Ɛfɛsɩs Nɩaa 4:14 - WƖA TENIŊ

¹⁴ Ŋɩɩ-na la bɩra bɩ jaŋ ŋaa hambiisi Wɩa wɩaa lɛ, dɩ wʋwogusu-la nɩaa dɔnsʋŋ sɩɩ dagʋ a mʋ tɩgɛ Wɩa wɩaa lɛ kɛnla begili. La bɩ jaŋ to nɩalɩŋ sɩɩ nyɩɛ wɩaa, a kɛŋ badɛrɩŋ nyɩnyɩsɛ nɩaa, dɩ ba joŋ wɩalɩŋ ba sɩ laa dii ta.

Ɛfɛsɩs Nɩaa 4:14 ပူးပေါင်းရင်းမြစ်များ

WƖA YƖƖLAA 10:9

Ba yie pɔ lere-la a nagɛ naachigiŋ nɛ, dɩ ba kɛsɛ nɩalɩŋ sɩ bɩ lee kɛnɛ. Ba yie kɛmba ba bɛrɛ lɛ a lɛrɛ viiri.

WƖA YƖƖLAA 59:3

Bee na, ba faa nɛ a gbɛrɛmɛ. La Tɩɩna, mɩ bɩ wɩɩkala cheye, ka nɩbɔŋŋɔɔ vʋʋrɛ a chɩŋ mɩ lɛ.

AZAAYA 28:9

Ba pɩɛsɛ, “Kʋbɛɛ nɛ Azaaya chɩchɛ dɩ ʋ bʋl wɩaa a dagɛ? Kʋbɛɛba nɛ ʋ chɩchɛ dɩ ʋ dagɛ wɩaa bʋbʋɔsʋŋ a pa? Ʋ bɩɩna lɛɛlɛ nɛ ba kɛrɩla yɩlɩŋ lɛɛ?

MƖKA 7:2

Nɩalɩŋ sɩɩ fá Wɩa tintee-la lɛ lɛlɛ nɛ, nʋʋkala tuo a ŋɩŋaa wɩaa ba bʋa lɛ. Nʋʋkala hu a gbɩgbɛrɛ nɩaa nɛ dɩ ʋ kpʋ. Nʋʋkala ka bagɩlɛ ʋ naambie nɛ.

Matiu 11:7

Ŋɩɩ nɛ Jɔɔŋ harɩ-tooro-la viviiri. Yesu suomo bʋl Jɔɔŋ wɩaa a pɩpɩ nɩ-daŋ-la. Ʋ pɩɛsɛba, “Ma sɩ mʋ Jɔɔŋ teeŋ tintee-hɩlɩɩ-la lɛ, bɛɛ nɛ ma fa gbɛrɛ dɩ ma na? Ma mʋa dɩ ma na yaŋ peliŋ sɩ kaa viviisi nɛɛ? Aɩ.

Matiu 24:11

Nɩalɩŋ sɩ nyɩɛ wɩaa arɩ ba ŋaa Wɩa wʋlaabʋllaa jaŋ yʋgɛ a kɔ a nyɩsɛ nɩaa yʋgɛ.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Tɩntɩŋŋaa 23:21

Saa sɩ́ sɛɩ, bɛɛ wɩaa nɩalɩŋ dɔnsʋŋ jaŋ faa wombiiŋ lɛ a gbɛrʋ. Ba kɩɩ nɩaa mahɩŋ balɩa. Ba ŋmɩɛsa nɛ dɩ ba nɛ bɩ Pɔɔl kpʋa, ba bɩra bɩ jaŋ dii kɩaa, ba bɩ jaŋ nyʋa lɩɩŋ maa. Ba kɛŋ ba tɩtɩa hɛ dɔŋɔ nɛ dɩ ŋ pʋ wombiiŋ dɩ ʋ kɔ.”

1 Kɔrɩntɩ Nɩaa 12:2

Ma jɩma bʋa-la lɛ ma fa sɩ bɩ Wɩa ka chʋɔlɛ, ma faa to Sɩtaanɩ harɩŋ nɛ, a faa kpaarɛ vʋɩyaa ma. Vʋɩyaa deemba fa bɩ wɩaa wuo bʋbʋl. Ba leŋe ma yeŋŋi nɛ.

1 Kɔrɩntɩ Nɩaa 14:20

Mɩ naambiiriŋ, má sɩ́ wɩaa bɩɩnʋ a nagɛ hambiisiŋ sɩɩ bɩɩnɛ ŋɩɩ. Ma wʋŋaalaa lɛ, má nagɛ bii-mulluŋ sɩ bɩ wʋbɔŋŋɔɔ jɩŋ, ama má bɩbɩɩnɛ wɩaa a nagɛ kʋhɩasɩŋ sɩɩ bɩɩnɛ ŋɩɩ.

1 Kɔrɩntɩ Nɩaa 3:19

Dʋnɩa nɩaa wʋjɩmɩŋ ŋaa pɛɩ nɛ Wɩa teeŋ. Wɩa teniŋ tʋɔŋ ba bʋla, “Wɩa to dʋnɩa nɩaa wʋjɩmɩŋ lɛ nɛ a bɛrɛ kɛsɛba.”

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

2 Kɔrɩntɩ Nɩaa 4:2

Hɩɩsɩ wɩalɩŋ arɩ wʋkaa-faalɩɩ-la nɩaa sɩ lʋara ŋɩŋaa, la-na vɩaba ta nɛ faafaa kala. La bɩra bɩ nʋʋ nyɩsɛ. La bɩ wɩaa nyɩɛ pɩpɛ Wɩa niiŋ wɩalɩŋ lɛ. Ama Wɩa sɩpaaŋ la chaasa bʋl wɩaa, dɩ nʋʋkala tʋɔbɩɩnaa jɩŋ arɩ wʋtɩtɩɩ nɛ la bʋbʋl.

Galiisia Nɩaa 3:1

Ma-na Galiisia nɩyaara! Kʋbɛɛ nɛ bugumima? La sɩ kɔ ma teeŋ, mɩ dagɛma woruŋ ŋɩɩ Yesu sɩ sʋʋ daagɛsɛ nyuŋ, ma jɩŋ ʋ bʋbʋɔŋ.

Ɛfɛsɩs Nɩaa 6:11

Má paa ma bayuori kɩalɩŋ Wɩa sɩ joŋo pɩma laalɛ, ŋɩɩ nɛ ma jaŋ wuo pɔ dɩ Sɩtaanɩ sɩ́ wuo kɛŋ ʋ badɛ wɩaa nyɩsɛma.

1 Timoti 3:6

Dɩ nʋʋ nɛ laa Yesu wɩaa dii ʋ bɩ dieni, ʋ bɩ maga dɩ tɩɩna ŋaa Wɩa nɩaa nɩhɩaŋ. Dɩ tɩɩna nɛ ŋaa Wɩa nɩaa nɩhɩaŋ, ʋ jaŋ dagɛ ʋ tɩtɩa. Dɩ ʋ nɛ ŋaa ŋɩɩ, ʋ jaŋ tel arɩ Sɩtaanɩ sɩ tele ŋɩɩ.

2 Timoti 1:15

Ŋ jɩma arɩ bʋa-la lɛ mɩ fa sɩ hɛ Esia tinteeŋ lɛ, nɩalɩŋ kala fa sɩ hɛ nɩmɛ fa vɩamɛ nɛ, Fɩjɩlas arɩ Hemojinis ma fa hɛ nɩaa deemba tʋɔŋ nɛ.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

2 Timoti 4:3

Ŋaa ŋɩɩ, bɛɛ wɩaa bʋa kʋbala jaŋ yi, nɩaa bɩ jaŋ jegili Wɩa wʋtɩtɩɩ-la ba sɩ jaŋ dagɛba. Ama ba jaŋ to ba tɩtɩa tʋɔtɔrʋŋ lɛ a chɛ kɛsɛ kerichiba yʋgɛ sɩ jaŋ dɩdagɛba wɩalɩŋ ba sɩ cho dɩ ba nɩa.

Hiburu TƖŊŊAA 13:9

Má sɩ́ leŋe dɩ nɩaa dɔnsʋŋ kɛŋ wʋtanɩa kʋ dagɛma dɩ ma yeŋŋi. Wɩa lahɔrɩmɔ lɛ nɛ la jaŋ wuo kɛŋ doluŋ a ŋaa wɩalɩŋ Wɩa sɩɩ chɛ, kʋdiilee kɩsɩnɩŋ lɛ dee. Nɩalɩŋ tɩtɩa sɩɩ to kʋdiilee kɩsɩnɩ-la ŋɩɩ bɩ ba lɛ ka pɛ.

Jeems 1:6

Ama dɩ ŋ nɛ sʋl Wɩa dɩ ʋ pɩŋ kʋŋ, laa dii arɩ ʋ jaŋ ŋaa wɩɩ-la pɩŋ. Sɩ́ tʋɔbɩɩnaa balɩa kɛŋ arɩ ʋ jaŋ ŋaa koo ʋ bɩ ŋaa. Nɩɩ-la kala sɩ sʋl Wɩa chɩchɛ kʋŋ aŋ kɛŋ tʋɔbɩɩnaa balɩa, ʋ nagɛ mʋgʋ-balɩŋ lɩɩ-peliŋ nɛ, ʋ yie mʋ sɩpaaŋ aŋ bɩra kʋkɔ harɩŋ.

Jeems 3:4

Bɩra na lɩɩŋ daborusuŋ ma. Ba ŋaa kʋbalaa nɛ, pel-duoŋ yie lu a kaa vɛŋ. Ama danyiŋ-bie nɛ nɩɩ-la sɩ kɛŋ lɩɩŋ daboro-la vɩvɛŋ yie kaa kuosi lɩɩŋ a dagɛ lɩɩŋ daboro-la lee-la kala ʋ sɩɩ chɛ ʋ mʋ.

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.

1 Jɔɔŋ 2:19

Ba lɩɩ la tʋɔŋ nɛ, ama la dɩ ba fa bɩ kʋbala ŋaa. Dɩ la dɩ ba nɛ fa ŋaa kʋbala, ba ma fa ha jaŋ hɛ la tʋɔŋ. Ama ba sɩ lɩɩ la tʋɔŋ nɛ daga arɩ la dɩ ba bɩ kʋbala ŋaa.

1 Jɔɔŋ 2:26

Mɩ ŋmʋnsɛ wɩaa deemba pɩpɩma a mʋ tɩgɛ nɩalɩŋ sɩɩ chɛ dɩ ba nyɩsɛma lɛ nɛ.

1 Jɔɔŋ 4:1

Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.

Juud 1:12

Dɩ ma nɩalɩŋ sɩ cho dɔŋɔ nɛ hilime dɩ ma dii kɩaa, nɩaa deemba yie guoli ma tʋɔŋ nɛ. Ba nagɛ nanchʋɔsʋŋ nɛ aa chei ma kʋdiile-la. Ba dʋndʋŋa wɩaa nɛ ba yie chɩl. Ba nagɛ duonuŋ sɩ yie tɩŋ nɛ, ka peliŋ ŋaa kiri ʋ bɩ nɩa. Ba bɩra nagɛ tɩɩsɩŋ sɩ maga dɩ ba nɛŋ nɛ aŋ bɩ nɛŋ. Ba jaŋ huro churiba dɩ ba sʋʋ.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.