Ɛfɛsɩs Nɩaa 5:20 - WƖA TENIŊ

²⁰ Bʋa na-kala lɛ arɩ wɩɩ-na kala lɛ, má lɔllɛ la Nyɩmma Wɩa, La Tɩɩna Yesu Kirisito yɩrɩŋ lɛ.

Ɛfɛsɩs Nɩaa 5:20 ပူးပေါင်းရင်းမြစ်များ

JOB 1:21

a bʋl, “Yarɩ-biree nɛ mɩ kaa lɩɩ mɩ naaŋ luoruŋ tʋɔŋ a kʋ lɩɩ, yarɩ-biree nɛ mɩ jaŋ mɩɩra kaa mʋ dɩ mɩ nɛ sʋba. La TƖƖNA nɛ pɩmɛ nɩaa arɩ kɩalɩŋ mɩ fa sɩ kɛnɛ aŋ bɩra kaa laa. Mɩ jaŋ dɛnnɛ La TƖƖNA.”

WƖA YƖƖLAA 34:1

Mɩ jaŋ dɛnnɛ La Tɩɩna bʋa na-kala lɛ. Ʋ dɛnnɩŋ sɩma mɩ niiŋ lɛ.

AZAAYA 63:7

Mɩ jaŋ leŋ dɩ nɩaa jɩŋ ŋɩɩ La TƖƖNA sɩ faasa cho nɩaa. Mɩ jaŋ dɛnnʋ a tɩŋ wɩalɩŋ kala ʋ sɩ ŋaa pɩ la Iziral tɩŋŋaa wɩaa. Ʋ chaasa ŋaa wʋzɔŋŋɔɔ yʋgɛ nɛ pɩla. La TƖƖNA fá la nenige nɛ a dagɛla ʋ chono-la sɩ bɩ dɛrɛ.

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Tɩntɩŋŋaa 5:41

Ŋɩɩ nɛ ba lɩɩ nɩalɩŋ fa sɩ hilime teeŋ. Ba tʋɔŋ tɔrɛ arɩ ba sɩ dɔgɩsɛba a tɩŋ Yesu wɩaa.

Rom Tɩŋŋaa 1:8

Wɩɩ-la mɩ sɩ kɛnɛ dɩ mɩ laa sɩpaaŋ bʋl nɛ ŋ-la: Mɩ to Yesu Kirisito lɛ aa lɔllɛ Wɩa ma kala wɩaa, bɛɛ wɩaa dʋnɩa nʋʋkala nɩɩ ŋɩɩ ma sɩ laa Wɩa dii nɛ.

1 Kɔrɩntɩ Nɩaa 1:4

Mɩ yie lɔllɛ Wɩa woruŋ a tɩŋ ma wɩaa, bɛɛ wɩaa ʋ to Kirisito Yesu lɛ nɛ a leŋ ma jʋʋ ʋ lahɔrɩmɔ.

1 Kɔrɩntɩ Nɩaa 15:24

Ŋɩɩ harɩŋ nɛ dʋnɩa dɩdɛrɩŋ jaŋ yi. Kirisito jaŋ yuo dii kɩalɩŋ kala sɩɩ dii doluŋ dʋnɩa lɛ arɩ dol-bɔmɔ-la kala sɩ hɛ nɩmɛ, aŋ joŋ kuorii-la a hɛ ʋ Nyɩmma Wɩa nɩsɩŋ lɛ.

Ɛfɛsɩs Nɩaa 5:4

Má sɩ́ wʋlɩɩlɩŋ arɩ wʋtɔɔnʋŋ ma bʋbʋl. Má sɩ́ sɩsɩɩ-tɔɔnʋŋ ma sɩɩ. Ʋ bɩ maga dɩ Wɩa nɩaa ŋɩŋaa wɩaa deemba. Ama ʋ maga dɩ ma lʋlɔllɛ Wɩa nɛ bʋa na-kala lɛ.

Fɩlɩpa Nɩaa 1:3

Bʋa na-kala lɛ dɩ mɩ nɛ liisi ma wɩaa, mɩ yie chʋɔlɛ Wɩa pɩpɩma nɛ. Mɩ yie lɔllʋ arɩ tʋɔtɔrʋŋ nɛ a tɩŋ ma wɩaa,

Fɩlɩpa Nɩaa 4:6

Má sɩ́ leŋe dɩ kʋŋkala wɩaa wʋwalɩmɛma, ama dɩ ma nɩɩ chɛ kʋŋkala, má sʋl Wɩa a mʋ tɩgɛ kʋ-la lɛ. Má lʋlɔllɛ Wɩa, aŋ joŋ wɩalɩŋ ma sɩɩ chɛ aa bil ʋ sɩpaaŋ.

Koloosi Nɩaa 3:17

Wɩɩ na-kala ma sɩɩ ŋaa koo ma sɩɩ bʋl, má ŋaa ba kala La Tɩɩna Yesu yɩrɩŋ lɛ a lɔllɛ la Nyɩmma Wɩa ʋ yɩrɩŋ lɛ.

1 Tɛsalonaaka Nɩaa 3:9

La bɩ jaŋ wuo lɔllɛ Wɩa a mʋ dɛrɛ a tɩŋ ma wɩaa. La yie jʋjʋɔsɛ Wɩa sɩpaaŋ nɛ a tɩŋ ma wɩaa.

1 Tɛsalonaaka Nɩaa 5:18

Wɩɩ na-kala lɛ, má lɔllɛ Wɩa. Ma sɩ laa Yesu Kirisito wɩaa dii ŋɩɩ, ŋ-la nɛ Wɩa cho dɩ maa ŋaa.

2 Tɛsalonaaka Nɩaa 1:3

La naambiiri, ʋ maga dɩ la lɔllɛ Wɩa nɛ bʋa na-kala a pɩma. Ŋɩɩ maga dɩ la ŋaa nɛ, bɛɛ wɩaa ŋɩɩ ma sɩ laa Wɩa dii pʋŋaa pɛ nɛ, chono-la ma ma sɩ kɛnɛ arɩ dɔŋɔ pʋŋaa pɛ.

2 Tɛsalonaaka Nɩaa 2:13

La naambiiri, ʋ maga dɩ la lɔllɛ Wɩa bʋa na-kala lɛ pɩpɩma nɛ, ma nɩalɩŋ La Tɩɩna Yesu sɩ cho. Ma nɛ Wɩa lɩɩsɛ bumbuŋ kala dɩ ʋ laama ta. Wɩa to ʋ Dɩŋ-zɔmʋŋ doluŋ lɛ dɩ ʋ leŋ dɩ ma ŋaa tʋɔpʋl tɩmma a tɩŋ ma sɩ laa wʋtɩtɩɩ-la dii wɩaa.

Hiburu TƖŊŊAA 13:15

Ŋɩɩ wɩaa, la nɩalɩŋ sɩ wuo suri la niiŋ a bʋl arɩ Wɩa nɛ ŋaa La Tɩɩna, má leŋ dɩ la to Yesu Kirisito lɛ a dɛnnʋ bʋa na-kala lɛ, a leŋ dɩ ʋ yɩrɩŋ yɩrɛ.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.