Ɛfɛsɩs Nɩaa 4:5 - WƖA TENIŊ

⁵ La kala Tɩɩna ŋaa kʋbala nɛ. Wɩalɩŋ la sɩ laa dii ma ŋaa kʋbala nɛ. Wɩɩchʋɔlɛ lɩɩ-bala nɛ la kala fo.

Ɛfɛsɩs Nɩaa 4:5 ပူးပေါင်းရင်းမြစ်များ

ZƐKARƖYA 14:9

La TƖƖNA jaŋ ŋaa dʋnɩa kala kuoro. Tapʋlɩɩ-la, La TƖƖNA dʋndʋŋa nɛ jaŋ hɛ nɩmɛ, ʋ yɩrɩŋ dʋndʋŋa nɛ ba jaŋ yɩyɩrɛ.

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

Tɩntɩŋŋaa 10:36

Ma ma nɩɩ Wɩa wʋzɔmɔ-la ʋ sɩ joŋo pɩ Iziral tɩŋŋaa nɛ. Ʋ fa bʋla pɩba dɩ ba to Yesu Kirisito lɛ a na wiese. Ʋ nɛ ŋaa kʋŋkala Tɩɩna.

Tɩntɩŋŋaa 2:36

Ma Iziral tɩŋŋaa, ma jɩŋ ʋ sɛnɛ ŋaa wʋtɩtɩɩ arɩ Yesu deeŋ ma sɩ kaa kpaasɛ daagɛsɛ nyuŋ, ʋ nɛ Wɩa leŋ ʋ ŋaa La Tɩɩna. Ʋ nɛ bɩra Kirisito ma.”

Rom Tɩŋŋaa 3:30

Wɩa sɩ ŋaa kʋbala, ʋ jaŋ leŋ dɩ nɩalɩŋ sɩɩ keri ba penee kɛŋ tʋɔpʋla a tɩŋ ba sɩ laa Yesu wɩaa dii wɩaa. Nɩalɩŋ ma sɩ bɩ Juu tɩŋŋaa ŋaa, ʋ jaŋ leŋ dɩ ba ma kɛŋ tʋɔpʋla a tɩŋ ba ma sɩ laa Yesu wɩaa dii wɩaa.

1 Kɔrɩntɩ Nɩaa 1:13

Má leŋ dɩ mɩ pɩɛsɛma wɩɩŋ deeŋ: Kirisito ŋaa bʋlɩa nɛɛ? Ba kpaasɛ Pɔɔl mɛrɛ daagɛsɛ nyuŋ dɩ ʋ laama ta nɛɛ? Ba foma Wɩɩchʋɔlɛ lɩɩŋ Pɔɔl yɩrɩŋ lɛ nɛɛ?

1 Kɔrɩntɩ Nɩaa 1:2

La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi Kɔrɩntɩ taŋ-la lɛ nɛ, nɩalɩŋ Wɩa sɩ to Kirisito lɛ a pɩɩsɛ ba disiniŋ ta, dɩ ba ŋaa tʋɔpʋl tɩmma ʋ sɩpaaŋ, a saa pɛ nɩalɩŋ kala sɩɩ chʋɔlɛ Yesu Kirisito a hɛ dʋnɩa sɛmɛ-na kala. Yesu Kirisito ŋaa la dɩ ma kala Tɩɩna nɛ.

1 Kɔrɩntɩ Nɩaa 12:13

La nɩalɩŋ sɩ laa Yesu wɩaa dii, la nagɛ ŋ-la nɛ. La yʋga nɛ, ama la ŋaa kʋbala nɛ. Wɩa Dɩŋ-zɔŋ-la doluŋ lɛ nɛ ba fola Wɩɩchʋɔlɛ lɩɩŋ, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, nɩalɩŋ sɩ ŋaa yosi arɩ nɩalɩŋ sɩ tɩɩ ba tɩtɩa. Wɩa leŋe la laa ʋ Dɩŋ-zɔmʋŋ a hɛ la tʋɔŋ nɛ.

1 Kɔrɩntɩ Nɩaa 12:5

La jaŋ wuo to wombii dabaŋ dabamba a tɩma pɩpɩ Wɩa, ama Wɩɩ-bala nɛ la tɩma pɩpa.

1 Kɔrɩntɩ Nɩaa 8:6

la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.

2 Kɔrɩntɩ Nɩaa 11:4

Mɩɩ bʋl ŋ-la, bɛɛ wɩaa dɩ nʋʋ dɔŋ nɛ bɩra kɔ ma teeŋ a bʋl wʋtanɩɩ a mʋ tɩgɛ Yesu wɩalɩŋ la sɩ bʋla pɩma lɛ, ma yie laa dii nɛ. Dɩ ba nɛ bɩra bʋl dɩŋ-wogo ma wɩaa sɩ tuo Wɩa Dɩŋ-zɔmʋŋ ma sɩ laa, ma yie sɛɩ nɛ. Dɩ ba nɛ bɩra bʋl wʋwogo ma sɩ tuo Wɩa wʋzɔmɔ-la la sɩ bʋla pɩma, ma yie chagɛ laa nɛ lɩma lɩma.

Galiisia Nɩaa 5:6

Dɩ la dɩ Kirisito nɛ ŋaa kʋbala, dɩ la keri la penee koo dɩ la bɩ kere, ʋ bɩ wɩɩ kɛnɛ. Wɩɩ-la sɩ ŋaa sɩɩfɩaŋ wɩɩ nɛ, dɩ la laa Wɩa wɩaa dii a cho dɔŋɔ.

Ɛfɛsɩs Nɩaa 4:13

Ʋ pɛ la lɛ ŋɩɩ a kaa mʋ yi bʋa-la lɛ la kala sɩ jaŋ wuo kʋ chɩŋ wɩalɩŋ la sɩ laa dii lɛ, a wuo kʋ jɩŋ Wɩa Bie sɩ nagɛ ŋɩɩ, a kʋ ŋaa nɩduoru Wɩa wɩaa lɛ, a wuo kʋ nagɛ Kirisito sɩ nagɛ ŋɩɩ wɩɩkala lɛ.

Fɩlɩpa Nɩaa 2:11

Nʋʋkala jaŋ suri ʋ niiŋ a bʋl arɩ Yesu Kirisito nɛ ŋaa ʋ Tɩɩna, dɩ la Nyɩmma Wɩa yɩrɩŋ yɩrɛ.

Fɩlɩpa Nɩaa 3:8

Mɩ sɩ kʋ jɩŋ mɩ Tɩɩna Yesu Kirisito, mɩ na arɩ mɩ tele nɛ wɩaa deemba lɛ. Mɩ chaasa jɩŋ arɩ ʋ nɛ kɛŋ nyʋʋrʋŋ a kɩɩ wɩaa deemba kala mɩ fa sɩɩ to. A tɩŋ Yesu wɩaa mɩ joŋ wɩɩkala yuo ta nɛ. Mɩ na arɩ ba kala nagɛ nɩsʋrʋŋ nɛ. Mɩ ŋaa ŋɩɩ dɩ mɩ wuo na nyʋʋrʋŋ nɛ Kirisito teeŋ, aŋ pɛ kɛŋ ʋ tʋɔpʋla-la,

Taatɩs 1:1

Mɩ-na Pɔɔl nɛ ŋmʋnsɛ teniŋ deeŋ aa pɩ ŋ-na Taatɩs. Mɩ ŋaa Wɩa tɩntɩnnʋ nɛ a ŋaa Yesu Kirisito nanzɔɔ ma. Wɩa nɛ lɩɩsɛmɛ dɩ mɩ pɛ nɩalɩŋ ʋ sɩ lɩɩsa lɛ dɩ ba wasa chɩŋ wɩalɩŋ ba sɩ laa dii lɛ, a wuo jɩŋ wʋtɩtɩɩ-la sɩɩ to Wɩa wombiiŋ.

Taatɩs 1:4

Mɩ-na Pɔɔl nɛ ŋmʋnsɛ teniŋ deeŋ a pɩpɩ ŋ-na Taatɩs sɩ ŋaa mɩ bii-tɩtɩɩ Yesu wɩaa lɛ. La Nyɩmma Wɩa arɩ la Laataara Yesu Kirisito lahɔrɩmɔ lɛ, ŋ jaŋ hɔŋ arɩ yarɩfɩɛlaa.

Hiburu TƖŊŊAA 13:7

Má liisi ma sɩpaalaaraa wɩaa, nɩalɩŋ sɩ bʋl Wɩa wɩaa pɩma. Má bɩɩna mʋ yi ŋɩɩ ba sɩ laa Wɩa wɩaa dii a chɩŋ ŋɩɩ lɛ a mʋ sʋʋ, aŋ to ba naabʋɔsʋŋ.

Hiburu TƖŊŊAA 6:6

dɩ ba nɛ jɩŋ wɩaa deemba kala aŋ bɩra joŋ harɩŋ yɩa Wɩa wʋzɔmɔ-la, ɛɛ nɛ ba jaŋ bɩra ŋaa a bɩrɩma lɩɩ ba wʋbɔŋŋɔɔ lɛ, aŋ kɔ Wɩa teeŋ? Ʋ saa naga arɩ ba bɩra wasa kpaasɛ Wɩa Bie mɛrɛ daagɛsɛ nyuŋ nɛ. Ba sɩ ŋaa ŋɩɩ, ba bɩra leŋe hɩɩsɩŋ diiu nɛ nɩaa tʋɔŋ.

Jeems 2:18

Ŋ bɩ pɔ nʋʋ dɔŋ jaŋ hɛ nɩmɛ a bʋla pɩŋ arɩ ʋ laa Wɩa wɩaa dii nɛ. Dɔŋɔ ma bʋl dɩ ʋ maa ŋaa wʋzɔŋŋɔɔ nɛ. Dɩ ʋ nɛ bʋl ŋ-la, mɩ jaŋ pɩɛsʋ, “Dɩ ŋ nɛ bɩ wʋzɔŋŋɔɔ ŋaa aa pɛ ŋ sɩ laa Wɩa dii lɛ, ɛɛ nɛ ŋ jaŋ wuo dagɛmɛ arɩ ŋ sɛnɛ laa Wɩa wɩaa dii nɛɛ? Mɩ-naa ŋaa wʋzɔŋŋɔɔ nɛ aa dagɛ arɩ mɩ sɛnɛ laa Wɩa wɩaa dii nɛ.”

1 Pɩɩta 3:21

Lɩɩ-la tʋɔŋ ba sɩ duoro lɩɩ naga ba sɩ fo nɩaa Wɩɩchʋɔlɛ lɩɩŋ nɛ. Dɩ ba nɛ foŋ Wɩɩchʋɔlɛ lɩɩŋ, ʋ bɩ naga arɩ ŋ yaraa disiniŋ nɛ ba fo ta. Ama la yie ŋaa ŋɩɩ a dɩdagɛ arɩ la tʋɔbɩɩnaa chesi nɛ Wɩa sɩpaaŋ. Ʋ ŋɩɩ yie laala ta nɛ a tɩŋ Yesu Kirisito sɩ sii sʋʋŋ lɛ wɩaa.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.

Juud 1:20

Ama ma-na, mɩ nandɔŋ-chooloo, wɩalɩŋ ma sɩ laa dii lɩɩ Wɩa teeŋ nɛ. Ŋɩɩ wɩaa, má kɛmba woruŋ a waa ba lɛ, a to Wɩa Dɩŋ-zɔŋ-la lɛ a chʋchʋɔlɛ Wɩa.

Juud 1:3

Mɩ nandɔŋ-chooloo, mɩ fa cho dɩ mɩ ŋmʋnsɛ teniŋ pɩma nɛ, a bʋl wɩaa a tɩgɛ ŋɩɩ Wɩa sɩ laa la dɩ ma kala ta lɛ. Ama mɩ na dɩ ʋ maga dɩ mɩ ŋmʋnsɛ teniŋ deeŋ a sʋlma dɩ ma kala luloo woruŋ a tɩŋ wɩalɩŋ la sɩ laa dii wɩaa. Wɩa joŋ wɩalɩŋ hɛ ʋ nɩaa nɩsɩŋ lɛ bala nɛ.