Ɛfɛsɩs Nɩaa 4:23 - WƖA TENIŊ

²³ Má leŋ dɩ Wɩa kɛŋ ma tʋɔbɩɩnaa kala bɩrɩmɛ dɩ ba ŋaa kʋfalɩa.

Ɛfɛsɩs Nɩaa 4:23 ပူးပေါင်းရင်းမြစ်များ

WƖA YƖƖLAA 51:10

Mɩ Wɩa, leŋ dɩ mɩ kɛŋ tʋɔpʋla, a wasa chɩŋ mɩ wʋtɩtɩɩ naaŋ lɛ.

ƐZƖKƖƐL 11:19

Mɩ jaŋ leŋ dɩ ba kɛŋ tʋɔ-bala a tutomi, a pɩba dɩŋ-falɩŋ. Mɩ jaŋ lɩɩsɛ tʋɔ-dol-la sɩ nagɛ tabɩɩŋ a hɛ ba lɛ ta, aŋ pɩba tʋɔ-la sɩ pʋnyɛ.

ƐZƖKƖƐL 18:31

Má lɩɩsɛ ma tɩtɩa wʋbɔmɔ-la ma sɩɩ ŋaa lɛ, aŋ ka dɩ mɩ pɩma tʋɔ-falɩŋ arɩ dɩŋ-falɩŋ. Bɛɛ nɛ tɩɩ ma Iziral tɩŋŋaa cho dɩ ma sʋba?

ƐZƖKƖƐL 36:26

Mɩ jaŋ pɩma tʋɔ-falɩŋ, a joŋ dɩŋ-falɩŋ ma hɛ ma lɛ. Mɩ jaŋ lɩɩsɛ tʋɔ-dol-la ma sɩ kɛnɛ sɩ nagɛ tabɩɩŋ ta, aŋ pɩma tʋɔ-la sɩ pʋnyɛ.

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

Rom Tɩŋŋaa 6:4

Ba sɩ fola Wɩɩchʋɔlɛ lɩɩŋ ŋɩɩ, ʋ naga la dɩ ʋ kala sʋba nɛ ba joŋo hugi, dɩ ŋɩɩ wuo leŋ dɩ la kɛŋ mɩɩ-falɩɩ a nagɛ Wɩa doluŋ lɛ ʋ sɩ chɩsɛ Kirisito sʋʋŋ lɛ ŋɩɩ ʋ kɛŋ mɩɩsɩŋ.

Rom Tɩŋŋaa 8:6

Dɩ la nɛ joŋ la nyuŋ a hɛ la yaraa wʋŋaalaa lɛ, la jaŋ sʋʋ, ama dɩ la nɛ joŋ la nyuŋ a hɛ Wɩa Dɩŋ-zɔŋ-la wʋŋaalaa lɛ, la jaŋ kɛŋ mɩɩsɩŋ a hɔŋ arɩ yarɩfɩɛlaa,

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Koloosi Nɩaa 3:10

aŋ lɛɛlɛ tuto mɛl-falɩɩ-la sɩ zɔmɔ. Wɩa leŋe ma waa mɛl-falɩŋ deeŋ lɛ nɛ dɩ ma wuo jɩŋ ʋ wɩaa woruŋ a kʋ nagɛ ʋ tɩtɩa nagɩsɩŋ.

Taatɩs 3:5

a laala ta. Ʋ bɩ naga arɩ la sɩ ŋaa tʋɔpʋl tɩmma nɛ tɩɩ ʋ laala ta. Ama ʋ sɩɩ fá nɩaa nenige nɛ tɩɩ ʋ laala ta. Ʋ laala ta nɛ, bɛɛ wɩaa ba fola Wɩɩchʋɔlɛ lɩɩŋ nɛ Wɩa Dɩŋ-zɔmʋŋ doluŋ lɛ. Ŋɩɩ dagɛ arɩ Wɩa bɩra wasa lʋlla nɛ, la kɛŋ mɩɩ-falɩŋ ʋ teeŋ.

1 Pɩɩta 1:13

Ŋɩɩ wɩaa, má kɛŋ ma tʋɔbɩɩnaa hɛ dɔŋɔ lɛ a ŋaa siri dɩ ma tɩŋ. Má kɛŋ ma tɩtɩa woruŋ, a joŋ ma yɩɛlaa kala hɛ kʋ-la Wɩa sɩ jaŋ joŋo pɩma lɛ bʋa-la Yesu Kirisito sɩ jaŋ mɩɩra kɔ.