Ɛfɛsɩs Nɩaa 4:29 - WƖA TENIŊ

²⁹ Má sɩ́ leŋe dɩ wʋbɔŋ kala lɩɩ ma niiŋ lɛ. Má bʋl wʋzɔmɔ-la sɩɩ jʋʋ nɩaa dɩgɩlaa bʋa-la lɛ sɩ maga, a leŋ dɩ wɩalɩŋ ma sɩɩ bʋl pɛ nɩalɩŋ sɩɩ jegili ba lɛ.

Ɛfɛsɩs Nɩaa 4:29 ပူးပေါင်းရင်းမြစ်များ

WƖA YƖƖLAA 45:2

Ŋ nɛ ŋaa baalaa tʋɔŋ nɩzɔmʋŋ. Wɩa lahɔrɩmɔ hɛ ŋ lɛ nɛ ŋ jɩŋ wɩaa bʋlʋŋ woruŋ, bɛɛ wɩaa ʋ pɛ ŋ lɛ nɛ a kaa mʋ wuu.

WƖA YƖƖLAA 5:9

Ba niiŋ wʋbʋlaa bɩ wʋtɩtɩɩ kɛnɛ. Ba yie chɩchɛ dɩ ba chei wɩaa nɛ. Ba wʋbʋlaa nagɛ bʋa-suruŋ sɩɩ sʋɔrɛ ŋɩɩ nɛ, ba bʋl wɩaa a nyɩnyɩsɛ nɩaa.

WƖA YƖƖLAA 52:2

Ŋ yie chɩchɛ wombiiŋ dɩ ŋ chei ŋ dɔnsʋŋ tɩŋŋaa nɛ, a gɔllɔ nyɩnyɩɛ wɩaa. Ŋ niiŋ wʋbʋlaa didii a nagɛ nyu-fʋna.

WƖA YƖƖLAA 71:24

Tapʋlɩɩ-la kala mɩ jaŋ bʋl tʋɔpʋl wɩalɩŋ ŋ sɩ ŋaa a pɩ nɩaa. Ŋ leŋe nɩalɩŋ sɩɩ chɛ dɩ ba ŋaa wʋbɔŋŋɔɔ mɩ lɛ dii hɩɩsɩŋ nɛ, ba wɩaa vʋgʋmɛ.

NAMAGABA 12:13

Nɩbɔmʋŋ wʋbɔŋ wʋbʋlʋŋ nɛ kɛnʋ, ama tʋɔpʋl tɩɩna-na yie fá lɩɩ wʋjʋʋlaa lɛ nɛ.

NAMAGABA 15:23

Dɩ nʋʋ nɛ pɩɛsɛ wɩɩ dɩ ŋ dagɛ ʋ bʋbʋɔŋ pʋ, ʋ tʋɔŋ yie tɔrɛ nɛ. Ʋ ŋaa wʋzɔŋ nɛ dɩ nʋʋ nɛ bʋl wɩɩ bʋa-la sɩ maga dɩ ʋ bʋl lɛ.

NAMAGABA 15:7

Wʋjɩnna wʋbʋlʋŋ nɛ yie leŋ wʋjɩmɩŋ pʋrɩgɛ leriŋ, ama nɩyaarɩŋ-na tʋɔbɩɩnaa bɩ ŋɩɩ naga.

NAMAGABA 16:21

Wʋjɩŋ tɩɩna nɛ baa yɩrɛ nʋʋ sɩ jɩŋ wɩaa sɩaa. Wʋbʋl sɩŋŋaa nɛ yie leŋ nɩa sɛɩ wɩɩŋ.

TƖƖCHA 10:12

Wʋjɩnna wʋbʋlaa yie leŋ ba zilu nɛ, ama nɩyaarɩŋ-na wʋbʋlaa yie chei ʋ tɩtɩa nɛ.

AZAAYA 50:4

La TƖƖNA Wɩɩjarɩbakɔ joŋ nɩaa dagɩŋ doluŋ pɩmɛ nɛ, dɩ mɩ bʋl wɩaa a leŋ dɩ nɩalɩŋ nandaasɩŋ sɩ yʋɔra nyuŋ nyaasɛ. Chʋchʋa na-kala, ʋ yie chɩsɛmɛ nɛ a leŋ mɩ cho dɩ mɩ nɩɩ wɩalɩŋ ʋ sɩɩ chɛ ʋ dagɛmɛ.

Matiu 5:16

Ŋɩɩ tɩtɩa nɛ ma maga dɩ ma chaanɛ nɩaa teeŋ, dɩ ba wuo na wʋzɔmɔ-la ma sɩɩ ŋaa a dɛnnɛ ma Nyɩmma sɩ hɛ Wɩa-jaŋ lɛ.

Luuk 4:22

Ŋɩɩ nɛ nɩaa kala tʋɔŋ tɔrɛ ʋ nyuŋ. Wʋzɔmɔ-la kala ʋ sɩ bʋla pɩba ŋaaba wʋkpuŋkpere. Ba pɩpɩɛsɛ dɔŋɔ, “Josɛf bile dee ŋ-laa?”

Jɔɔŋ 1:37

Ʋ harɩ-tooro-la balɩa nɩɩ ʋ sɩ bʋl wɩɩŋ deeŋ a to Yesu harɩŋ.

Rom Tɩŋŋaa 14:19

Má saa leŋ dɩ la bɩbɩɩnɛ wɩalɩŋ sɩ jaŋ leŋ dɩ la kɛŋ nii-bala, a wuo pɩpɛ dɔŋɔ lɛ a kɛŋ doluŋ.

Rom Tɩŋŋaa 15:2

Má leŋ dɩ la kʋŋkala ŋaa dɩ ʋ dɔŋɔ tɩɩna tʋɔŋ tɔrɛ, dɩ la pɛ ʋ lɛ ŋɩɩ dɩ ʋ kɛŋ doluŋ a chɩŋ ʋ wɩalɩŋ ʋ sɩ laa dii lɛ.

1 Kɔrɩntɩ Nɩaa 14:19

Ama dɩ la nɛ kʋ hilimi a chʋchʋɔlɛ Wɩa, mɩ jaŋ cho dɩ mɩ kɛŋ mɩ tʋɔbɩɩnaa bʋl wɩaa baŋmɛnɛ dɩ nɩaa jɩŋ ba bʋbʋɔŋ, a kɩɩ mɩ sɩ jaŋ bʋl wɩaa yʋgɛ yikoro-la nɩaa sɩ bɩ nɩɩ lɛ.

Ɛfɛsɩs Nɩaa 4:12

Ʋ pɩla doluŋ deeŋ dɩ Wɩa nɩaa wuo kaa tɩŋ Wɩa tɩntɩŋŋaa, a wuo pɛ nɩalɩŋ sɩ laa Yesu wɩaa dii aa hilimi lɛ dɩ ba waa wɩalɩŋ lɛ.

Ɛfɛsɩs Nɩaa 4:16

Ʋ sɩ ŋaa la kala nyuŋ ŋɩɩ, dɩ nandaasɩ-la kala nɛ mɛrɛ dɔŋɔ lɛ a tɩtɩŋ ba tɩntɩŋŋaa woruŋ, yara-la jaŋ waa a tɩŋ ba sɩ cho dɔŋɔ.

Koloosi Nɩaa 4:6

Má leŋ dɩ ma wʋbʋlaa kala sɩŋ a kɛŋ bʋbʋɔŋ, dɩ ma wuo jɩŋ ŋɩɩ ma sɩ jaŋ to a chaarɛ nʋʋkala wɩaa sɩaa pʋ.

1 Tɛsalonaaka Nɩaa 5:11

Ŋɩɩ wɩaa, má bʋl wɩaa a nyɩnyaasɛ dɔŋɔba nyuŋ, a pɩpɛ dɔŋɔ lɛ dɩ ma wasa waa Wɩa wɩaa lɛ, arɩ ma sɩ vɛnɛɛ ŋaa ŋɩɩ.

1 Pɩɩta 2:12

Ma sɩ guoli nɩalɩŋ sɩ bɩ Wɩa wɩaa laa dii tʋɔŋ, má kɛŋ ma tɩtɩa woruŋ, dɩ ba sɩ́ wombiiŋ na a bʋl arɩ ma ŋaa nɩbɔmɔ nɛ. Dɩ ba nɛ bʋla arɩ maa ŋaa wʋbɔŋŋɔɔ ma, má leŋ dɩ ba na wʋzɔmɔ-la ma sɩɩ ŋaa, a dɛnnɛ Wɩa dɩ ʋ yɩrɩŋ yɩrɛ tapʋlɩɩ-la ʋ sɩ jaŋ dii nɩaa sarɩya.

1 Pɩɩta 3:1

Ŋɩɩ tɩtɩa nɛ ma haalaa, má kɛŋ ma tɩtɩa muuri a tuto ma balaba niiŋ. Dɩ kʋŋ bala nɛ bɩ Wɩa wʋzɔmɔ-la laa dii, ʋ bala-la jaŋ wuo bɩrɩma lɩɩ ʋ wʋŋaalaa lɛ a laa Wɩa wʋzɔmɔ-la dii, dɩ haal-la nɛ paala bɩ Wɩa wʋzɔmɔ-la bʋla pʋ ma,

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.