋ batori arɩ fii-la mɩɩra kɔ Yesu teeŋ. Ba tʋɔŋ tɔrɛ kɩŋkɛŋ ba bʋla pɩ Yesu, “La Tɩɩna, dɩ la nɛ yɩrɛ ŋ yɩrɩŋ, jɩŋ-bɔŋŋɔɔ ma yie paala to la niiŋ nɛ.”

Ɛfɛsɩs Nɩaa 5:23

bɛɛ wɩaa baalaa nɛ kɛŋ doluŋ ba haalaa nyuŋ arɩ Kirisito sɩ kɛŋ doluŋ ŋɩɩ nɩalɩŋ sɩ laa ʋ wɩaa dii aa hilimi nyuŋ. Nɩalɩŋ sɩ laa Yesu wɩaa dii aa hilimi nɛ ŋaa ʋ yaraa, ka ʋ ŋaa ba Laataara.

Ɛfɛsɩs Nɩaa 5:25

Baalaa, má cho ma haalaa, arɩ Kirisito sɩ cho nɩalɩŋ sɩ laa Wɩa wɩaa dii aa hilimi ŋɩɩ, ʋ sʋʋ ba wɩaa,

Ɛfɛsɩs Nɩaa 5:33

Ʋ saa nagɛ ŋɩɩ nɛ ma ma lɛ. Ʋ maga dɩ nʋʋkala cho ʋ haala arɩ ʋ sɩ cho ʋ tɩtɩa ŋɩɩ, ʋ maga dɩ haala ma zil ʋ bala.

Koloosi Nɩaa 3:20

Hambiisiŋ, má to ma naamba arɩ ma nyɩmmaba wɩɩ na-kala lɛ, ŋɩɩ nɩɩ tɔrɛ Wɩa tʋɔŋ.

Koloosi Nɩaa 3:22

Yosuŋ, má to nɩalɩŋ sɩ ŋaa ma tɩŋŋaa dʋnɩa lɛ wɩɩ na-kala lɛ. Má sɩ́ tɩŋ bʋa-la dʋndʋŋ lɛ ba sɩɩ bemma, aa chɛ dɩ ba tʋɔŋ tɔrɛ ma nyuŋ. Ama má tɩŋ arɩ tʋɔ-bala a tɩŋ ma sɩɩ fá Wɩa wɩaa.

Taatɩs 2:7

Ŋ-na tɩtɩa Taatɩs, wɩɩ na-kala ŋ sɩɩ ŋaa lɛ, leŋ dɩ nɩaa na ŋ wʋŋaalaa sɩ zɔmɔ dɩ ba tuto. Wɩalɩŋ kala ŋ sɩɩ dagʋ, leŋ dɩ ba na arɩ ŋ kɛŋ wʋtɩtɩɩ arɩ sɩɩfɩɛsɩŋ.

Taatɩs 2:9

Bʋla pɩ yosuŋ ma dɩ ba tuto nɩalɩŋ sɩ tɩɩba niiŋ wɩɩkala lɛ, a ŋaa wɩalɩŋ kala sɩ maga dɩ ba tɩŋŋaa tʋɔŋ tɔrɛ ba nyuŋ. Ʋ bɩ maga dɩ ba laa wɩaa bʋbʋl ba teeŋ.