Ɛfɛsɩs Nɩaa 4:30 - WƖA TENIŊ

³⁰ Má sɩ́ leŋe dɩ Wɩa Dɩŋ-zɔmʋŋ tʋɔŋ chei. Ʋ nɛ Wɩa joŋo hɛ ma lɛ, ʋ ŋaa magɩlɩŋ ma lɛ a dagɛ arɩ Wɩa jaŋ laama ta tapʋlɩɩ-la Kirisito sɩ́ jaŋ mɩɩra kɔ.

Ɛfɛsɩs Nɩaa 4:30 ပူးပေါင်းရင်းမြစ်များ

WƖAA DƖ-SUOMUŊ 6:3

Ŋɩɩ nɛ La TƖƖNA bʋl, “Mɩ bɩ jaŋ leŋ dɩ mɩ Dɩma-la hɛ nuhuobiine lɛ deeŋ deeŋ. Ʋ yaraa wʋŋaalaa nɛ ʋ tuto. Ʋ jɩsɩŋ jaŋ ŋaa zɔlɔ arɩ mara.”

WƖAA DƖ-SUOMUŊ 6:6

Ʋ tʋɔŋ chei arɩ ʋ sɩ ŋaa nuhuobiine ʋ hɛ dʋnɩa lɛ a ŋɩŋaa wʋbɔŋŋɔɔ. Wɩɩ-la wɩɩʋ woruŋ.

WƖA YƖƖLAA 78:40

Bʋa-la lɛ ba sɩ hɛ tintee-hɩlɩŋ lɛ, ba yie lɩɩ Wɩa harɩŋ nɛ a ŋaa ʋ tʋɔŋ chei.

WƖA YƖƖLAA 95:10

Mɩ na baanɩŋ jɩsɩŋ mahɩŋ balɩa nɛ ba nyuŋ a bʋl, “Nɩalɩŋ tʋɔbɩɩnaa kɛmba yeŋŋi nɛ, ba bɩ mɩ wombiee jɩŋ.”

AZAAYA 43:24

Ma bɩ kʋsʋɔrʋsʋŋ kaa kʋ pɩmɛ koo ma bɩ leŋe mɩ vɔgɛ ma Wɩɩsʋlʋŋ kɩaa nʋʋra lɛ. Ama ma joŋ ma wʋbɔŋŋɔɔ nɛ a nyagɛmɛ, a leŋ mɩ lɔl ma wʋcheelee lɛ.

AZAAYA 63:10

Ka ba vɩa ʋ niiŋ, aŋ ŋaa Wɩa Dɩŋ-zɔmʋŋ tʋɔŋ chei. Ŋɩɩ nɛ ʋ bɩrɩmɛ ba dʋndɔŋ a tɩtɩa sii chɩŋ ba lɛ a yuoba.

AZAAYA 7:13

Ŋɩɩ nɛ Azaaya ma bʋl, “Má jegili daha, kuoro Devit doho nɩaa, ma magɩsɛ nuhuobiine nɛ dɩ ma na ʋ kenyiri sɩ magɛ ŋɩɩ, ma saa chɛ dɩ ma magɩsɛ Wɩa ma a na ʋ kenyiri sɩ magɛ ŋɩɩ nɛɛ?

ƐZƖKƖƐL 16:43

Ŋ sɩ bɩ liise yi wɩalɩŋ mɩ fa sɩ ŋaa pɩŋ ŋ hambiiriŋ lɛ wɩaa, aŋ ŋaa wɩaa deemba kala a leŋ mɩ baanɩŋ sii, ŋɩɩ nɛ tɩɩ mɩ leŋ wɩalɩŋ kala ŋ sɩ ŋaa nyʋa ŋ nyuŋ lɛ ŋɩɩ. Mɩ-na ŋ TƖƖNA Wɩɩjarɩbakɔ pɩɛsɩŋ nɛ: Bɛɛ nɛ tɩɩ ŋ ŋaa hachɔrʋŋ wɩaa a pɛ disiŋ wɩalɩŋ kala mɩ sɩɩ kɩsʋ lɛ?

HOSIA 13:14

Mɩ time laaba dɩ sʋʋŋ sɩ́ ba wuoo? Mɩ laaba ta sʋʋŋ nɩsɩŋ lɛ? Sʋʋŋ, nɩɩ nɛ ŋ huoŋ hɛ? Lɛlɛɛ-jaŋ, nɩɩ nɛ ŋ huo-la sɩɩ chei nɩaa hɛ? Mɩ bɩ jaŋ fá ba nenige.

Maak 3:5

Ŋɩɩ nɛ Yesu na baanɩŋ ba nyuŋ a gɩɛnɛba. Ʋ tʋɔŋ chei a tɩŋ ba dɩgɩlɩŋ-bɩnɩɩ wɩaa. Ŋɩɩ nɛ ʋ bʋla pɩ na-sʋʋ-la tɩɩna, “Kɛŋ ŋ nɩsɩŋ tɩɛnɛ.” Ʋ kaa tɩɛnɛ. Ʋ nɩsɩ-la fɩɛlɛ a nagɛ ʋ nagɩŋ.

Luuk 21:28

Dɩ wɩaa deemba nɛ suomo a ŋɩŋaa, má sii chɩŋ a kɛŋ ma dɩgɩlaa wuoli, bɛɛ wɩaa bʋa-la lɛ Wɩa sɩ jaŋ laama ta yie nɛ.”

Jɔɔŋ 3:33

Nɩɩ-la kala sɩ sɛɩ ʋ niiŋ wɩalɩŋ jɩma arɩ Wɩa hɛ nɩmɛ nɛ a kɛŋ wʋtɩtɩɩ.

Tɩntɩŋŋaa 7:51

Ŋɩɩ nɛ Sɩtɩɩvɩŋ bʋl, “Ma nyuŋ dolie kɩŋkɛŋ nɛ. Ma dɩgɩlaa ma kparɩmɛ. Ma tʋɔŋ ma dol arɩ nɩalɩŋ sɩ bɩ Wɩa jɩŋ. Ma ma yie vɩa ma to Wɩa Dɩŋ-zɔmʋŋ lɛ, arɩ ma naabalɩmaba fa sɩ ŋaa ŋɩɩ.

Rom Tɩŋŋaa 8:11

Wɩa nɛ chɩsɛ Yesu sʋʋŋ lɛ. Dɩ ʋ Dɩŋ-zɔŋ-la nɛ hɛ ma lɛ, ʋ jaŋ chɩsɛ ma yara-la sɩ jaŋ pʋa sʋʋŋ lɛ dɩ ma kɛŋ mɩɩsɩŋ, arɩ ʋ sɩ chɩsɛ Yesu sʋʋŋ lɛ ŋɩɩ. Ʋ jaŋ to ʋ Dɩŋ-zɔŋ-la sɩ hɛ ma lɛ nɛ a ŋaa ŋɩɩ.

Rom Tɩŋŋaa 8:23

Dʋnɩa kɩaa dʋndʋŋa dee, ama la ma nɩalɩŋ Wɩa sɩ laa sɩpaaŋ joŋ ʋ Dɩŋ-zɔmʋŋ hɛ la lɛ, la maa huuni nɛ la tʋɔŋ lɛ dɩ ʋ kɛŋ la yaraa bɩrɩmɛ dɩ la chaasa ŋaa ʋ biiriŋ a laa yɩrɩŋ.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 15:54

Dɩ la yara-la sɩɩ pʋa nɛ dɩ ʋ ŋaa dɩ ba bɩra bɩ pʋa, dɩ la yara-la ma sɩɩ sʋʋ bɩra bɩ sʋʋ, ŋɩɩ daga arɩ wɩalɩŋ ba sɩ ŋmʋnsa Wɩa teniŋ tʋɔŋ sɛnɛ kʋ ŋaa wʋtɩtɩɩ nɛ. Ba bʋla, “La yuo dii sʋʋŋ nɛ.

1 Tɛsalonaaka Nɩaa 5:19

Wɩa Dɩŋ-zɔmʋŋ tɩntɩŋŋaa nagɛ nyiniŋ nɛ, má sɩ́ ʋ dɩsʋ.

Hiburu TƖŊŊAA 10:29

Dɩ ba nɛ fa yie ŋaa ŋ-la, ɛɛ nɛ saa ba jaŋ ŋaa nɩɩ-la sɩ bee gʋʋnɛ Wɩa Bie arɩ ʋ tuo kʋŋkala? Tɩɩna bɩra kɛŋ Yesu chal-la Wɩa sɩ kaa bil niiŋ ʋ dɩ nɩaa pɛgɛ kaa chei nɛ. Chal-la nɛ Wɩa fa kaa chɛsɛ tɩɩna disiniŋ kala ta ʋ kʋ ŋaa tʋɔpʋl tɩɩna. Dɩ tɩɩna bɩra tʋʋsɛ Wɩa Dɩŋ-zɔŋ-la fa sɩɩ pɛ ʋ lɛ, ʋ maga dɩ ba dɔgɩsʋ a kɩɩ nɩalɩŋ sɩ chei wɩalɩŋ Mosis fa sɩ ŋmʋnsa bil dɩ nɩaa tuto.

Hiburu TƖŊŊAA 3:10

Ŋɩɩ nɛ tɩɩ mɩ baanɩŋ sii nɩaa deemba kala nyuŋ, mɩ bʋl, ‘Ba tʋɔbɩɩnaa yie ŋaa ba yeŋŋi nɛ, ba bɩ mɩ wombiiŋ jɩŋ.’

Hiburu TƖŊŊAA 3:17

Kʋbɛɛba nyuŋ nɛ Wɩa fa na baanɩŋ jɩsɩŋ mahɩŋ balɩa ŋɩɩ? Ba nɛ nɩalɩŋ fa sɩ ŋaa wʋbɔŋŋɔɔ Wɩa leŋ ba sʋʋ tintee-hɩlɩŋ lɛ ŋɩɩ.

SƖPAALAARAA 10:16

Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.