Ɛfɛsɩs Nɩaa 4:22 - WƖA TENIŊ

²² Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.

Ɛfɛsɩs Nɩaa 4:22 ပူးပေါင်းရင်းမြစ်များ

JOB 22:23

Dɩ ŋ nɛ mɩɩra kɔ La TƖƖNA doluŋ kala Tɩɩna teeŋ, ʋ jaŋ leŋ dɩ ŋ bɩra nagɛ ŋɩɩ ŋ fa sɩ naga. Dɩ ŋ nɛ leŋe dɩ wʋbɔmɔ-la kala sɩɩ ŋaa ŋ dɩa lɛ dɛrɛ,

NAMAGABA 11:18

Nɩbɔŋŋɔɔ time bɩ kʋtɩtɩɩ ŋaa, ama nɩalɩŋ sɩɩ ŋaa tʋɔpʋl wɩaa nɛ jaŋ laa kʋtɩtɩɩba.

JƐRƖMAAYA 17:9

Nuhuobiine tʋɔŋ nɛ jaŋ wuo nyɩsɛ nɩa a kɩɩ kʋŋkala. Ʋ ŋaa kʋŋ nʋʋ sɩ bɩ wuo tɩɩbɛ nɛ. Kʋbɛɛ nɛ jaŋ wuo jɩŋ nuhuobiine tʋɔŋ wɩaa sɩaa?

JƐRƖMAAYA 49:16

Fawʋllɩɩ-la ma sɩ joŋo hɛ nɩaa lɛ arɩ ma babii-ballɩɩ-la nyɩsɛma nɛ. Ma hɛ bʋsʋŋ nyu-gbaŋa nɛ, a hɔŋ dundolluŋ nyuŋ. Ma hɛ wɩa-nyuŋ dɩ-bolii ma nɛ a nagɛ kachuuŋ, ama mɩ jaŋ lɛrɛma lɩɩ nɩmɛ a kʋ tʋʋ. Mɩ-na ma TƖƖNA nɛ bʋla.

OBADAAYA 1:3

Ŋ babii-ballɩŋ nyɩsɩŋ nɛ, ŋ sɩ hɔŋ bʋŋ nyuŋ ŋɩɩ, ŋ dɩa hɛ peelee nyuŋ dɩ-bolii, ŋ bʋl ŋ tʋɔŋ lɛ, ‘Kʋbɛɛ nɛ jaŋ wuo sorimi kʋ tʋʋ tinteeŋ?’

Rom Tɩŋŋaa 6:6

La jɩma arɩ ba sɩ kɛŋ Kirisito kpaasɛ daagɛsɛ nyuŋ ŋɩɩ ʋ sʋʋ, ba kpaasʋ arɩ la wʋbɔŋŋɔɔ kala nɛ. Ʋ ŋaa ŋɩɩ a wuo yuo dii dol-la la fa sɩ kɛnɛ a ŋɩŋaa wʋbɔŋŋɔɔ nɛ, dɩ la bɩra sɩ́ wʋbɔŋŋɔɔ yosu ŋaa.

Rom Tɩŋŋaa 7:11

Wɩalɩŋ Mosis fa sɩ ŋmʋnsa bil dɩ nɩaa tuto sɩ hɛ nɩmɛ ŋɩɩ, wʋbɔŋŋɔɔ na wombiiŋ dɩ ʋ nyɩsɛmɛ a hɛ sʋʋŋ bʋa lɛ.

2 Kɔrɩntɩ Nɩaa 11:3

Ama fawʋllʋŋ kɛmmɛ nɛ, dɩ ba sɩ kʋ nyɩsɛma dɩ ma sɩ́ Kirisito to arɩ tʋɔ-bala arɩ wʋtɩtɩɩ. A nagɛ dɩmɩŋ fa sɩ kɛŋ ʋ wʋjɩmɩŋ a nyɩsɛ Hawa ŋɩɩ.

Galiisia Nɩaa 1:13

Ma nɩɩ ŋɩɩ mɩ fa sɩ naga bʋa-la lɛ mɩ sɩɩ to Juu tɩŋŋaa Wɩɩ-chʋɔlʋŋ wombiiŋ nɛ. Ma nɩɩ ŋɩɩ mɩ fa sɩ to naasɩŋ a dɔgɩsɛ nɩalɩŋ sɩ laa Yesu wɩaa dii aa hilimi nɛ. Mɩ ŋaa mɩ kukeri kala nɛ dɩ mɩ chei ba tɩntɩŋŋaa.

Ɛfɛsɩs Nɩaa 2:3

La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.

Ɛfɛsɩs Nɩaa 4:17

La Tɩɩna yɩrɩŋ lɛ mɩɩ chɛ dɩ mɩ bʋl wɩɩ nɛ pɩma arɩ sɩɩfɩɛsɩŋ. Má sɩ́ leŋe dɩ ma wʋŋaalaa nagɛ nɩalɩŋ sɩ bɩ Wɩa jɩŋ. Wɩalɩŋ kala ba sɩɩ bɩɩnʋ ŋaa wʋpɛɩba nɛ.

Ɛfɛsɩs Nɩaa 4:25

Ŋɩɩ wɩaa, má bɩra sɩ́ wɩaa nyɩnyɩa. Má leŋ dɩ nʋʋkala bʋl wʋtɩtɩɩ a pɩ ʋ dɔŋɔ tɩɩna, bɛɛ wɩaa la kala nagɛ nandaasɩŋ nɛ a kʋ mɛrɛ dɔŋɔ lɛ a ŋaa kʋbala.

Ɛfɛsɩs Nɩaa 4:31

Dɩ nʋʋ nɛ ŋaa wɩɩ jʋʋ ma lɛ, má sɩ́ joŋo hɛ ma tʋɔŋ lɛ. Má sɩ́ tɛrʋ, má sɩ́ baanɩŋ na. Má sɩ́ goŋ ŋaa nɩaa nyuŋ. Má sɩ́ nɩaa yɩrɩŋ chichei. Má sɩ́ nʋʋkala bɛrʋ.

Koloosi Nɩaa 2:11

Ma dɩ Kirisito sɩ ŋaa kʋbala ŋɩɩ, ʋ naga arɩ ʋ keri ma penee nɛ, ʋ bɩ naga nuhuobiinee nɛ kere. Ʋ sɩ ŋaa ŋɩɩ nɛ leŋe ma wuo joŋ ma faafaa wʋbɔmɔ-la ta.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

Hiburu TƖŊŊAA 12:1

La sɩ na dɩ nɩ-daŋ deeŋ gollila a ŋaa pɛ-naaraa a mʋ tɩgɛ ba sɩ laa Wɩa wɩaa laa dii lɛ, má leŋ dɩ la joŋ wɩalɩŋ kala sɩ nyagɛla bil ta, arɩ wʋbɔmɔ-la kala sɩ mɛrɛ la lɛ. Má leŋ dɩ la nyalɩmɛ a mʋmʋ sɩpaaŋ, a ŋaa wɩɩ-la Wɩa sɩ joŋo bil la sɩpaaŋ.

Hiburu TƖŊŊAA 3:13

Ama má pɛ dɔŋɔ lɛ tapʋlɩɩ-na kala a lɩɩ jɩnɩŋ a kaa mʋmʋ, dɩ wʋbɔŋŋɔɔ sɩ́ wuo nyɩsɛ ma kʋŋkala a leŋ dɩ ma ŋaa sɩɩ-duo wɩaa Wɩa sɩpaaŋ.

Jeems 1:21

Ŋɩɩ wɩaa, má lɩɩsɛ ma tɩtɩa wʋbɔŋ wʋŋaalaa lɛ a vɩa wʋbɔmɔ-la kala sɩ gollima. Má kɛŋ ma tɩtɩa muuri Wɩa sɩpaaŋ a sɛɩ Wɩa niiŋ wɩalɩŋ ʋ sɩ dagɛma, wɩalɩŋ sɩ jaŋ wuo laama ta.

Jeems 1:26

Dɩ nʋʋ nɛ joŋ ʋ tɩtɩa arɩ ʋʋ to Wɩa nɛ, aŋ bɩ ʋ tɩtɩa kɛnɛ arɩ wɩalɩŋ ʋ sɩɩ bʋl lɛ, ʋʋ nyɩsɛ ʋ tɩtɩa nɛ. Ʋ Wɩɩ-chʋɔlʋŋ ŋaa pɛɩ nɛ.

1 Pɩɩta 1:18

Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.

1 Pɩɩta 4:3

Bumbuŋ-la kala lɛ ma faa ŋaa wɩalɩŋ nɩalɩŋ fa sɩ bɩ Wɩa jɩŋ sɩɩ ŋaa nɛ. Ma faa to ma tʋɔtɔrɛ wʋŋaalaa harɩŋ nɛ aa ŋaa wʋlɩɩlɩŋ, a chɩl ma yaraa wʋchɛɛlɛɛ wɩaa, a fa nyʋa sɩnɩŋ bubugi, a ŋɩŋaa wʋtɔɔnʋŋ, a yie gɔllɔ nyʋnyʋa sɩnɩŋ, a faa kpaarɛ vʋɩyaa ma, wɩalɩŋ Wɩa sɩɩ kɩsʋ.

2 Pɩɩta 2:13

Wʋbɔmɔ-la ba sɩɩ ŋaa nɩaa lɛ, Wɩa jaŋ joŋ wʋbɔmɔ-la chɩmɩŋ a tiŋ ba lɛ. Ba tʋɔtɔrʋŋ kala nɛ dɩ ba gɔllɔɔ ŋaa wʋlɩɩlɩŋ deemba ba bɩ kaa fɩfaa. Ba sɩɩ ŋaa ŋɩɩ, nɩaa yie chichei ma yɩrɩŋ a joŋ hɩɩsɩŋ aa hɛ ma lɛ. Ba yie guoli ma tʋɔŋ nɛ ma kala didii kɩaa, ama ba yie lɩɩ ma harɩŋ a ŋɩŋaa ba wʋlɩɩlɩŋ.

2 Pɩɩta 2:7

Baal kʋbala ba faa yɩrɛ Lɔt ma fa hɔŋ Sodom arɩ Gomora tinteeŋ nɛ a ŋaa tʋɔpʋl tɩɩna. Ʋ dʋndʋŋa nɛ Wɩa kaa lɩɩsɛ tasɩ-la tʋɔŋ. Nɩbɔmɔ-la wʋŋaalaa fa chei ʋ tʋɔŋ woruŋ.

1 SAMƲƐL 1:14

Ŋɩɩ nɛ ʋ bʋla pɩ Hana, “Ɛɛ nɛ ŋ chɛ dɩ ŋ bugo diene magɛ? Leŋ dɩ sɩŋ-la lɩɩ ŋ sɩaa lɛ.”