Ɛfɛsɩs Nɩaa 5:23 - WƖA TENIŊ

²³ bɛɛ wɩaa baalaa nɛ kɛŋ doluŋ ba haalaa nyuŋ arɩ Kirisito sɩ kɛŋ doluŋ ŋɩɩ nɩalɩŋ sɩ laa ʋ wɩaa dii aa hilimi nyuŋ. Nɩalɩŋ sɩ laa Yesu wɩaa dii aa hilimi nɛ ŋaa ʋ yaraa, ka ʋ ŋaa ba Laataara.

Ɛfɛsɩs Nɩaa 5:23 ပူးပေါင်းရင်းမြစ်များ

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

1 Kɔrɩntɩ Nɩaa 6:13

Nʋʋ hɛ nɩmɛ a ma jaŋ bʋl, Wɩa nɛ ŋaa kʋdiilee ba dii hɩhɛ luoruŋ lɛ, ka luoruŋ ma laa kʋdiile-la bibil. Wʋtɩtɩɩ nɛ, ama Wɩa jaŋ leŋ dɩ kʋdiilee arɩ luoru-la kala pʋa. Wɩa bɩ nuhuobiine ŋaa dɩ ʋ kɛŋ ʋ yaraa ŋɩŋaa wʋlɩɩlɩŋ, ama dɩ ʋ kɛŋ ʋ yaraa tɩma pʋpʋ. Wɩa nɛ tɩɩ yara-la ma.

Ɛfɛsɩs Nɩaa 4:15

Ama ʋ maga dɩ la cho dɔŋɔ a bʋl wʋtɩtɩɩ pɩpɩ dɔŋɔ bʋa na-kala. Dɩ la nɩɩ ŋaa ŋɩɩ, la jaŋ wuo waa Wɩa wɩaa lɛ a kʋ nagɛ Kirisito sɩ nagɛ ŋɩɩ. Nɩalɩŋ sɩ laa Yesu wɩaa dii aa hilimi nagɛ nuhuobiine nandaasɩŋ nɛ. Kirisito nɛ ŋaa ba nyuŋ.

Ɛfɛsɩs Nɩaa 5:24

Nɩalɩŋ sɩ laa Yesu wɩaa dii aa hilimi sɩɩ to Kirisito niiŋ wɩaa ŋɩɩ, ŋɩɩ tɩtɩa nɛ haalaa ma maga dɩ ba tuto ba balaba niiŋ wɩaa.

Koloosi Nɩaa 1:18

Ʋ nɛ ŋaa nɩalɩŋ sɩ laa Yesu wɩaa dii aa hilimi kʋhɩaŋ. Ʋ nɛ suomo bil Wɩa nɩaa gentine, bɛɛ wɩaa ʋ nɛ ŋaa bumbuŋ Nɩɩ-la sɩ laa sɩpaaŋ sii sʋʋŋ lɛ nɩalɩŋ kala sɩ sʋba lɛ. Ŋɩɩ wɩaa ʋ nɛ kɛŋ doluŋ kʋŋkala lɛ.

1 Tɛsalonaaka Nɩaa 1:10

Ba yie bʋl arɩ maa gbɛrɛ ʋ Bie Yesu dɩ ʋ lɩɩ Wɩa jaŋ kɔ. Ʋ nɛ Wɩa chɩsɛ sʋʋŋ lɛ. Ʋ nɛ jaŋ laala ta tapʋlɩɩ-la Wɩa baanɩŋ sɩ jaŋ sii nuhuobiinee nyuŋ.

Jɔɔŋ Wʋnaalaa 19:7

Má leŋ dɩ la jʋjʋɔsɛ a yɩrɛ ʋ yɩrɩ-balɩŋ a dɛnnʋ woruŋ. Bʋa-la Pie-bie-la sɩ jaŋ jaa haala yie nɛ. Haal-la ma sɩ jaŋ jaaʋ kɛŋ ʋ tɩtɩa hɛ dɔŋɔ nɛ.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.