Ɛfɛsɩs Nɩaa 5:10 - WƖA TENIŊ

¹⁰ Ʋ maga dɩ ma gʋnnɛ wɩalɩŋ ma sɩ jaŋ ŋaa dɩ La Tɩɩna Yesu tʋɔŋ tɔrɛ nɛ.

Ɛfɛsɩs Nɩaa 5:10 ပူးပေါင်းရင်းမြစ်များ

WƖA YƖƖLAA 19:14

Leŋ dɩ mɩ tʋɔbɩɩnaa arɩ mɩ niiŋ wʋbʋlaa tʋtɔrɛ ŋ tʋɔŋ. La Tɩɩna, ŋ nɛ kɛŋ doluŋ a nagɛ bʋŋ a laamɛ tɩta.

NAMAGABA 21:3

Dɩ nʋʋ nɩɩ ŋaa wɩaa ba bʋa lɛ a kɛŋ wʋtɩtɩɩ, ŋɩɩ nɩɩ tɔrɛ La Tɩɩna tʋɔŋ a kɩɩ nʋʋ sɩ kpʋ pʋsʋŋ a ŋaa Wɩɩsʋlʋŋ pʋ.

AZAAYA 58:5

Dɩ ma nɛ vɔɔ niiŋ, ma yie nagɛ maa dɔgɩsɛ ma tɩtɩa nɛ, a gʋrɛ nyusuŋ a nagɛ ŋɩɩ kʋlʋmaŋ arɩ fuolo-ŋmʋlba, a laalɛ ma tʋɔ-chei gɛnnɩŋ a ŋaa tʋɔrʋŋ bʋgɛ. Ŋɩɩ nɛ baa yɩrɛ niiŋ-vɔbʋŋ? Ma bɩɩna ŋɩɩ jaŋ tɔrɛ mɩ-na ma TƖƖNA tʋɔŋ?

JƐRƖMAAYA 6:20

Kʋsʋɔrʋsʋ-la ba sɩ kaa lɩɩ taŋ-la ba sɩɩ yɩrɛ Sɩɩba arɩ tegisi-la dɔnsʋŋ sʋɔra sɩ sɩma ba kaa lɩɩ tintee-la sɩ bolie kʋʋ pɩmɛ, ba bɩ bʋbʋɔ kala kɛnɛ mɩ teeŋ. Mɩ bɩ ma kʋnyɩgaa Wɩɩsʋlʋŋ kɩaa ka laa. Mɩ tʋɔŋ bɩ pʋsʋ-la ma sɩ yie kpʋ pɩmɛ nyuŋ ka tɔrɛ.”

Rom Tɩŋŋaa 14:18

Nʋʋkala sɩ to wombiiŋ deeŋ lɛ a tɩma pɩ Kirisito, Wɩa tʋɔŋ jaŋ tɔrɛ ʋ nyuŋ, dɩ nɩaa ma zizilu.

Fɩlɩpa Nɩaa 1:10

Wʋjɩmɩɩ-la jaŋ leŋ dɩ ma lɩɩsɛ wʋzɔŋŋɔɔ a ŋɩŋaa. Dɩ ma nɛ ŋaa ŋɩɩ, ma jaŋ wuo lɩɩsɛ ma tɩtɩa disiniŋ lɛ, a sɩ́ wɩɩkala ŋaa chei a mʋ yi tapʋlɩɩ-la Kirisito sɩ jaŋ kɔ.

Fɩlɩpa Nɩaa 4:18

Ma sɩ tɩŋ Epafurodaatus ʋ kɛŋ kɩalɩŋ kʋ pɩmɛ, lɛɛlɛ mɩ kɛŋ kʋŋkala mɩ sɩɩ chɛ nɛ. Kɩalɩŋ paala yʋgɛ nɛ. Kɩalɩŋ ma sɩ joŋo pɩmɛ, ba nagɛ kɩaa ba sɩ yie kpʋ pɩ Wɩa, ʋ laaba, ʋ tʋɔŋ tɔrɛ ba nyuŋ nɛ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

1 Tɛsalonaaka Nɩaa 5:21

Ama má magɩsɛ wɩɩkala na, a lɩɩsɛ kʋ-la sɩ zɔmɔ a kɛnʋ woruŋ.

1 Timoti 2:3

Ʋ ŋɩɩ zɔmɔ nɛ a tʋtɔrɛ la Laataara Wɩa tʋɔŋ.

1 Timoti 5:4

Ama dɩ yo-haal-la nɛ kɛŋ biiriŋ koo nihee, ʋ maga dɩ ba laa sɩpaaŋ ŋaa wɩɩ-la Wɩa sɩ sɩ dɩ ba ŋaa nɛ a bibeŋ ba dɩa nɩaa, a wuo tiŋ nɩalɩŋ sɩ lʋlba arɩ ba naabalɩmaba chɩmɩŋ, bɛɛ wɩaa ŋɩɩ nɩɩ tɔrɛ Wɩa tʋɔŋ.

Hiburu TƖŊŊAA 12:28

Wɩa joŋ ʋ kuorii-la sɩ bɩ wuo jigisi nɛ a pɩpɩla. Ŋɩɩ wɩaa, má leŋ dɩ la fáʋ a lɔllʋ, aŋ pɛ chʋchʋɔlʋ arɩ sɩɩfɩɛsɩŋ,

1 Pɩɩta 2:20

Dɩ ŋ nɛ ŋaa wʋbɔŋ dɩ ba dɔgʋsʋŋ, ka ŋ wuo dii kenyiri ŋɩɩ lɛ, ʋ bɩ maga dɩ ŋ chɩchɛ dɩ ba lɔllʋŋ. Ama dɩ ŋ nɩɩ ŋaa wʋzɔŋ, ka dɩ baa dɔgʋsʋŋ a tɩŋ wʋzɔŋ-la wɩaa, dɩ ŋ nɛ nyalɩma, Wɩa tʋɔŋ jaŋ tɔrɛ ŋ nyuŋ.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

1 SAMƲƐL 17:39

Devit joŋ ʋ tokobiiŋ a vɔɔ mɛrɛ laalɩyuori-gɛrɩ-la lɛ a kaa gʋgɔllɛ dɩ ʋ na, bɛɛ wɩaa ʋ bɩ ba laala mal. Devit bʋla pɩ Sɔɔl, “Mɩ bɩ jaŋ wuo kɛŋ kɩaa deemba mʋ.” Ŋɩɩ nɛ ʋ wuri gɛnnɩ-la bil.