Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛfɛsɩs Nɩaa 4:25 - WƖA TENIŊ

25 Ŋɩɩ wɩaa, má bɩra sɩ́ wɩaa nyɩnyɩa. Má leŋ dɩ nʋʋkala bʋl wʋtɩtɩɩ a pɩ ʋ dɔŋɔ tɩɩna, bɛɛ wɩaa la kala nagɛ nandaasɩŋ nɛ a kʋ mɛrɛ dɔŋɔ lɛ a ŋaa kʋbala.

အခန်းကိုကြည့်ပါ။ ကော်ပီ




Ɛfɛsɩs Nɩaa 4:25
42 ပူးပေါင်းရင်းမြစ်များ  

Wɩa wʋlaabʋllʋ-hɩaŋ-la sɩ, “Mɩ ma ŋaa Wɩa wʋlaabʋllʋ nɛ. Wɩa tɩndaara bʋla pɩmɛ nɛ arɩ La TƖƖNA sɩ, ‘Kɛnʋ mɩɩra mʋ ŋ dɩa dɩ ʋ dii kɩaa aŋ nyʋa lɩɩŋ.’ ” Ama baal-la faa nyɩɛ nɛ.


Leŋ mɩ dɩ wʋnyɩɛrɩŋ pɛgɛ bol, fá mɩ nenige aŋ dagɛmɛ ŋ wombiee.


See nɩalɩŋ sɩɩ to ŋ niiŋ a ŋɩŋaa wɩalɩŋ sɩ maga dɩ baa ŋaa, a bʋbʋl wʋtɩtɩɩ arɩ ba tʋɔŋ kala,


Ŋ cho wʋbɔmʋŋ nɛ a kɩɩ wʋzɔmʋŋ, a cho wʋnyɩɛrɩŋ ma a kɩɩ wʋtɩtɩɩ.


Má pɔ ma sɩ́ wɩaa nyɩɛ pɩ nɩaa. Má pɔ dɩ ma sɩ́ nɩɩ-la sɩ bɩ wɩɩ cheye kpʋ. Dɩ nʋʋ nɛ chei wɩɩ, mɩ bɩ jaŋ leŋu pɛɩ.


Wʋtɩtɩɩ wʋpɛ-naara yie bʋl wʋtɩtɩɩ nɛ sarɩya dɩ-diiliŋ, ama wʋnyɩɛrɛ wʋpɛ-naara-na yie nyɩɛ wɩaa nɛ.


Nɩɩ-la sɩ kɛŋ wʋtɩtɩɩ bɩ dɩdɛrɩ kɛnɛ, ama nɩɩ-la sɩɩ nyɩɛ wɩaa-na bɩ jaŋ dieni aŋ lɛl.


La Tɩɩna bɛrɛ wʋnyɩɛraa nɛ woruŋ, ama ʋ cho nɩalɩŋ sɩ kɛŋ wʋtɩtɩɩ.


Dɩ ŋ nɛ gɩrɩma a dʋa kɩaa, ba nagɛ nyʋɔsʋŋ nɛ, aŋ bɩra ŋaa bɛrɛ́ ma sɩ jaŋ leŋ dɩ ŋ sʋʋ.


Sɩ́ nʋʋ yɩrɩŋ chei pɩ ŋ dɔŋɔ tɩɩna dɩ ŋ nɛ jɩma ʋ bɩ wɩɩ cheye. Sɩ́ wɩaa nyɩa pʋ.


Nɩalɩŋ sɩɩ dagɛ ba tɩtɩa, nɩalɩŋ sɩɩ nyɩɛ wɩaa, nɩalɩŋ sɩɩ kpʋ nɩaa sɩ bɩ wɩɩ cheye,


Wʋtɩtɩɩba nɛ mɩ bʋbʋl, mɩ bɛrɛ wʋbɔŋŋɔɔ bʋlʋŋ nɛ.


Ʋ fa sɩ, “Ba ŋaa mɩ nɩaa nɛ, ba jaŋ kɛŋ wʋtɩtɩɩ mɩ teeŋ.” Ŋɩɩ nɛ ʋ laaba ta.


Ba nɩhɩasɩŋ arɩ ba nɩbala-la nɛ ŋaa nyuŋ-la, Wɩa wʋlaabʋlla-la ma sɩɩ nyɩɛ wɩaa nɛ ŋaa bʋbʋɔ-doho-la.


Ma yie ŋmɩɛsa hɩhɛ nɩaa lɛ, a nyɩnyɩɛ wɩaa, a kpʋkpʋ nɩaa, a gɩgaa nɩaa kɩaa, a ŋɩŋaa hachɔrʋŋ arɩ bachɔrʋŋ wɩaa ma. Ma yie ŋaa wɩalɩŋ kala ba sɩ sɩ dɩ ma sɩ́ ŋaa nɛ, a kpʋ nɩaa tɩtɩgɛ dɔŋɔ lɛ.


Má sɩ́ gaa. Má sɩ́ wɩaa nyɩa. Má sɩ́ dɔŋɔba ma nyɩsʋ.


Wɩalɩŋ sɩ maga dɩ ma ŋaa nɛ ŋ-la: Má bʋl wʋtɩtɩɩ a pɩpɩ dɔŋɔ. Ma sarɩya dɩ-diilee, má to wʋtɩtɩɩ sɩ jaŋ leŋ dɩ ma hɔŋ arɩ fɩɛlɩŋ.


Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma sɩ yie vɔɔ niiŋ chɛŋ-nɛsɛ, chɛŋ-nɔŋ, chɛŋ-pɛɩ arɩ chɛŋ-fii lɛ ŋɩɩ, ba jaŋ ŋaa jʋɔsa tapʋlɩa arɩ tʋɔtɔrɛ gbielee a pɩ ma Juda nɩaa. Ŋɩɩ wɩaa má cho wʋtɩtɩɩ, a hɔŋ arɩ fɩɛlɩŋ.”


Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.


Ŋɩɩ tɩtɩa nɛ la ma nagɛ. La yʋga nɛ, aŋ ka la kala mɛrɛ Kirisito lɛ a ŋaa kʋbala. La ŋaa nɩ-dabaŋ dabamba nɛ a mɛrɛ dɔŋɔ lɛ a ŋaa yarɩ-bala.


La yʋga ma nɛ, ama boroboro bala nɛ la yie kaa kpaa dɔŋɔ a didii. Ŋɩɩ wɩaa, la kala ŋaa kʋbala nɛ.


Mɩ bigisi ma lɛ nɛ ʋ sɩpaaŋ, ma ma bɩ leŋe hɩɩsɩŋ diimi, wɩalɩŋ kala la sɩ bʋla pɩ Taatɩs a tɩgɛ ma lɛ sɩ ŋaa wʋtɩtɩɩba ŋɩɩ. Ŋɩɩ tɩtɩa nɛ wɩalɩŋ kala la sɩ bʋla pɩma sɛnɛ ŋaa wʋtɩtɩɩ.


Ama ʋ maga dɩ la cho dɔŋɔ a bʋl wʋtɩtɩɩ pɩpɩ dɔŋɔ bʋa na-kala. Dɩ la nɩɩ ŋaa ŋɩɩ, la jaŋ wuo waa Wɩa wɩaa lɛ a kʋ nagɛ Kirisito sɩ nagɛ ŋɩɩ. Nɩalɩŋ sɩ laa Yesu wɩaa dii aa hilimi nagɛ nuhuobiine nandaasɩŋ nɛ. Kirisito nɛ ŋaa ba nyuŋ.


Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.


Dɩ nʋʋ nɛ ŋaa wɩɩ jʋʋ ma lɛ, má sɩ́ joŋo hɛ ma tʋɔŋ lɛ. Má sɩ́ tɛrʋ, má sɩ́ baanɩŋ na. Má sɩ́ goŋ ŋaa nɩaa nyuŋ. Má sɩ́ nɩaa yɩrɩŋ chichei. Má sɩ́ nʋʋkala bɛrʋ.


Kirisito yie ŋaa ŋɩɩ, bɛɛ wɩaa la ŋaa ʋ nandaasɩŋ nɛ a mɛrɛ ʋ yaraa lɛ.


Ama lɛɛlɛ ʋ maga dɩ ma joŋ wɩaa deemba kala ta. Ba nɛ ŋ-la: Baanɩŋ nanɩŋ, baanɩŋ joŋo fɩɩsɩŋ, wʋbɔŋŋɔɔ ŋaanɩŋ nɩaa lɛ, harɩ-gaaŋ arɩ wʋlɩɩlɩŋ bʋlʋŋ.


Má sɩ́ wɩaa nyɩɛ a pɩ dɔŋɔ, bɛɛ wɩaa ma joŋ ma faafaa mɛlɛ-la ma sɩ kɛnɛ ta nɛ


Ba bɩra ŋmʋnsɛ wɩaa deemba a pɩ balɩɩlɩŋ arɩ halɩɩlɩŋ nɛ, arɩ baala-la sɩ gɔllɔ tuu ba dɔŋɔba bʋbʋɔ-niiree, arɩ nɩalɩŋ sɩ gɔllɔ paa nɩaa biiriŋ a kaa faa lɛl. Ba bɩra ŋmʋnsɛ wɩaa deemba a pɩ wʋnyɩɛraa arɩ dansɩa wʋnyɩɛraa, arɩ nɩalɩŋ sɩ bɩ Wɩa wʋtɩtɩɩ-la ka to.


Ba fugo dɩdagɛ Wɩa wɩaa nɛ, ama ba ŋaa wʋnyɩɛra nɛ. Ba ŋaa tʋɔ-togi tɩmma nɛ.


Kiriiti nɩaa tʋɔŋ vʋgʋrʋ bʋl wɩaa a mʋ tɩgɛ ʋ nɩaa lɛ. Ʋ bʋla arɩ Kiriiti nɩaa kala ŋaa wʋnyɩɛraa nɛ a ŋaa nɩbɔmɔ, luobii tɩmma, aŋ pɛ kɛŋ yarɩwɩɩŋ ma.


Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.


La sɩ na dɩ nɩ-daŋ deeŋ gollila a ŋaa pɛ-naaraa a mʋ tɩgɛ ba sɩ laa Wɩa wɩaa laa dii lɛ, má leŋ dɩ la joŋ wɩalɩŋ kala sɩ nyagɛla bil ta, arɩ wʋbɔmɔ-la kala sɩ mɛrɛ la lɛ. Má leŋ dɩ la nyalɩmɛ a mʋmʋ sɩpaaŋ, a ŋaa wɩɩ-la Wɩa sɩ joŋo bil la sɩpaaŋ.


Ŋɩɩ wɩaa, má lɩɩsɛ ma tɩtɩa wʋbɔŋ wʋŋaalaa lɛ a vɩa wʋbɔmɔ-la kala sɩ gollima. Má kɛŋ ma tɩtɩa muuri Wɩa sɩpaaŋ a sɛɩ Wɩa niiŋ wɩalɩŋ ʋ sɩ dagɛma, wɩalɩŋ sɩ jaŋ wuo laama ta.


Ma sɩ kɛŋ mɩɩ-falɩŋ ŋɩɩ, má lɩɩsɛ ma tɩtɩa wʋbɔŋ kala lɛ, a sɩ́ nɩaa nyɩnyɩsʋ, a sɩ́ kanfugi tɩmma ŋaa. Má sɩ́ yarɩ-bieriŋ kɛŋ, a sɩ́ nɩaa harɩŋ gɩgaa.


Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”


Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.


Ŋɩɩ nɛ Samɩsɩŋ bɩra bʋl, “Dɩ nʋʋ nɛ kɛŋ ŋmɛŋ-falaa ba ha sɩ bɩ kaa vɔɔ kɩaa aŋ ka a chaasa vɔɔmɛ woruŋ, mɩ jaŋ pʋgʋmɛ a nagɛ nʋʋ dɔŋ kala.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ