Ɛfɛsɩs Nɩaa 5:1 - WƖA TENIŊ

¹ Ma ŋaa Wɩa bii-chooloo nɛ, ŋɩɩ wɩaa, má chichesi Wɩa wʋŋaalaa.

Ɛfɛsɩs Nɩaa 5:1 ပူးပေါင်းရင်းမြစ်များ

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

LEVI DOHO NƖAA 11:45

Mɩ nɛ ŋaa ma TƖƖNA sɩ kɛmma lɩɩ Ijipiti tinteeŋ lɛ dɩ mɩ ŋaa ma Wɩa, ŋɩɩ wɩaa má sɩ disiniŋ kɛŋ, bɛɛ wɩaa mɩ bɩ disiniŋ kɛnɛ.

Matiu 5:45

Dɩ ma nɛ ŋaa ŋɩɩ, ma jaŋ wuo ŋaa ma Nyɩmma Wɩa sɩ hɛ Wɩa-jaŋ biiriŋ. Ʋ leŋe Wɩa pɔsɛ hɩhɛ nɩbɔŋŋɔɔ arɩ nɩzɔŋŋɔɔ kala lɛ nɛ a leŋ duonuŋ nɩɩ pɩpɩ nɩzɔŋŋɔɔ arɩ nɩbɔŋŋɔɔ kala.

Matiu 5:48

Ʋ maga dɩ ma ŋaa tʋɔpʋl tɩmma nɛ a sɩ́ wʋcheeli kala kɛŋ, arɩ ma Nyɩmma sɩ hɛ Wɩa-jaŋ sɩ ŋaa tʋɔpʋl Tɩɩna ŋɩɩ.”

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Ɛfɛsɩs Nɩaa 4:32

Ama má kɛŋ zile dɔŋɔ lɛ, a fɩfá dɔŋɔ nenige. Má joŋ wɩaa chɩchɛ dɔŋɔ, arɩ Wɩa sɩ to Kirisito lɛ a joŋ ma wʋbɔŋŋɔɔ kala chɛma ŋɩɩ.

Fɩlɩpa Nɩaa 2:15

Dɩ ma nɛ ŋaa ŋɩɩ, ma jaŋ ŋaa tʋɔpʋl tɩmma a sɩ́ wʋcheeli kala kɛŋ. Ma jaŋ ŋaa Wɩa biiriŋ a hɛ wʋbɔŋ ŋaaraa arɩ nɩbɔŋŋɔɔ tʋɔŋ dʋnɩa deeŋ lɛ. Ma chaanɛ nɩaa deemba tʋɔŋ a nagɛ chɛnwʋlaa sɩ chaanɛ ŋɩɩ wɩa-nyuŋ.

Koloosi Nɩaa 3:12

Ŋɩɩ wɩaa, Wɩa sɩ lɩɩsɛma a choma a leŋ ma ŋaa ʋ nɩaa sɩ bɩ disiniŋ kɛnɛ, ma fɩfá nɩaa nenige a kɛŋ zile, a kɛŋ ma tɩtɩa muuri, a leŋ dɩ ma sɩaa fɩɛlɛ, a kɛŋ kenyiri.

1 Jɔɔŋ 4:11

Mɩ bii-chooloo, Wɩa sɩ chola ŋɩɩ, ʋ maga dɩ la ma cho dɔŋɔ.