Ɛfɛsɩs Nɩaa 4:17 - WƖA TENIŊ

¹⁷ La Tɩɩna yɩrɩŋ lɛ mɩɩ chɛ dɩ mɩ bʋl wɩɩ nɛ pɩma arɩ sɩɩfɩɛsɩŋ. Má sɩ́ leŋe dɩ ma wʋŋaalaa nagɛ nɩalɩŋ sɩ bɩ Wɩa jɩŋ. Wɩalɩŋ kala ba sɩɩ bɩɩnʋ ŋaa wʋpɛɩba nɛ.

Ɛfɛsɩs Nɩaa 4:17 ပူးပေါင်းရင်းမြစ်များ

NƐHƖMAAYA 13:15

Bʋa-la lɛ, mɩ na Juda nɩaa dɩ baa chagɛ girep nɛnɛɛ sɩnɩŋ chɛ-wiesii-la chɛɛŋ, a kɛŋ ba kakusuŋ chʋchʋŋ mɩaa, girep nɛnɛɛ sɩnɩŋ, girep, tutogi-nambɩlaa arɩ chʋgʋsʋŋ dɔnsʋŋ. Ba chʋŋ kɩaa deemba kala chɛ-wiesii-la chɛɛŋ nɛ a kʋʋ jʋʋ Jerusalɛm. Ŋɩɩ nɛ mɩ bʋla pɩba dɩ ba sɩ kɩaa yallʋ chɛ-wiesii-la chɛɛŋ.

JƐRƖMAAYA 42:19

Ma-na Juda nɩkaanaa, La TƖƖNA bʋla pɩma, ‘Má sɩ́ Ijipiti mʋ.’ Ma jɩŋ wɩɩŋ deeŋ lɛ: Mɩ kpʋrɩsɛ ma dɩgɩlaa nɛ jɩnɩŋ

LEVI DOHO NƖAA 15:18

Dɩ baal arɩ haal nɛ pɛ bɔsɔ aŋ sii, ʋ maga dɩ ba fo lɩɩŋ, arɩ ŋɩɩ kala ba ha jaŋ kɛŋ disiniŋ dɩ wɩa tuu jʋʋ.

Luuk 16:28

Mɩ kɛŋ naambiiriŋ banɔŋ nɛ, dɩ ʋ kpʋrɩsɛ ba dɩgɩlaa dɩ ba ma sɩ́ hɛɛŋ deeŋ leriŋ kɔ dɩ ba nɛ sʋba.’

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

Tɩntɩŋŋaa 18:5

Ŋɩɩ nɛ Saalas arɩ Timoti lɩɩ Masidoonia kɔ. Bʋa-la lɛ ba sɩ kɔ, Pɔɔl joŋ ʋ nyuŋ kala hɛ aa bʋl Wɩa wɩaa, a dagɛ woruŋ a pɩ Juu tɩŋŋaa arɩ Yesu nɛ ŋaa Kirisito.

Tɩntɩŋŋaa 2:40

Pɩɩta sɩ bʋl ŋɩɩ, ʋ sʋlba a paala chaasa bʋl wɩaa dɔnsʋŋ yʋgɛ a bʋl, “Má lɩɩsɛ ma tɩtɩa nɩbɔŋŋɔɔ deemba tʋɔŋ.”

Tɩntɩŋŋaa 20:21

Mɩ bʋla pɩ Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala arɩ sɩɩfɩɛsɩŋ dɩ ba bɩrɩma lɩɩ ba wʋbɔŋŋɔɔ lɛ aŋ kʋ to Wɩa, a laa La Tɩɩna Yesu wɩaa dii.

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

1 Kɔrɩntɩ Nɩaa 1:12

Wɩɩ-la mɩ sɩ nɩa nɛ ŋ-la: Ma dɔŋɔ yie bʋl dɩ ʋʋ to Pɔɔl harɩŋ nɛ, ka dɔŋɔ ma sɩ dɩ ʋʋ to Apɔlɔs harɩŋ nɛ. Dɔŋɔ ma sɩ ʋʋ to Pɩɩta harɩŋ nɛ, ka dɔŋɔ ma sɩ ʋʋ to Kirisito harɩŋ nɛ.

1 Kɔrɩntɩ Nɩaa 15:50

Mɩ naambiiriŋ, wɩɩ-la mɩ sɩɩ chɛ dɩ mɩ bʋl nɛ ŋ-la: Yara-la ba sɩ kɛŋ tɩarɩŋ mɛ bɩ jaŋ wuo hɛ Wɩa kuorii-la tʋɔŋ. Yara-la ma sɩɩ pʋa bɩ jaŋ wuo hɛ nɩmɛ deeŋ deeŋ a nagɛ yara-la sɩ bɩ pʋa.

2 Kɔrɩntɩ Nɩaa 9:6

Má sɩ́ wɩɩŋ deeŋ yʋ. Dɩ ŋ nɛ joŋ kʋdoho mʋa duu, kɩaa mʋa nɛ ŋ jaŋ kʋŋ, ama dɩ ŋ kʋdoho nɛ yʋga dɩ ŋ joŋo duu, ŋ jaŋ kʋŋ kɩaa yʋgɛ.

Galiisia Nɩaa 3:17

Wɩɩ-la mɩ sɩ bʋla nɛ ŋ-la: Wɩa sɩ hɛ nii-la a pɩ Abɩraham, ʋ ŋaa jɩsɩŋ zɔɔ-banɛsɛ arɩ mara arɩ fii nɛ, aŋ ka Mosis-na bil wɩalɩŋ dɩ nɩaa tuto. Ŋɩɩ wɩaa Mosis sɩ bil wɩalɩŋ bɩ jaŋ wuo chei nii-la Wɩa sɩ laa sɩpaaŋ hɛ.

Galiisia Nɩaa 5:3

Mɩ jaŋ bɩra bʋl, dɩ nʋʋkala nɛ sɛyɛ dɩ ba keri ʋ peniŋ, ʋ maga dɩ tɩɩna tuto wɩalɩŋ kala Mosis fa sɩ bile nɛ.

Ɛfɛsɩs Nɩaa 1:22

Wɩa joŋ kʋŋkala doluŋ a hɛ Kirisito nɩsɩŋ lɛ nɛ, a bɩra leŋ ʋ ŋaa Wɩa nɩaa kala kʋhɩaŋ ma.

Ɛfɛsɩs Nɩaa 4:22

Ŋɩɩ wɩaa, má joŋ ma bumbuŋ mɛlɛ-la ta. Mɛlɛ-la fa nyɩsɛma nɛ a cheima.

MOSIS BƖRA WULLI WƖA WOMBIIŊ 27:10

ŋɩɩ wɩaa, má jegile nɩɩ ma TƖƖNA Wɩa teeŋ, a to ʋ niiŋ arɩ wɩalɩŋ mɩ sɩ dagɛma jɩnɩŋ.”

Koloosi Nɩaa 2:18

Má sɩ́ leŋe dɩ nʋʋkala joŋ cheeriŋ pɩma, nɩalɩŋ sɩ bɩɩna arɩ ba ŋaa nɩbala nɛ a tɩŋ ba sɩɩ na wɩaa a nagɛ duosoo tʋɔŋ a pɛsɛ ma lɛ dɩ ma kɛŋ ma tɩtɩa a muuri, a chʋchʋɔlɛ Wɩa tɩndaaraa. Ba bɩ wɩɩkala kɛnɛ sɩ maga dɩ ba bibigisi ba tɩtɩa lɛ. Ba yie ŋaa ŋɩɩ a tɩŋ ba sɩ yie bɩɩnɛ ba yaraa wɩaa nɛ.

Koloosi Nɩaa 2:4

Mɩ bʋl ŋɩɩ pɩpɩma dɩ nʋʋkala sɩ́ wuo nyɩsɛma arɩ nii-sɩma.

1 Tɛsalonaaka Nɩaa 4:6

Bɩra, nʋʋkala sɩ́ wɩɩ ŋaa chei ʋ dɔŋɔ tɩɩna a tɩgɛ ʋ haala lɛ. La chaasa bʋla pɩma nɛ faafaa kala a kpʋrɩsɛ ma dɩgɩlaa arɩ Wɩa jaŋ dɔgɩsɛ nɩalɩŋ sɩ ŋaa disiŋ wɩaa.

1 Timoti 5:21

Mɩ bʋl ŋɩɩ pɩŋ Wɩa arɩ Kirisito Yesu arɩ Wɩa tɩndaaraa Wɩa sɩ lɩɩsa sɩpaaŋ nɛ. Mɩɩ sʋlʋŋ arɩ sɩɩfɩɛsɩŋ dɩ ŋ to wɩaa deemba, a sɩ́ nɩaa kaa pɔrɛ wɩɩ-na kala ŋ sɩɩ ŋaa lɛ. Joŋ ba kala dɩ ba ŋaa nɩbala ŋ teeŋ.

1 Timoti 6:13

Mɩɩ sʋlʋŋ Wɩa arɩ Kirisito Yesu sɩpaaŋ dɩ ŋ to wɩalɩŋ kala mɩ sɩ bʋla pɩŋ. Wɩa nɛ joŋ mɩɩsɩŋ a pɩ kʋŋkala. Kirisito Yesu ma nɛ ŋaa nɩɩ-la fa sɩ bʋl wʋtɩtɩɩ Pɔntɩɔs Paalɩt sɩpaaŋ, nɩɩ-la fa sɩ chɩŋ Rom kuoru-balɩŋ nyuŋ Judiya tinteeŋ lɛ, a wuo bʋl wʋtɩtɩɩ a pʋ.

2 Timoti 4:1

Mɩɩ sʋlʋŋ Wɩa arɩ Kirisito kala sɩpaaŋ, nɩɩ-la sɩ jaŋ dii nɩweyee arɩ nɩsʋʋnʋŋ kala sarɩya. Ʋ jaŋ mɩɩra kɔ a dii kuoruŋ, ŋɩɩ wɩaa

1 Pɩɩta 1:18

Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.