Ɛfɛsɩs Nɩaa 4:6 - WƖA TENIŊ

⁶ Wɩɩ-bala dʋndʋŋ nɛ hɛ nɩmɛ, a ŋaa la kala Nyɩmma. Ʋ nɛ kɩɩ kʋŋkala. Ʋ kɛŋ la kʋŋkala tɩtɩŋ nɛ, a hɛ la kala tʋɔŋ lɛ.

Ɛfɛsɩs Nɩaa 4:6 ပူးပေါင်းရင်းမြစ်များ

WƖAA DƖ-SUOMUŊ 14:19

Ŋɩɩ nɛ ʋ sʋl Wɩa pɩ Abɩram aŋ bʋl, “Wɩa-la sɩ kɩɩ kʋŋkala a ŋaa wɩa-nyuŋ arɩ tinteeŋ nɛ jaŋ pɛ Abɩram lɛ.

WƖA YƖƖLAA 95:3

La Tɩɩna nɛ Wɩɩ-balɩŋ, Ʋ nɛ kuoru-balɩŋ, ʋ nɛ kɩɩ vene kala.

AZAAYA 63:16

Ŋ nɛ la nyɩmma. La naabalɩma, Abɩraham bɩ la jɩŋ, Jekɔb vɩa la ta nɛ. Ŋ nɛ La TƖƖNA arɩ la nyɩmma. Bumbuŋ kala ŋ nɛ la Laataara.

MALAKAƖ 2:10

Ma bɩ jɩŋ arɩ la kala nyɩmma ŋaa kʋbala nɛɛ? Wɩɩ-bala-la nɛ ta la kala. Bɛɛ nɛ saa tɩɩ la gʋgʋrɛ dɔŋɔ a chichei nii-la sɩ hɛ Wɩa arɩ la naabalɩmaba pɛgɛ?

NAMBABA 16:22

Ŋɩɩ nɛ Mosis arɩ Arɔŋ tuu tele chu aŋ ŋmoo niiŋ, “Ou Wɩa, ŋ nɛ ŋaa nuhuobiine mɩɩsɩŋ, nɩbala wʋbɔmʋŋ jaŋ leŋ dɩ ŋ na baanɩŋ ŋ nɩaa kala nyuŋ?”

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Matiu 6:9

Ŋ-la nɛ maga dɩ ma chʋɔlɛ Wɩa: ‘La Nyɩmma sɩ hɛ Wɩa-jaŋ, leŋ dɩ ŋ yɩrɩŋ yɩrɛ.

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

Jɔɔŋ 17:26

Mɩ saa ŋaa ba jɩmɩŋ nɛ, mɩ ha jaŋ leŋ dɩ ba jɩmɩŋ, dɩ ŋɩɩ ŋ sɩ chomi, dɩ ba ma cho dɔŋɔ, dɩ mɩ hɛ ba lɛ.”

Jɔɔŋ 20:17

Ŋɩɩ nɛ Yesu bʋla pʋ, “Sɩ́ mɩ kɛŋ. Mɩ ha bɩ mɩ Nyɩmma teeŋ jɩla. Ama mʋ bʋla pɩ mɩ naambiiriŋ arɩ mɩ jaŋ jɩl mɩ Nyɩmma teeŋ. Ʋ ŋaa ma ma Nyɩmma nɛ a ŋaa mɩ Wɩa, a ŋaa ma ma Wɩa.”

Rom Tɩŋŋaa 11:36

Bɛɛ wɩaa Wɩa nɛ ŋaa kʋŋkala. Ʋ doluŋ lɛ nɛ kʋŋkala ma hɛ nɩmɛ. Ʋ nɛ tɩɩ kʋŋkala. Má leŋ dɩ Wɩa yɩrɩŋ yɩrɛ a kaa mʋ wuu. Amɩɩ.

1 Kɔrɩntɩ Nɩaa 12:6

Kɩalɩŋ Wɩa Dɩŋ-zɔmʋŋ sɩ joŋo dii zile la lɛ yie tɩŋ tɩntɩŋ-dosunuŋ nɛ ʋ nɩaa lɛ, ama Wɩa nɛ to ba lɛ a tɩtɩŋ tɩntɩmɩa-la kala.

1 Kɔrɩntɩ Nɩaa 8:6

la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

Ɛfɛsɩs Nɩaa 1:21

Ʋ nɛ kɩɩ kɩalɩŋ kala la sɩ bɩ na ka ba kɛŋ doluŋ a bibeŋ leriŋ. Ʋ nɛ kɛŋ yɩrɩŋ a kɩɩ nʋʋ na-kala sɩ kɛŋ yɩrɩŋ dʋnɩa deeŋ lɛ arɩ dʋnɩa-la sɩ jaŋ bɩra kɔ lɛ.

Ɛfɛsɩs Nɩaa 2:22

Ma dɩ Kirisito sɩ ŋaa kʋbala ŋɩɩ, ma dɩ Wɩa nɩaa dɔnsʋŋ kala nɛ ʋ kaa saa Wɩa dɩa deeŋ, ʋ Dɩŋ-zɔmʋŋ jʋjʋʋ.

Ɛfɛsɩs Nɩaa 3:17

Mɩ bɩra sʋlʋ dɩ ma wuo laa Kirisito wɩaa dii woruŋ, dɩ ʋ hɛ ma tʋɔŋ lɛ a leŋ dɩ ma chɩŋ kpaŋ kpaŋ a cho nɩaa.

Ɛfɛsɩs Nɩaa 6:23

La Nyɩmma Wɩa arɩ La Tɩɩna Yesu Kirisito jaŋ leŋ dɩ la naambiiri-la kala sɩ laa Yesu wɩaa dii hɔŋ arɩ fɩɛlɩŋ, a kɛŋ wʋtɩtɩɩ, a cho dɔŋɔ.

MOSIS BƖRA WULLI WƖA WOMBIIŊ 6:4

Iziral tɩmma, má jɩŋ arɩ La TƖƖNA Wɩa ŋaa kʋbala nɛ.

1 Jɔɔŋ 3:24

Nʋʋ na-kala sɩɩ to wɩalɩŋ Wɩa sɩ dagɛla, ʋ tɩɩna hɛ Wɩa teeŋ nɛ, Wɩa ma hɛ ʋ teeŋ. Ʋ sɩ joŋ ʋ Dɩŋ-zɔmʋŋ hɛ la lɛ nɛ leŋe la jɩŋ arɩ Wɩa hɛ la teeŋ nɛ.