Ɛfɛsɩs Nɩaa 4:31 - WƖA TENIŊ

³¹ Dɩ nʋʋ nɛ ŋaa wɩɩ jʋʋ ma lɛ, má sɩ́ joŋo hɛ ma tʋɔŋ lɛ. Má sɩ́ tɛrʋ, má sɩ́ baanɩŋ na. Má sɩ́ goŋ ŋaa nɩaa nyuŋ. Má sɩ́ nɩaa yɩrɩŋ chichei. Má sɩ́ nʋʋkala bɛrʋ.

Ɛfɛsɩs Nɩaa 4:31 ပူးပေါင်းရင်းမြစ်များ

WƖAA DƖ-SUOMUŊ 27:41

Ɛsɔ kɛŋ tʋɔŋ arɩ Jekɔb a tɩŋ Wɩɩsʋlɩɩ-la ʋ nyɩmma sɩ sʋla pʋ wɩaa a bʋl ʋ tʋɔŋ lɛ, “Ʋ ka mʋa ka dɩ mɩ nyɩmma yoho yi, dɩ ʋ nɛ dɛrɛ, mɩ jaŋ kpʋ mɩ ŋaana Jekɔb.”

WƖAA DƖ-SUOMUŊ 37:21

Ama Rubiŋ sɩ nɩɩ wɩɩ-la ba sɩ vʋʋra, ʋ chɩchɛ dɩ ʋ laa Josɛf ta ba nɩsɩŋ lɛ. Ŋɩɩ nɛ ʋ bʋl, “Má sɩ́ leŋe la kpʋʋ.”

WƖAA DƖ-SUOMUŊ 37:4

Josɛf naambiiriŋ sɩ na arɩ ba nyɩmma chou a kɩɩba, ba bɛrʋ a bɩ wʋzɔŋ kala bʋlaa pʋ.

WƖAA DƖ-SUOMUŊ 4:8

Ŋɩɩ nɛ Keeŋ bʋla pɩ ʋ ŋaana Abɛl, “Leŋ dɩ la mʋ gɩrɩŋ.” Ba sɩ mʋ gɩrɩŋ, Keeŋ gurigi ʋ ŋaana Abɛl a kpʋʋ.

2 SAMƲƐL 13:22

Abɩsalɔm faa ŋaa wɩaa Amɩnɔŋ teeŋ a nagɛ ʋ dɩ Amɩnɔŋ bɩ wɩɩkala kɛnɛ, ama aŋ bɛrʋ woruŋ a tɩŋ ʋ sɩ gurigi ʋ dɩ-haala Tama.

2 SAMƲƐL 19:27

a nyɩɛ wɩaa a tɩgɛ mɩ lɛ a pɩŋ. Kuoro mɩ nɩhɩaŋ, ŋ kɛŋ wʋjɩmɩŋ a nagɛ Wɩa tɩndaara nɛ. Wɩɩ-la kala sɩ tɔrɛ ŋ tʋɔŋ, ŋaa.

2 SAMƲƐL 19:43

Iziral laalɩyuoro-la ma bʋla pɩ Juda laalɩyuoroo, “La tɩɩ Devit a kɩɩma naansɩɩŋ fii, dɩ ʋ nɛ ŋaa ma kʋŋ ma, bɛɛ nɛ tɩɩ ma bee gʋʋnɛla? La dee bɩ sɩpaaŋ laa bʋl arɩ ma leŋ la kɛŋ la kuoro mɩɩra kɔɔ?” Ama Juda tɩmma-la ha faasa hosi a kɩɩ Iziral tɩmma-la.

WƖA YƖƖLAA 101:5

Mɩ jaŋ chei nɩɩ-la kala sɩ lʋara bʋl wʋbɔmʋŋ a tɩgɛ nʋʋ lɛ. Mɩ jaŋ ŋmobu hɛ pɛgɛ lɛ. Mɩ bɩ jaŋ sɛɩ pɩ sɩɩ-duo tɩŋŋaa arɩ nɩalɩŋ sɩɩ dagɛ ba tɩtɩa.

WƖA YƖƖLAA 140:11

Sɩ́ leŋe dɩ nɩbɔmɔ-la sɩ nyɩɛ wɩaa aa chei nɩaa yɩrɩŋ na dɩchɩnɩŋ tinteeŋ lɛ. Leŋ dɩ wʋlɔrʋnʋŋ paa puu yuo-hɛɛrɛɛ.

WƖA YƖƖLAA 15:3

a bɩ nɩaa harɩŋ ka gaa, a bɩ wɩɩ ŋaa chei ba dɔnsʋŋ tɩŋŋaa, a bɩ wʋbɔŋŋɔɔ ma bʋla a tɩtɩgɛ ba lɛ.

WƖA YƖƖLAA 37:8

Sɩ́ leŋe dɩ ŋ baanɩŋ sii, sɩ́ ʋ harɩŋ to. Sɩ́ leŋe dɩ wɩaa walɩmɩŋ, ŋɩɩ jaŋ leŋ dɩ ŋ ŋaa wʋbɔŋ.

WƖA YƖƖLAA 50:20

Ma yie hɔnɔ gɩgaa ma naambiiriŋ harɩŋ nɛ, a chichei ma dɩ nɩalɩŋ sɩ pɛ naaŋ yɩrɩŋ.

WƖA YƖƖLAA 64:3

Ba niiŋ ka dii a nagɛ tokobiee nɛ, ba wʋbʋlaa ma lɔrɛ a tʋtɔɔ nɩaa a nagɛ to-hɛŋŋɛɛ ba sɩ sʋa.

NAMAGABA 10:12

Dɩ ŋ nɛ bɛrɛ nʋʋ, ŋ dɩ tɩɩna jaŋ yuyuo bʋa na-kala, ama dɩ ŋ nɛ cho nʋʋ, ŋ jaŋ bee kieli wɩalɩŋ kala ʋ sɩ ŋaa cheyiŋ.

NAMAGABA 10:18

Nʋʋkala sɩ bɛrɛ nɩaa aŋ kaa fɩfaa ŋaa wʋnyɩɛrʋ nɛ. Nʋʋ na-kala sɩ gɔllɔɔ bɛ zɛmbɛ ŋaa nɩyaarɩ nɛ.

NAMAGABA 14:17

Nɩalɩŋ baanɩŋ sɩɩ sii lɩma lɩma yie ŋɩŋaa nɩyaarɩ wɩaa nɛ. Ama nɩaa bɛrɛ wʋjɩŋ kɩŋkɛŋ tɩɩna nɛ.

NAMAGABA 18:8

Zɛmbɛ tɩɩna wʋbʋlʋŋ sɩma a nagɛ kʋdii-sɩŋŋaa nɛ, baa tuu tʋɔŋ nɛ woruŋ.

NAMAGABA 19:12

Kuoro baanɩŋ nɛ sie, ʋ yie nagɛ naachigiŋ sɩɩ huosu nɛ. Ama dɩ ʋ tʋɔŋ nɛ tɔrɔ nɩa nyuŋ, ʋ yie nagɛ nyalɩŋ sɩ nyala hɛ yaŋ lɛ nɛ.

NAMAGABA 25:23

Pel-duoŋ sɩ yie kɛŋ duonuŋ kɔ ŋɩɩ, ŋɩɩ tɩtɩa nɛ harɩ-gaaŋ ma yie kɛŋ baanɩŋ kʋkɔ.

NAMAGABA 26:20

Dɩ daasɩŋ nɛ tuo, nyiniŋ dɩsɛ nɛ, dɩ zɛmbɛ ma nɛ tuo, yuosuŋ jaŋ fɩɛlɛ.

NAMAGABA 29:22

Baaŋ-tɩɩna ka hɛ yuosuŋ nɛ, nɩɩ-la baanɩŋ sɩɩ sii lɩma lɩma yie ŋaa wʋbɔŋŋɔɔ yʋgɛ nɛ.

NAMAGABA 29:9

Dɩ wʋjɩnna arɩ nɩyaara nɛ mʋ wɩaa dɩ-bʋlʋŋ, nɩyaarɩ-la yie na baanɩŋ a yigi wɩaa lo nɛ a ŋɩŋaa goŋ. Leriŋ bɩ fɩɛlaa pɩŋ.

NAMAGABA 6:19

wʋnyɩɛrɩ wʋpɛ-naara, arɩ nɩalɩŋ sɩ cho dɩa nɩaa nyuŋ kaa yagɛ dɔŋɔ lɛ.

TƖƖCHA 7:9

Sɩ́ guu nɩna baanɩŋ, bɛɛ wɩaa nɩyaarɩŋ nɛ yie guu na baanɩŋ.

JƐRƖMAAYA 6:28

Ba kala ŋaa nyu-duo tɩmma nɛ a vɩa mɩ niiŋ, a gɔllɔ chichei nɩaa yɩrɩŋ. Ba wɩaa dolie nagɛ kɔlɩɩŋ arɩ hɔɔŋ nɛ, ba kala wʋŋaalaa lɔrɔ.

JƐRƖMAAYA 9:4

Má kɛŋ ma tɩtɩa arɩ ma nandɔnsʋŋ. Má sɩ́ ma naambiiriŋ laa dii. Naambii kala ka nyɩsɛ ʋ dɔŋɔ tɩɩna nɛ. Nandɔŋ ma kala ŋaa yɩrɩ-cheeru.

Tɩntɩŋŋaa 21:30

Ŋɩɩ nɛ ba hɛ taŋ-la kala lɛ, nɩalɩŋ kala to dɔŋɔ a kɛŋ Pɔɔl a kɛnʋ kaa lɛrɛ lɩɩ Wɩa dɩɩ-bal-la lɛ, aŋ guu kɛŋ Wɩa dɩɩ-bal-la boiŋ-niiree tɔ.

Rom Tɩŋŋaa 3:14

“Ba niiŋ hɛyɛ, ba ŋmɩɛsa hɩhɛ nɩaa lɛ.”

1 Kɔrɩntɩ Nɩaa 14:20

Mɩ naambiiriŋ, má sɩ́ wɩaa bɩɩnʋ a nagɛ hambiisiŋ sɩɩ bɩɩnɛ ŋɩɩ. Ma wʋŋaalaa lɛ, má nagɛ bii-mulluŋ sɩ bɩ wʋbɔŋŋɔɔ jɩŋ, ama má bɩbɩɩnɛ wɩaa a nagɛ kʋhɩasɩŋ sɩɩ bɩɩnɛ ŋɩɩ.

1 Kɔrɩntɩ Nɩaa 5:8

Ŋɩɩ wɩaa, má leŋ dɩ la gbieli la dɩɩsɩŋ kiele bal gbiele-la. Má leŋ dɩ la joŋ boroboro bɩnɩɩ-la sɩ kɛŋ sɩbʋrʋŋ ta. Sɩ-bʋrʋ-la nagɛ wʋbɔmʋŋ arɩ tʋɔbɔmʋŋ nɛ. Má leŋ dɩ la gbieli arɩ boroboro-la sɩ bɩ sɩbʋrʋŋ kɛnɛ. Boroboro deeŋ nagɛ wʋtɩtɩɩ arɩ tʋɔ-bala nɛ.

2 Kɔrɩntɩ Nɩaa 12:20

Fawʋllʋŋ kɛmmɛ nɛ mɩ sɩ jaŋ kɔ ma teeŋ. Ŋ bɩ pɔ mɩ jaŋ kɔ dɩ ma bɩ ŋɩɩ mɩ sɩ cho naga, ma ma jaŋ na dɩ mɩ ma bɩ ŋɩɩ ma sɩ cho naga. Mɩ bɔyɛ ka joŋ arɩ mɩ nɛ kɔ, mɩ jaŋ nama dɩ maa yuo yuosuŋ, a kɛŋ yarɩ-bieriŋ, a nɩna baanɩŋ dɔŋɔ nyuŋ, a kɛŋ dɔŋɔ pʋpɔrɛ, a chichei dɔŋɔba yɩrɩŋ, a gɩgaa dɔŋɔ harɩŋ, a kɛŋ sɩɩ-duoŋ, a bɩ nii-bala kɛnɛ.

Galiisia Nɩaa 5:20

aa kpaarɛ vʋɩyaa, a ŋɩŋaa hɩl wɩaa, a bɛrɛ nɩaa, a hɩhɛ yuosuŋ, a kɛŋ yarɩ-bieriŋ, a kɛŋ baanɩŋ, a chɩl ʋ dʋndʋŋa wɩaa, a kɛŋ dɔŋɔ pʋpɔrɛ, a lɩlɩɩ dɔŋɔ harɩŋ,

Ɛfɛsɩs Nɩaa 4:22

Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.

Ɛfɛsɩs Nɩaa 4:25

Ŋɩɩ wɩaa, má bɩra sɩ́ wɩaa nyɩnyɩa. Má leŋ dɩ nʋʋkala bʋl wʋtɩtɩɩ a pɩ ʋ dɔŋɔ tɩɩna, bɛɛ wɩaa la kala nagɛ nandaasɩŋ nɛ a kʋ mɛrɛ dɔŋɔ lɛ a ŋaa kʋbala.

Ɛfɛsɩs Nɩaa 4:26

Dɩ ma nɛ na baanɩŋ, má sɩ́ leŋe dɩ ma baaŋ-la leŋ dɩ ma ŋaa wʋbɔŋ. Má sɩ́ baanɩŋ na ŋɩɩ dɩ wɩa tuu jʋʋ.

Koloosi Nɩaa 3:19

Baalaa, má cho ma haalaa, má sɩ́ ba nyuŋ tɛrʋ.

Koloosi Nɩaa 3:8

Ama lɛɛlɛ ʋ maga dɩ ma joŋ wɩaa deemba kala ta. Ba nɛ ŋ-la: Baanɩŋ nanɩŋ, baanɩŋ joŋo fɩɩsɩŋ, wʋbɔŋŋɔɔ ŋaanɩŋ nɩaa lɛ, harɩ-gaaŋ arɩ wʋlɩɩlɩŋ bʋlʋŋ.

1 Timoti 3:11

Haalaa ma sɩɩ pɛ Wɩa nɩaa kʋhɩasɩŋ lɛ, ʋ maga dɩ ba kɛŋ mɛl-zɔŋ nɛ a sɩ́ nɩaa harɩŋ ma gɩgaa. Ʋ maga dɩ ba fɩɛlɛ ba sɩaa a pɛ kɛŋ wʋtɩtɩɩ wɩɩ na-kala ba sɩɩ ŋaa lɛ.

1 Timoti 3:3

Ʋ bɩ maga dɩ ʋ ŋaa sɩ-nyʋarʋ, a sɩ́ baaŋ tɩɩna ma ŋaa. Ama ʋ maga dɩ ʋ ŋaa nɩ-chɩm-chɩm nɛ a sɩ́ yuo-hɛɛrʋ ŋaa. Ʋ bɩ maga dɩ ʋ cho moribiee kɩŋkɛŋ.

1 Timoti 5:13

Ŋɩɩ dʋndʋŋ ma dee, ba bɩ sɛɩ dɩ ba tɩŋ tɩntɩŋŋaa aŋ gɔllɔ tuto dɩɩ-niiriŋ. Dɩ-bɔmʋŋ nɛ, ba yie gɩgaa nɩaa harɩŋ a joŋ ba niiŋ hɩhɛ nɩaa wɩaa lɛ a bʋl wɩalɩŋ sɩ bɩ maga dɩ ba bʋl.

2 Timoti 2:23

Ama lɩɩsɛ ŋ tɩtɩa nɩalɩŋ sɩ kɛŋ nɩyaarɛ wɩaa lɩlɛrɛ lɛ. Ŋ jɩma arɩ wɩaa deemba yie leŋ nɩaa yuyuo dɔŋɔ nɛ.

2 Timoti 3:3

Ba bɩ jaŋ cho nɩaa. Ba bɩ jaŋ joŋ wɩaa chɩchɛ nɩaa. Ba jaŋ chichei nɩaa yɩrɩŋ ma. Ba bɩ jaŋ jɩŋ ba tɩtɩa kɛnɩŋ. Ba jaŋ tɛrɛ. Ba jaŋ bɛrɛ wʋzɔŋ kala.

Taatɩs 1:7

Nɩɩ-la sɩɩ beŋ Wɩa nɩaa ŋaa Wɩa tɩntɩnnɩ-hɩaŋ nɛ. Ʋ bɩ maga dɩ ʋ kɛŋ wʋcheelee nɩaa teeŋ. Ʋ bɩra bɩ maga dɩ ʋ dɩdagɛ ʋ tɩtɩa, a sɩ́ baaŋ tɩɩna koo sɩ-nyʋarʋ koo nii-jɩgɩ tɩɩna koo nɩɩ-la sɩ cho moribiee kɩŋkɛŋ ŋaa.

Taatɩs 2:3

Bʋla pɩ hanɩhɩasɩ-la ma dɩ ba ŋaa wɩalɩŋ sɩ daga arɩ baa to Wɩa wombiiŋ nɛ. Ʋ bɩ maga dɩ ba gɩgaa nɩaa harɩŋ koo dɩ ba ŋaa sɩ-nyʋaraa. Bʋla pɩba dɩ ba dɩdagɛ wɩalɩŋ sɩ zɔmɔ,

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 3:14

Ama dɩ ma nɛ faasa kɛŋ yarɩ-bieriŋ dɔŋɔ lɛ, a chɩl ma dʋndʋŋa wɩaa, aŋ dɩdagɛ ma tɩtɩa arɩ ma kɛŋ wʋjɩmɩŋ, maa nyɩɛ nɛ.

Jeems 4:11

Mɩ naambiiri, má sɩ́ ma dɔnsʋŋ tɩŋŋaa yɩrɩŋ chei. Nɩɩ-la kala sɩ chei ʋ dɔŋɔ tɩɩna yɩrɩŋ koo a bʋl ʋ teeŋ ma arɩ ʋ cheye nɛ, ʋ naga tɩɩna ma bʋl wʋbɔŋ nɛ a tɩgɛ wɩalɩŋ Wɩa sɩ leŋe ba ŋmʋnsa bil dɩ nɩaa tuto lɛ. Dɩ nʋʋ nɛ bʋla arɩ wɩalɩŋ bɩ zɔŋ, ʋ ma bɩra bɩ wɩalɩŋ to. Ʋ mɩɩra joŋ ʋ tɩtɩa arɩ ʋ yʋga nɛ a kɩɩ wɩalɩŋ Wɩa sɩ leŋe ba ŋmʋnsa bil.

1 Pɩɩta 2:1

Ma sɩ kɛŋ mɩɩ-falɩŋ ŋɩɩ, má lɩɩsɛ ma tɩtɩa wʋbɔŋ kala lɛ, a sɩ́ nɩaa nyɩnyɩsʋ, a sɩ́ kanfugi tɩmma ŋaa. Má sɩ́ yarɩ-bieriŋ kɛŋ, a sɩ́ nɩaa harɩŋ gɩgaa.

1 Jɔɔŋ 3:12

Ʋ bɩ maga dɩ la nagɛ Keeŋ. Ʋ fa ŋaa Sɩtaanɩ nʋʋ nɛ a kpʋ ʋ ŋaana. Bɛɛ nɛ tɩɩ ʋ kpʋʋ? Keeŋ faa ŋaa wʋbɔŋŋɔɔ nɛ, aŋ ka ʋ ŋaana fa ŋɩŋaa wʋzɔŋŋɔɔ. Ŋɩɩ nɛ tɩɩ ʋ kpʋʋ.

1 Jɔɔŋ 3:15

Nɩɩ-la kala sɩ bɛrɛ ʋ dɔŋɔ tɩɩna, ʋ ŋaa nɩkpʋʋrʋ nɛ. Mɩɩsɩ-la sɩ bɩ dɩdɛrɩŋ kɛnɛ, ma jɩma arɩ nɩkpʋʋra bɩ ʋ kɛnɛ.

Jɔɔŋ Wʋnaalaa 12:10

Ŋɩɩ nɛ ka mɩ nɩɩ yikori-bal kʋbala dɩ ʋ lɩɩ Wɩa-jaŋ a bʋl, “Lɛɛlɛ Wɩa dagɛ dol-la ʋ sɩ kɛnɛ dɩ ʋ laa ʋ nɩaa ta nɛ. Ʋ dagɛ ʋ doluŋ arɩ ʋ kuoruŋ nɛ, arɩ dol-la Kirisito sɩ kɛnɛ, Nɩɩ-la ʋ sɩ lɩɩsa, bɛɛ wɩaa nɩɩ-la sɩ joŋ cheeriŋ pɩ la naambiiriŋ, ba joŋu yuo ta nɛ ʋ kʋ tuu tinteeŋ. Ʋ fa joŋ cheeriŋ pɩba Wɩa sɩpaaŋ wɩɩhɛyɛ arɩ tɩtaŋɩŋ kala nɛ.