Ɛfɛsɩs Nɩaa 5:15 - WƖA TENIŊ

¹⁵ Ŋɩɩ wɩaa, má pɔ ma tɩtɩa lɛ arɩ ma wʋŋaalaa lɛ. Má sɩ́ nɩyaaraa nagʋ. Má ŋaa wɩaa a nagɛ nɩalɩŋ sɩ kɛŋ wʋjɩmɩŋ.

Ɛfɛsɩs Nɩaa 5:15 ပူးပေါင်းရင်းမြစ်များ

2 SAMƲƐL 24:10

Devit sɩ dɩɩsɛ laalɩyuoro-la kala dɛrɛ, ʋ tʋɔbɩɩnaa walɩmʋ. Ʋ bʋla pɩ La TƖƖNA, “Wɩɩ-la mɩ sɩ ŋaa, ʋ chaasa wʋbɔŋ nɛ. Mɩɩ sʋlʋŋ La TƖƖNA, joŋo chɛmɛ, aŋ lɩɩsɛ cheerii-la mɩ-na ŋ tɩntɩnna lɛ. Nɩyaarɩ wɩɩ nɛ mɩ ŋaa.”

JOB 2:10

Job bʋl, “Ŋ bʋl wɩaa arɩ ŋ ŋaa hayaarɩ nɛ. Ŋ bɩɩna wʋzɔŋŋɔɔ dʋndʋŋa nɛ maga dɩ la lɩlaa Wɩa teeŋ, aŋ sɩ́ wʋbɔŋŋɔɔ-na laa koo?” Job hɛɛŋ deeŋ ma kala lɛ, ʋ bɩ wʋbɔŋ kala bʋla.

WƖA YƖƖLAA 73:22

mɩ fa yaara nɛ a bɩ wɩɩ jɩŋ. Mɩ fa nagɛ pʋna nɛ ŋ sɩpaaŋ.

MOSIS KƐŊ IZIRAL TƖŊŊAA LƖƖ 23:13

Má jegile nɩɩ wɩalɩŋ kala mɩ-na ma TƖƖNA sɩ bʋla pɩma. Má pɔ dɩ ma sɩ́ vʋɩyaa kpaarʋ, a sɩ́ ba yɩrɩŋ yɩrʋ.

NAMAGABA 14:8

Nɩɩ-la kala sɩ kɛŋ wʋjɩmɩŋ yie bɩɩnɛ wɩaa nɛ aŋ ŋɩŋaa, ama nɩyaarɩŋ-na yie nyɩnyɩsɛ ʋ tɩtɩa nɛ.

NAMAGABA 15:21

Nɩɩ-la sɩ bɩ wʋjɩmɩɩ kala kɛnɛ tʋɔŋ yie tɔrɛ nɩyaarɩ wɩaa lɛ nɛ, ama nɩɩ-la sɩ jɩŋ wɩaa sɩaa yie joŋ wombii-la sɩ tʋʋla nɛ.

Matiu 10:16

Ŋɩɩ nɛ Yesu bɩra bʋl, “Má jegile nɩɩ, ma nagɛ piesee nɛ, mɩɩ tɩmma dɩ ma mʋ guoli guŋgurusuŋ tʋɔŋ. Má saa kɛŋ wʋjɩmɩŋ a nagɛ dɩŋŋaa sɩ kɛŋ wʋjɩmɩŋ ŋɩɩ, aŋ leŋ dɩ ma sɩaa fɩɛlɛ a nagɛ kokosuŋ sɩaa sɩ fɩɛla ŋɩɩ.

Matiu 25:2

Haalaa deemba tʋɔŋ banɔŋ yaarɛ, ka banɔŋ ma kɛŋ wʋjɩmɩŋ.

Matiu 27:24

Ŋɩɩ nɛ Paalɩt na arɩ goŋ-la yʋga kɩŋkɛŋ, arɩ yuosuŋ jaŋ jʋʋ. Ŋɩɩ wɩaa ʋ bɩ wɩɩkala wuo ŋaa. Dɩ lɩɩŋ chɩŋ ʋ sɛmɛ, ʋ ŋaa a sɔŋ ʋ nɩsaa nɩalɩŋ sɩpaaŋ aŋ bʋl, “Mɩ nɩsɩŋ tuo baala deeŋ sʋʋŋ lɛ. Ʋ hɛ ma teeŋ.”

Matiu 27:4

“Mɩ ŋaa wʋbɔŋ nɛ. Mɩ joŋ nɩɩ-la sɩ bɩ wɩɩ cheye yallɛ nɛ dɩ ba kpʋʋ.” Ŋɩɩ nɛ nɩalɩŋ bʋl, “La sɩpaa kala tuo, ŋ wɩɩ nɛ.”

Matiu 8:4

Yesu bʋla pʋ, “Sɩ́ wɩɩŋ deeŋ bʋla pɩ nʋʋkala. Ama kɛŋ ŋ tɩtɩa mʋ dagɛ Wɩɩsʋllɩ sɩpaalaara, aŋ joŋ ŋ Wɩɩsʋlʋŋ kɩaa pʋ dɩ ʋ kpʋ a pɩɩsɛ ŋ disiniŋ ta arɩ Mosis fa sɩ dagɛma ŋɩɩ. Dɩ ŋ nɛ ŋaa ŋɩɩ, nɩaa jaŋ na arɩ ŋ bɩra bɩ disiniŋ kɛnɛ.”

Luuk 24:25

Ŋɩɩ nɛ Yesu bʋla pɩba, “Nɩyaaraa, ma tʋɔŋ dolie, ma bɩ wɩalɩŋ Wɩa wʋlaabʋllaa fa sɩ bʋla laa dii.

1 Kɔrɩntɩ Nɩaa 14:20

Mɩ naambiiriŋ, má sɩ́ wɩaa bɩɩnʋ a nagɛ hambiisiŋ sɩɩ bɩɩnɛ ŋɩɩ. Ma wʋŋaalaa lɛ, má nagɛ bii-mulluŋ sɩ bɩ wʋbɔŋŋɔɔ jɩŋ, ama má bɩbɩɩnɛ wɩaa a nagɛ kʋhɩasɩŋ sɩɩ bɩɩnɛ ŋɩɩ.

Galiisia Nɩaa 3:1

Ma-na Galiisia nɩyaara! Kʋbɛɛ nɛ bugumima? La sɩ kɔ ma teeŋ, mɩ dagɛma woruŋ ŋɩɩ Yesu sɩ sʋʋ daagɛsɛ nyuŋ, ma jɩŋ ʋ bʋbʋɔŋ.

Galiisia Nɩaa 3:3

Bɛɛ nɛ tɩɩ ma yaarɛ kɩŋkɛŋ ŋ-la? Wɩa Dɩŋ-zɔŋ-la lɛ nɛ ma suomi a kɛŋ mɩɩsɩŋ deeŋ Kirisito lɛ. Ma saa chɛ dɩ ma na ʋ dɩdɛrɩŋ nɛ ma tɩtɩa doluŋ lɛɛ?

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

Ɛfɛsɩs Nɩaa 5:33

Ʋ saa nagɛ ŋɩɩ nɛ ma ma lɛ. Ʋ maga dɩ nʋʋkala cho ʋ haala arɩ ʋ sɩ cho ʋ tɩtɩa ŋɩɩ, ʋ maga dɩ haala ma zil ʋ bala.

Fɩlɩpa Nɩaa 1:27

Wɩɩ-la sɩ ŋaa sɩɩfɩɛsɩŋ nɛ, má leŋ dɩ ma wʋŋaalaa tuto Kirisito wʋzɔmɔ-la mɩ sɩ bʋla pɩma. Dɩ ma nɩɩ ŋaa ŋɩɩ, dɩ mɩ nɛ hɛ ma teeŋ koo dɩ mɩ tuo, mɩ jaŋ wuo nɩɩ arɩ ma faasa chɩŋ nɛ kpaŋ kpaŋ a kɛŋ nii-bala, a leŋ ma tʋɔbɩɩnaa ŋaa kʋbala, a faasa hɛ doluŋ a pɩpɛ dɔŋɔ lɛ a mʋ tɩgɛ Wɩa wʋzɔmɔ-la ma sɩ laa dii lɛ.

Koloosi Nɩaa 1:9

A tɩŋ wɩɩŋ deeŋ wɩaa, a lɩɩ tapʋlɩɩ-la la sɩ nɩɩ ma wɩaa, la chʋɔlɛ Wɩa pɩpɩma nɛ a bɩ leŋ. Laa sʋl Wɩa aa pɩma dɩ ʋ leŋ dɩ ma sɛnɛ jɩŋ wɩɩ-la ʋ sɩɩ chɛ dɩ ma ŋaa, a kɛŋ wʋjɩmɩŋ arɩ dɩgɩlɩŋ jegilee Wɩa Dɩŋ-zɔŋ-la sɩ pɩma.

Koloosi Nɩaa 4:5

Dɩ ma nɛ hɛ nɩalɩŋ sɩ bɩ Yesu wɩaa laa dii tʋɔŋ, má jɩma kɛŋ ma tɩtɩa. Bʋa na-kala lɛ dɩ ma nɛ na wombiiŋ, má bʋl wɩaa pɩba.

1 Tɛsalonaaka Nɩaa 5:15

Dɩ nʋʋ nɛ ŋaa ʋ dɔŋɔ tɩɩna wʋbɔŋ, ʋ bɩ maga dɩ ʋ ma ŋaa wʋbɔŋ-la a timu. Ama bʋa na-kala lɛ, má ŋɩŋaa wʋzɔŋŋɔɔ dɔŋɔ lɛ arɩ nʋʋkala lɛ.

1 Timoti 6:9

Ama nɩalɩŋ sɩ cho dɩ ba kɛŋ kɩaa dʋnɩa deeŋ lɛ, Sɩtaanɩ yie nyɩsɛba hɛ bɛrɛ lɛ nɛ, baa ŋaa nɩyaarɩ wɩaa arɩ ba tʋɔtɔrɛ wɩalɩŋ sɩɩ cheiba. Wɩaa deemba nɩɩ chei nɩaa woruŋ.

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.

Jeems 3:13

Ma tʋɔŋ nɩalɩŋ sɩ kɛŋ wʋjɩmɩŋ, a jɩŋ wɩaa sɩaa, ʋ maga dɩ ma ŋɩŋaa wʋzɔŋŋɔɔ nɛ a kɛŋ ma tɩtɩa muuri, a dagɛ ŋɩɩ arɩ ma sɛnɛ kɛŋ wʋjɩmɩŋ nɛ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

Jɔɔŋ Wʋnaalaa 19:10

Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”