Ɛfɛsɩs Nɩaa 5:19 - WƖA TENIŊ

¹⁹ Dɩ ma nɛ kʋ hilimi a bʋl Wɩa wɩaa pɩpɩ dɔŋɔ, má yɩyɩɩ Wɩa yɩɩlaa a dɩdɛnnɛ Wɩa, a yɩɩ yɩɩla-la dɔnsʋŋ ma sɩɩ dagɛ Kirisito wɩaa. Má yɩɩ Wɩa yɩɩlaa a dɩdɛnnɛ La Tɩɩna Kirisito arɩ ma tʋɔŋ kala.

Ɛfɛsɩs Nɩaa 5:19 ပူးပေါင်းရင်းမြစ်များ

WƖA YƖƖLAA 147:7

Má yɩɩ yɩɩlaa a lʋlɔllɛ La Tɩɩna, má du cheŋ a yɩɩ yɩɩlaa a pɩ la Wɩa.

WƖA YƖƖLAA 62:8

Nandɔmba, má laa Wɩa dii bʋa na-kala, a dagɛ ma wʋwalɩmaa kala pʋ. Ʋ nɛ la yie yuori.

WƖA YƖƖLAA 86:12

Mɩ Tɩɩna Wɩa, mɩ jaŋ dɛnnɩŋ arɩ mɩ tʋɔŋ kala. Mɩ jaŋ yɩrɛ ŋ yɩrɩ-balɩŋ a kaa mʋ wuu.

WƖA YƖƖLAA 95:2

Má kɔ ʋ sɩpaaŋ a lɔllʋ, a yɩɩ yɩɩlaa arɩ tʋɔtɔrʋŋ a dɛnnʋ.

AZAAYA 65:14

Mɩ tɩntɩnnaa tʋɔŋ jaŋ tɔrɛ dɩ ba yɩyɩɩ yɩɩlaa, ka dɩ ma tʋɔŋ faasa chei dɩ ma ŋmuŋmoo niiŋ.

Matiu 15:8

Ʋ fa sɩ: ‘Nɩaa deemba kɛŋ niiŋ nɛ zizilmi, ka ba tʋɔŋ lɩɩmɛ.

Matiu 26:30

Ŋɩɩ nɛ ba yɩɩ Wɩɩchʋɔlɛ yɩɩlɩŋ aŋ sii lɩɩ mʋ peel kʋbala ba sɩɩ yɩrɛ Olif leriŋ.

Tɩntɩŋŋaa 16:25

Tɩta-siesee Pɔɔl arɩ Saalas chʋchʋɔlɛ Wɩa a yɩɩ yɩɩlaa a dɩdɛnnɛ Wɩa. Nɩalɩŋ ba sɩ kaa tɔ dɩa kʋkaanaa ma jijegili.

1 Kɔrɩntɩ Nɩaa 14:15

Wʋbɛɛ nɛ saa maga dɩ mɩ ŋaa? Mɩ jaŋ kɛŋ mɩ dɩma arɩ mɩ tʋɔbɩɩnaa kala kaa chʋchʋɔlɛ Wɩa, aŋ kɛŋ ba kala ma kaa yɩyɩɩ yɩɩlaa.

1 Kɔrɩntɩ Nɩaa 14:26

Wɩalɩŋ kala mɩ sɩ bʋla, ba bʋbʋɔŋ nɛ ŋ-la: Dɩ ma nɛ kʋ hilimi-na kala, dɩ dɔŋɔ nɛ kɛŋ yɩɩlɩŋ dɩ ʋ yɩɩ, dɩ dɔŋɔ ma kɛŋ wɩɩ dɩ ʋ dagɛ nɩaa, koo nʋʋ nɩɩ chɛ dɩ ʋ bʋl wɩɩ-la Wɩa sɩ joŋo dagʋ ʋ doluŋ lɛ, dɔŋɔ maa chɛ dɩ ʋ bʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, dɔŋɔ maa chɛ dɩ ʋ dagɛ wɩɩ-la ba sɩ bʋla bʋbʋɔŋ, má maga ma ŋaa wɩaa deemba kala a pɩpɛ dɔŋɔ lɛ.

Koloosi Nɩaa 3:16

Má leŋ dɩ wɩalɩŋ kala Kirisito sɩ bʋla hɛ ma tʋɔŋ woruŋ. Má kpʋrɩsɛ dɔŋɔba dɩgɩlaa aa dagɛ dɔŋɔ arɩ wʋjɩmɩŋ. Má yɩɩ yɩɩla-la sɩ hɛ Wɩa teniŋ tʋɔŋ, arɩ Wɩa nɩaa yɩɩlaa dɔnsʋŋ, arɩ yɩɩlaa Wɩa Dɩŋ-zɔŋ-la sɩ dagɛma. Má yɩɩ ŋɩɩ a pɩ Wɩa a lɔllʋ ma tʋɔŋ lɛ.

Jeems 5:13

Dɩ nʋʋ nɛ hɛ ma tʋɔŋ dɩ wɩaa wʋwalɩmʋ, má leŋ dɩ ʋ chʋɔlɛ Wɩa a sʋlʋ dɩ ʋ pɛ ʋ lɛ. Dɩ nʋʋ ma nɛ hɛ ma tʋɔŋ, dɩ ʋ tʋɔŋ tɔrɛ, má leŋ dɩ ʋ yɩɩ yɩɩlaa a dɛnnɛ Wɩa.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.