Ɛfɛsɩs Nɩaa 4:24 - WƖA TENIŊ

²⁴ Má leŋ dɩ tʋɔbɩɩŋ falɩa-la nagɛ gɛrɩŋ ma sɩ laala. Wɩa ŋaama dɩ ma nagʋ nɛ a kɛŋ tʋɔpʋla ʋ sɩpaaŋ a sɩ́ disiniŋ kɛŋ.

Ɛfɛsɩs Nɩaa 4:24 ပူးပေါင်းရင်းမြစ်များ

WƖAA DƖ-SUOMUŊ 5:1

Adam doho nɩaa naasɩŋ nɛ ŋ-la. Wɩa sɩ ŋaa nuhuobiine, ʋ ŋaaʋ ʋ nagɛ ʋ-na Wɩa tɩtɩa nɛ.

JOB 29:14

Tʋɔpʋla nagɛ gɛrɩŋ nɛ mɩ joŋo laalɛ. Wʋtɩtɩɩ nɛ fa ŋaa mɩ gɛrɩŋ arɩ mɩ nyu-bɛlɛ.

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

AZAAYA 59:17

Tʋɔpʋla nɛ ŋaa ʋ laalɩyuori bɔɩ-tɔrɛ kʋa, nɩaa laatanɩŋ ma nɛ ŋaa ʋ nyunchu-gbaŋkogo. Ʋ baanɩŋ ʋ sɩ jaŋ joŋo tiŋ nɩaa lɛ ma nagɛ gɛrɩŋ ʋ joŋo laalɛ. Tʋɔ-la ma ʋ sɩ kɛnɛ dɩ ʋ ŋaa ŋɩɩ nagɛ gɛrɛ-bɔsɔ nɛ ʋ baagɛ.

Luuk 1:75

Ŋɩɩ lɛ nɛ la jaŋ to a ŋaa nɩa sɩ bɩ disiniŋ kɛnɛ, a kɛŋ tʋɔpʋla ʋ teeŋ la mɩɩsɩŋ kala lɛ.”

Jɔɔŋ 17:17

Ŋ niiŋ wɩaa ŋaa wʋtɩtɩɩba nɛ. Dagɛba, dɩ ba bɩra sɩ́ disiniŋ kɛŋ.

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

Rom Tɩŋŋaa 13:12

Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ.

Rom Tɩŋŋaa 13:14

Má leŋ dɩ Yesu Kirisito nɛ ŋaa ma laalɩyuori kɩaa, aŋ sɩ́ ma yaraa tʋɔtɔrɛ wʋŋaalaa lɛ to.

Rom Tɩŋŋaa 6:4

Ba sɩ fola Wɩɩchʋɔlɛ lɩɩŋ ŋɩɩ, ʋ naga la dɩ ʋ kala sʋba nɛ ba joŋo hugi, dɩ ŋɩɩ wuo leŋ dɩ la kɛŋ mɩɩ-falɩɩ a nagɛ Wɩa doluŋ lɛ ʋ sɩ chɩsɛ Kirisito sʋʋŋ lɛ ŋɩɩ ʋ kɛŋ mɩɩsɩŋ.

Rom Tɩŋŋaa 7:6

Ama lɛɛlɛ Wɩa lɩɩsɛla wɩalɩŋ Mosis fa sɩ bile lɛ dɩ nɩaa tuto lɛ nɛ. La tʋɔtɔrɛ wʋŋaalɩa-la fa kɛnla kaa ŋaa yosu nɛ. Ba lɛ nɛ la sʋʋ. Lɛɛlɛ la wuo tuto wombii dɔŋ nɛ, a tɩŋ tɩntɩŋŋaa aa pɩ Wɩa. Wɩa Dɩŋ-zɔŋ-la nɛ dagɛla ŋɩɩ, wɩalɩŋ Mosis fa sɩ ŋmʋnsa bil dɩ nɩaa tuto dee.

Rom Tɩŋŋaa 8:29

Nɩalɩŋ Wɩa sɩ laa sɩpaaŋ lɩɩsɛ, ʋ lɩɩsɛba dɩ ʋ kɛmba bɩrɩmɛ dɩ ba nagɛ ʋ tɩtɩa Bie nɛ, a leŋ ʋ Bie ŋaa ba kala kʋhɩaŋ.

1 Kɔrɩntɩ Nɩaa 15:53

Wɩa jaŋ kɛŋ yara-la sɩɩ pʋa kaa bɩrɩmɛ dɩ ba bɩra sɩ́ pʋa. Ŋɩɩ tɩtɩa nɛ la yara-la ma sɩɩ sʋʋ, ʋ jaŋ kɛmba kaa bɩrɩmɛ, dɩ ba sɩ́ sʋʋ.

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 4:16

A tɩŋ wɩɩŋ deeŋ wɩaa la nandaasɩŋ bɩ yʋɔrɛ. Yara-la la sɩ kɛnɛ la mɩɩsɩŋ deeŋ lɛ, ʋʋ hɩɛsɛ nɛ, ama la dɩnsɩŋ-na wasa zʋzɔŋ nɛ tapʋlɩɩ kala.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

Galiisia Nɩaa 3:27

Ma nɩalɩŋ kala ba sɩ fo Wɩɩchʋɔlɛ lɩɩŋ Kirisito yɩrɩŋ lɛ, ma kala nagɛ Kirisito nɛ.

Galiisia Nɩaa 6:15

Ʋ bɩ wɩɩ kɛnɛ dɩ la keri la penee koo dɩ la bɩ kere. Wɩɩ-la sɩ ŋaa sɩɩfɩaŋ wɩɩ nɛ, dɩ la bɩrɩmɛ a kɛŋ mɩɩ-falɩɩ-la.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Ɛfɛsɩs Nɩaa 2:15

Ʋ sɩ sʋba ŋɩɩ, ʋ leŋe wɩalɩŋ Mosis fa sɩ bile dɩ nɩaa tuto arɩ wɩalɩŋ ʋ sɩ daga bɩra bɩ doluŋ kɛnɛ. Ʋ ŋaa ŋɩɩ dɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala to ʋ lɛ nɛ a bɩrɩmɛ nɩfalɩa a sɩŋ.

Ɛfɛsɩs Nɩaa 6:11

Má paa ma bayuori kɩalɩŋ Wɩa sɩ joŋo pɩma laalɛ, ŋɩɩ nɛ ma jaŋ wuo pɔ dɩ Sɩtaanɩ sɩ́ wuo kɛŋ ʋ badɛ wɩaa nyɩsɛma.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 1:8

Ama ʋ sɩ bʋl wɩaa a tɩgɛ ʋ Bie lɛ, ŋ-la nɛ ʋ bʋl: Ʋ sɩ, “Ŋ ŋaa Wɩa nɛ, ŋ kuoruŋ jaŋ hɛ nɩmɛ a kaa mʋ deeŋ deeŋ. Tʋɔpʋla nɛ ŋ jaŋ kaa beŋ ŋ nɩaa.

Hiburu TƖŊŊAA 12:14

Má hɛ ma doluŋ kala aŋ loo chɩchɛ dɩ ma dɩ nʋʋkala kɛŋ nii-bala, a bɩra loo chɩchɛ dɩ ma sɩ́ disiniŋ kɛŋ. Dɩ ma nɛ bɩ disiniŋ kɛnɛ, ma jaŋ wuo na Wɩa.

1 Pɩɩta 2:2

Ʋ maga dɩ ma chɩchɛ Wɩa niiŋ wɩalɩŋ nɛ a nagɛ bii-mulluŋ sɩɩ chɛ yɩlɩŋ ŋɩɩ. Dɩ ma nɩɩ chɛ Wɩa wɩaa ŋɩɩ, ma jaŋ waa woruŋ ba lɛ, a mʋ yi tapʋlɩɩ-la Wɩa sɩ jaŋ laama ta.

2 Pɩɩta 1:4

Wɩaa deemba kala lɛ nɛ Wɩa to a ŋaa wʋbal-la ʋ fa sɩ sɩ ʋ jaŋ ŋaa pɩla. Wɩalɩŋ zɔmɔ kɩŋkɛŋ la teeŋ. Ʋ joŋ wɩaa deemba pɩla dɩ la wuo lɩɩsɛ la tɩtɩa wʋbɔmɔ-la dʋnɩa nɩaa sɩɩ to ba tʋɔtɔrɛ wʋŋaalaa lɛ a ŋɩŋaa, ka dɩ la kʋ nagɛ ŋɩɩ Wɩa sɩ naga.