Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛfɛsɩs Nɩaa 4:21 - WƖA TENIŊ

21 Ma nɩɩ Yesu wɩaa nɛ, ba dagɛma wʋtɩtɩɩ-la kala sɩ mʋ tɩgɛ Yesu lɛ.

အခန်းကိုကြည့်ပါ။ ကော်ပီ




Ɛfɛsɩs Nɩaa 4:21
20 ပူးပေါင်းရင်းမြစ်များ  

To ŋ ballɩŋ lɛ a yuo dii a leŋ wʋtɩtɩɩ arɩ tʋɔpʋl wʋŋaalaa chɩŋ, dɩ nɩaa kɛŋ ba tɩtɩa muuri. Leŋ dɩ ŋ naduo-la ŋaa wʋkpuŋkperisiŋ.


Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”


Ŋɩɩ nɛ aŋ ka ʋ bɩra bʋla pɩ ʋ harɩ-tooro-la, “Nɩɩ-la kala sɩ jegile nɩɩ ma teeŋ, ʋ jegile nɩɩ mɩ ma teeŋ nɛ. Nʋʋkala sɩ vɩama, ʋ vɩa mɩ ma nɛ. Nɩɩ-la kala ma sɩ vɩamɛ, ʋ ma vɩa Nɩɩ-la sɩ tɩmmɛ nɛ.”


Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.


Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.


Ʋ jaŋ dɩdagɛma wʋtɩtɩɩ. Dʋnɩa nɩaa bɩ ʋ jɩŋ. Ba bɩ jaŋ wuo naʋ, ŋɩɩ nɛ tɩɩ ʋ bɩ jaŋ wuo hɛ ba lɛ. Ama ma-na jɩmʋ nɛ. Ʋ hɛ ma teeŋ nɛ. Ʋ saa jaŋ hɛ ma lɛ.


Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.


Ama dɩ ba nɛ bɩ ʋ wɩaa laa dii, ɛɛ nɛ ba jaŋ ŋaa a yɩrɛ ʋ yɩrɩŋ dɩ ʋ laaba ta? Dɩ ba nɛ bɩra bɩ ʋ wɩaa nɩa, ɛɛ nɛ ba jaŋ ŋaa laa ʋ wɩaa dii? Dɩ nʋʋ ma nɛ saa bɩ ʋ wɩaa bʋla pɩba, ɛɛ nɛ ba jaŋ wuo ŋaa nɩɩ?


Wɩa bʋla arɩ ʋ jaŋ ŋaa wɩaa yʋgɛ a pɩla. Ʋ jaŋ to Yesu lɛ nɛ a leŋ dɩ wɩalɩŋ kʋ ŋaa wʋtɩtɩɩ. Ŋɩɩ wɩaa nɛ tɩɩ, dɩ la nɛ chʋɔlɛ Wɩa dɛrɛ-na kala, la yie bʋl, “Yesu yɩrɩŋ lɛ, Amɩɩ.” La yie bʋl ŋɩɩ dɩ Wɩa yɩrɩŋ wuo yɩrɛ nɛ.


Mɩ kɛŋ Kirisito wʋtɩtɩɩ-la nɛ. Nʋʋkala tuo Akaaya tinteeŋ lɛ sɩ jaŋ bʋl dɩ mɩ sɩ́ mɩ tɩtɩa lɛ bigisu wɩɩŋ deeŋ lɛ.


Ma ma kʋ ŋaa Kirisito nɩaa nɛ bʋa-la lɛ ma sɩ nɩɩ Wɩa wɩalɩŋ sɩ ŋaa wʋtɩtɩɩba, Yesu wʋzɔmɔ-la sɩ laa nɩaa tɩta. Ma sɩ laa ʋ wɩaa dii ŋɩɩ, Wɩa joŋ ʋ Dɩŋ-zɔmʋŋ hɛ ma lɛ nɛ a magɩlɛma, kʋ-la ʋ fa sɩ sɩ ʋ jaŋ joŋo pɩ nɩalɩŋ sɩ laa ʋ wɩaa dii.


Kirisito nɛ kɔ a bʋl Wɩa wʋzɔmɔ-la sɩ kɛŋ fɩɛlɩŋ kʋkɔ a pɩ nɩalɩŋ arɩ Wɩa pɛgɛ fa sɩ bolie, arɩ nɩalɩŋ ma fa sɩ kpagɛ Wɩa kala.


Ma ŋaa ŋɩɩ a tɩŋ ma sɩɩ yɩɛlɛ kɩalɩŋ sɩ pɩna gbɛrɛma nɛ Wɩa-jaŋ lɛ. Ma nɩɩ wɩɩŋ deeŋ bʋa-la ma sɩ nɩɩ Wɩa wʋzɔmɔ-la sɩ ŋaa wʋtɩtɩɩ nɛ.


Wɩa wʋzɔŋŋɔɔ deemba tɩŋ tɩntɩŋ-zɔŋŋɔɔ nɛ leree yʋgɛ dʋnɩa lɛ. Nɩaa yʋga a laaba dii, ba pʋŋ lere-la arɩ ba sɩ pʋŋ ŋɩɩ ma lɛ. Ba pʋŋ ŋɩɩ ma lɛ a suomi bʋa-la lɛ ma sɩ jegile nɩɩ wʋzɔmɔ-la a sɛnɛ jɩŋ ŋɩɩ Wɩa sɩ pɛ ma lɛ ʋ lahɔrɩmɔ lɛ.


Má leŋ dɩ ma naapoloo sʋʋsa jʋʋ-ʋ woruŋ, dɩ ma wuo gʋnnɛ ʋ wɩaa a waa ba lɛ a chɩŋ wɩalɩŋ ma sɩ laa dii lɛ, arɩ ba sɩ dagɛ ma ŋɩɩ. Má faasa lʋlɔllɛ Wɩa woruŋ.


La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ