Ɛfɛsɩs Nɩaa 4:18 - WƖA TENIŊ

¹⁸ Birimiŋ tɔ ba wʋjɩmɩŋ nɛ. Ba bɩ jaŋ wuo na mɩɩsɩ-la Wɩa sɩ joŋo pɩ nɩaa, bɛɛ wɩaa ba bɩ wɩɩkala jɩŋ, ba dɩgɩlaa ma bɩ wɩaa ka nɩɩ.

Ɛfɛsɩs Nɩaa 4:18 ပူးပေါင်းရင်းမြစ်များ

WƖA YƖƖLAA 74:20

Liise yi nii-la sɩ hɛ la pɛgɛ. Nɩbɔmɔ-la sɩ cho yuosuŋ faa birimiŋ tʋɔŋ dʋnɩa loŋgoru kala lɛ nɛ.

AZAAYA 25:7

Peel-la nyuŋ, La TƖƖNA jaŋ giri tʋɔ-chee-la sɩ nagɛ duoŋ-bɩlɩmbaanɩŋ a keese tɔ tinteyee ta.

ƐZƖKƖƐL 14:5

Ŋɩɩ nɛ mɩ jaŋ ŋaa a kɛŋ Iziral tɩmma-la kala sɩ vɩamɛ aŋ kpʋkpaarɛ vʋɩyaa tʋɔbɩɩnaa bɩrɩmɛ dɩ ba tutomi.’

DANƖƐL 5:20

Ama Nebukadineza sɩ kʋ kɛŋ sɩɩ-duoŋ a bɩrɩmɛ babiibal, ʋ tʋɔŋ dol, Wɩa kɛŋ ʋ kuoruŋ laa nɛ, ʋ yɩrɩŋ dɩsɛ.

LEVI DOHO NƖAA 11:16

gʋra-nyilimi, hajaaŋkuŋkuŋ-la sɩ kɛŋ dɩgɩlaa, naliiribommie arɩ kɩl doho na-kala,

Matiu 13:15

bɛɛ wɩaa ba bɩ wʋjɩmɩŋ kɛnɛ Wɩa teeŋ, ba vɩa Wɩa niiŋ wɩaa nɛ. Ba tɔ ba dɩgɩlaa ma nɛ dɩ ba sɩ́ wɩɩkala nɩɩ, a kɛŋ ba sɩaa ma tɔ dɩ ba sɩ́ kʋŋkala na. Dɩ ŋɩɩ dee, ba fa jaŋ nɩna, ba dɩgɩlaa ma fa jaŋ nɩnɩɩ. Ba fa jaŋ jɩŋ wɩaa bʋbʋɔŋ a bɩrɩma kɔ mɩ teeŋ dɩ mɩ vaarɛba.’

Maak 3:5

Ŋɩɩ nɛ Yesu na baanɩŋ ba nyuŋ a gɩɛnɛba. Ʋ tʋɔŋ chei a tɩŋ ba dɩgɩlɩŋ-bɩnɩɩ wɩaa. Ŋɩɩ nɛ ʋ bʋla pɩ na-sʋʋ-la tɩɩna, “Kɛŋ ŋ nɩsɩŋ tɩɛnɛ.” Ʋ kaa tɩɛnɛ. Ʋ nɩsɩ-la fɩɛlɛ a nagɛ ʋ nagɩŋ.

Jɔɔŋ 12:40

Ʋ sɩ, “Wɩa tɔ ba sɩaa nɛ aŋ nyɩrɛ ba tʋɔŋ, dɩ ba sɩaa sɩ́ kʋŋkala wuo na, dɩ ba sɩ́ wɩaa bʋbʋɔŋ ma wuo jɩŋ. Dɩ ŋɩɩ dee, ba fa jaŋ kɔ Wɩa teeŋ dɩ ʋ pʋllɛ ba tʋɔŋ, dɩ mɩ laaba ta.”

Tɩntɩŋŋaa 17:30

Bʋa-la lɛ nuhuobiinee sɩ bɩ ʋ jɩŋ, ʋ fa tɔrɩkɔ nɛ ba nyuŋ. Ama lɛɛlɛ ʋ bʋla pɩpɩ nʋʋkala lee-na kala dɩ ba bɩrɩma lɩɩ ba wʋbɔŋŋɔɔ lɛ,

Tɩntɩŋŋaa 3:17

Mɩ naambiiriŋ, mɩ jɩma ma dɩ ma kʋhɩasɩŋ sɩ kpʋ Yesu ŋɩɩ, ma bɩ jɩŋ tʋɔŋ lɛ nɛ.

Rom Tɩŋŋaa 1:28

Nɩaa deemba bɩ chɛ dɩ ba jɩŋ Wɩa. Ŋɩɩ nɛ tɩɩ Wɩa lemba ta ba tuto ba tʋɔbɩɩŋ bɔmɔ-la harɩŋ a ŋɩŋaa wɩalɩŋ sɩ bɩ maga dɩ baa ŋaa.

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

Rom Tɩŋŋaa 11:7

Bɛɛ nɛ saa? Iziral tɩŋŋaa fa sɩɩ chɛ kɩalɩŋ, ba bɩ ba na. Ama nɩalɩŋ baŋmɛnɛ Wɩa sɩ lɩɩsa ba tʋɔŋ nɛ naba. Nɩkaana-la tʋɔŋ dolie. Wɩa sɩ yɩrɛba, ba vɩa nɛ.

Rom Tɩŋŋaa 2:19

Ŋ jɩma arɩ ŋ nɛ ŋaa nyʋlɩmaa daa-kɛnnɛ a ŋaa nɩalɩŋ ma sɩ hɛ birimiŋ tʋɔŋ pʋlʋmʋŋ.

1 Kɔrɩntɩ Nɩaa 1:21

Wɩa sɩ kɛŋ wʋjɩmɩŋ, ŋɩɩ nɛ tɩɩ ʋ wuo ŋaa dɩ nuhuobiine sɩ́ ʋ tɩtɩa wʋjɩmɩŋ lɛ to a jɩŋ ʋ-na Wɩa. Nɩaa sɩ dɩ Wɩa wʋzɔmɔ-la la sɩɩ bʋl ŋaa wʋtɔɔnʋ nɛ, ama Wɩa to wɩalɩŋ lɛ nɛ a laa nɩalɩŋ sɩ laa wɩalɩŋ dii a ta.

1 Kɔrɩntɩ Nɩaa 2:8

Nɩalɩŋ kala sɩɩ beŋ dʋnɩa deeŋ bɩ wɩaa deemba bʋbʋɔŋ jɩŋ. Dɩ ba nɛ fa jɩmba, ba fa bɩ jaŋ kpaasɛ La Tɩɩna sɩ kɛŋ tʋla a mɛrɛ daagɛsɛ nyuŋ.

2 Kɔrɩntɩ Nɩaa 3:14

Ama Iziral tɩŋŋaa tʋɔbɩɩnaa fa tuo Wɩa wombiiŋ lɛ. Ŋɩɩ wɩaa arɩ jɩnɩŋ kala, dɩ ba nɛ karɩmɛ wɩalɩŋ Wɩa fa sɩ joŋo pɩ Mosis bumbuŋ-la dɩ nɩaa tuto, ba bɩ ba bʋbʋɔŋ jɩŋ. Ʋ naga arɩ kʋ-la Mosis fa sɩ joŋo tɔ ʋ sɩaa dɩ Iziral tɩŋŋaa sɩ́ ʋ sɩaa na, kʋ-la ha tɔ ba sɩaa nɛ dɩ ba sɩ́ Wɩa tʋla na. Ama Yesu Kirisito nɛ jaŋ wuo kɛŋ kʋ-la suri, dɩ ba wuo na Wɩa tʋla.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

Galiisia Nɩaa 4:8

Faafaa-la, ma sɩ bɩ Wɩa jɩŋ, ma faa to vʋɩyaa nɛ a ŋaa ba yosi.

Ɛfɛsɩs Nɩaa 2:1

Ma fa naga arɩ ma sʋba nɛ a tɩŋ ma wʋcheelee arɩ ma wʋbɔŋŋɔɔ wɩaa.

Ɛfɛsɩs Nɩaa 2:12

Ma bɩra sɩ́ yʋ arɩ bʋa kʋbala lɛ ma fa bɩ Kirisito jɩŋ. Ma dɩ Iziral tɩŋŋaa fa bɩ wɩɩ pɛ, ma fa nagɛ nʋhʋɔra nɛ. Wɩa fa sɩ bil nii-la ʋ dɩ ʋ nɩaa pɛgɛ arɩ ʋ jaŋ ŋaa wɩalɩŋ nɩaa lɛ, ma-na fa bɩ ba lɛ pɛ. Ma fa bɩ kʋŋkala ka yɩɛlɛ, ma fa hɛ dʋnɩa lɛ nɛ a bɩ Wɩa jɩŋ.

Koloosi Nɩaa 1:21

Ma dɩ Wɩa sɩaa fa bɩ dɔŋɔ ka na, a tɩŋ ma wʋbɔmɔ-la ŋaanɩŋ arɩ ma tʋɔbɩɩŋ lɔrʋnʋ-la wɩaa.

1 Tɛsalonaaka Nɩaa 4:5

Má sɩ́ ma tʋɔtɔrɛ wʋŋaalaa lɛ to a gɔllɔ ŋaa wʋlɩɩlɩŋ arɩ nɩalɩŋ sɩ bɩ Wɩa jɩŋ sɩɩ ŋaa ŋɩɩ.

Hiburu TƖŊŊAA 5:2

Ʋ sɩaa yie wuo fɩɛlɛ nɩaa nyuŋ nɛ woruŋ, nɩalɩŋ sɩɩ ŋaa wʋbɔŋŋɔɔ aŋ bɩ jɩŋ, arɩ nɩalɩŋ sɩ yeŋŋe Wɩa wombii-la lɛ, bɛɛ wɩaa ʋ ma tɩtɩa yie ŋaa wɩaa chichei nɛ.

Hiburu TƖŊŊAA 9:7

Ama Wɩɩsʋllɩ sɩpaalaaraa kʋhɩaŋ dʋndʋŋa nɛ yie jʋʋ lɛbɩ-la sɩpaaŋ lee-la zɔmʋŋ sɩ bɩ magɩa kɛnɛ. Ʋ ma saa yie jʋʋ lee-la bala nɛ jɩna kala. Ʋ yie kɛŋ pʋna chalɩŋ nɛ a kaa jʋʋ pɩ Wɩa, a tɩŋ ʋ tɩtɩa wʋbɔŋŋɔɔ wɩaa arɩ nɩalɩŋ ma sɩ ŋaa wʋbɔmɔ-la a chei Wɩa aŋ bɩ jɩŋ.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

1 Pɩɩta 1:14

Má tuto Wɩa niiŋ. Bʋa-la lɛ ma fa sɩ bɩ Wɩa jɩŋ, ma faa to ma tʋɔtɔrɛ wʋŋaalaa sɩ bɩ zɔŋ lɛ nɛ. Má bɩra sɩ́ ba to.

1 Jɔɔŋ 2:11

Ka nɩɩ-la kala sɩ bɛrɛ ʋ dɔŋɔ tɩɩna, ʋ tɩɩna ka vɛŋ birimiŋ tʋɔŋ nɛ. Ʋ bɩ jɩŋ lee-la kala ʋ sɩɩ mʋ. Birimiŋ ŋaa ʋ sɩaa bɩ na.