Ɛfɛsɩs Nɩaa 4:15 - WƖA TENIŊ

¹⁵ Ama ʋ maga dɩ la cho dɔŋɔ a bʋl wʋtɩtɩɩ pɩpɩ dɔŋɔ bʋa na-kala. Dɩ la nɩɩ ŋaa ŋɩɩ, la jaŋ wuo waa Wɩa wɩaa lɛ a kʋ nagɛ Kirisito sɩ nagɛ ŋɩɩ. Nɩalɩŋ sɩ laa Yesu wɩaa dii aa hilimi nagɛ nuhuobiine nandaasɩŋ nɛ. Kirisito nɛ ŋaa ba nyuŋ.

Ɛfɛsɩs Nɩaa 4:15 ပူးပေါင်းရင်းမြစ်များ

WƖA YƖƖLAA 32:2

Nɩalɩŋ wʋbɔŋŋɔɔ La Tɩɩna sɩ bee kieli arɩ nɩalɩŋ sɩ bɩ nɩaa ka nyɩsɛ tʋɔŋ jaŋ tɔrɛ.

ZƐKARƖYA 8:16

Wɩalɩŋ sɩ maga dɩ ma ŋaa nɛ ŋ-la: Má bʋl wʋtɩtɩɩ a pɩpɩ dɔŋɔ. Ma sarɩya dɩ-diilee, má to wʋtɩtɩɩ sɩ jaŋ leŋ dɩ ma hɔŋ arɩ fɩɛlɩŋ.

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Jɔɔŋ 1:47

Yesu sɩ na Natanɩal dɩ ʋʋ kɔ ʋ teeŋ, ʋ bʋl, “Nɩa deeŋ ŋaa Iziral tɩɩna tɩtɩɩ nɛ. Ʋ kɛŋ wʋtɩtɩɩ.”

Rom Tɩŋŋaa 12:9

Má cho dɔŋɔ arɩ wʋtɩtɩɩ. Má bɛrɛ wʋbɔŋŋɔɔ, aŋ joŋ ma tɩtɩa hɛ wʋzɔŋŋɔɔ ŋaanɩŋ lɛ.

1 Kɔrɩntɩ Nɩaa 11:3

Ama mɩɩ chɛ dɩ ma jɩŋ arɩ Kirisito nɛ ŋaa baal-na kala sɩpaalaara, ka baala ma nɛ ŋaa haala sɩpaalaara, ka Wɩa ma nɛ laa Kirisito sɩpaaŋ.

2 Kɔrɩntɩ Nɩaa 4:2

Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.

2 Kɔrɩntɩ Nɩaa 8:8

Mɩ bɩ maa fʋgɛ dɩ ma joŋ kɩaa pɩpɩ nɩaa. Nɩaa dɔnsʋŋ fɩɛsɛ sɩɩŋ nɛ a cho dɩ ba ŋaa kɩaa kpɩkpaa nɩaa. Ŋɩɩ nɛ tɩɩ mɩɩ chɛ dɩ ma ma dagɛ arɩ wʋtɩtɩɩ, ma sɛnɛ cho nɩaa nɛ.

Ɛfɛsɩs Nɩaa 1:22

Wɩa joŋ kʋŋkala doluŋ a hɛ Kirisito nɩsɩŋ lɛ nɛ, a bɩra leŋ ʋ ŋaa Wɩa nɩaa kala kʋhɩaŋ ma.

Ɛfɛsɩs Nɩaa 1:4

Ka dɩ ʋ-na suomo ŋaa dʋnɩa, ʋ to Kirisito lɛ nɛ a lɩɩsɛla, dɩ la kɛŋ tʋɔpʋla, a sɩ́ cheeri kala kɛŋ ʋ sɩpaaŋ. A tɩŋ Wɩa sɩ chola wɩaa,

Ɛfɛsɩs Nɩaa 2:21

Ʋ nɛ chagɛ dɩa-la kala bil ʋ kʋ ŋaa Wɩa dɩɩ-balɩŋ sɩ bɩ disiniŋ kɛnɛ, La Tɩɩna Yesu dɩa-la.

Ɛfɛsɩs Nɩaa 4:25

Ŋɩɩ wɩaa, má bɩra sɩ́ wɩaa nyɩnyɩa. Má leŋ dɩ nʋʋkala bʋl wʋtɩtɩɩ a pɩ ʋ dɔŋɔ tɩɩna, bɛɛ wɩaa la kala nagɛ nandaasɩŋ nɛ a kʋ mɛrɛ dɔŋɔ lɛ a ŋaa kʋbala.

Ɛfɛsɩs Nɩaa 5:23

bɛɛ wɩaa baalaa nɛ kɛŋ doluŋ ba haalaa nyuŋ arɩ Kirisito sɩ kɛŋ doluŋ ŋɩɩ nɩalɩŋ sɩ laa ʋ wɩaa dii aa hilimi nyuŋ. Nɩalɩŋ sɩ laa Yesu wɩaa dii aa hilimi nɛ ŋaa ʋ yaraa, ka ʋ ŋaa ba Laataara.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

1 Pɩɩta 2:2

Ʋ maga dɩ ma chɩchɛ Wɩa niiŋ wɩalɩŋ nɛ a nagɛ bii-mulluŋ sɩɩ chɛ yɩlɩŋ ŋɩɩ. Dɩ ma nɩɩ chɛ Wɩa wɩaa ŋɩɩ, ma jaŋ waa woruŋ ba lɛ, a mʋ yi tapʋlɩɩ-la Wɩa sɩ jaŋ laama ta.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.

1 Jɔɔŋ 3:18

Mɩ biiriŋ, má sɩ́ leŋe dɩ la kɛŋ niiŋ dʋndʋŋa cho dɔŋɔ. Má leŋ dɩ la to wʋtɩtɩɩ wombiiŋ a ŋɩŋaa wʋzɔŋŋɔɔ, dɩ la wʋŋaalɩa-la dagɛ arɩ la sɛnɛ cho dɔŋɔ nɛ.

SƖPAALAARAA 16:15

Ŋɩɩ nɛ tolo-la pɩɛsʋ, “Ɛɛ nɛ ŋ jaŋ bʋl ŋ chomi nɛ, aŋ kɛŋ wɩaa fɩfaamɛ? Naansɩɩŋ butori nɛ ŋ-la, ŋ sɩ jommi mɩ ŋaa nɩyaarɩ ŋ nyɩsɛmɛ, aŋ ha bɩ ŋ dol-la bʋbʋɔŋ daga pɩmɛ.”