Ɛfɛsɩs Nɩaa 4:12 - WƖA TENIŊ

¹² Ʋ pɩla doluŋ deeŋ dɩ Wɩa nɩaa wuo kaa tɩŋ Wɩa tɩntɩŋŋaa, a wuo pɛ nɩalɩŋ sɩ laa Yesu wɩaa dii aa hilimi lɛ dɩ ba waa wɩalɩŋ lɛ.

Ɛfɛsɩs Nɩaa 4:12 ပူးပေါင်းရင်းမြစ်များ

Luuk 22:32

Ama mɩ chʋɔlɛ Wɩa pɩ ŋ-na Saamɔŋ nɛ dɩ ŋ Wɩa laa diiniŋ sɩ́ lɛl. Dɩ ŋ nɛ mɩɩra kɔ mɩ teeŋ, pɛ ŋ naambiiriŋ ma lɛ dɩ ba chɩŋ ba sɩ laa Wɩa dii naaŋ lɛ woruŋ.”

Tɩntɩŋŋaa 1:17

Judas fa ŋaa la dɔŋɔ nɛ, la kala tɩtɩŋ tɩntɩmɩŋ deeŋ.

Tɩntɩŋŋaa 1:25

dɩ ʋ ŋaa ŋ nanzɔɔ dɔŋɔ a laa Judas nyuŋ, a tɩtɩŋ ʋ tɩntɩŋŋaa, tɩntɩmɩɩ-la Judas sɩ vɩa aŋ mʋ ʋ dɩ-mʋʋlʋŋ.”

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

Tɩntɩŋŋaa 20:24

Ama mɩ sɩ yie beŋ mɩ mɩɩsɩŋ, ʋ bɩ kʋŋkala ŋaa mɩ teeŋ. Mɩ taa chɛ dɩ mɩ tɩŋ tɩntɩmɩɩ-la mɩ Tɩɩna Yesu sɩ sɩ mɩ tɩŋ nɛ a dɛrɛ. Tɩntɩmɩɩ-la nɛ dɩ mɩ bʋl Wɩa wʋzɔmɔ-la a pɩ nɩaa, a dagɛ ŋɩɩ Wɩa sɩ kɛŋ zile.

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

Tɩntɩŋŋaa 9:31

Ŋɩɩ harɩŋ lɛ nɩalɩŋ sɩ laa Yesu wɩaa dii aa hilimi Judiya arɩ Galilii arɩ Samarɩa tinteeŋ lɛ kala na wiese, a wasa laa Wɩa dii, a to La Tɩɩna Yesu a fɩfáʋ. Wɩa Dɩŋ-zɔmʋŋ ma pɛ ba lɛ. Ba pʋŋa pɛ.

Rom Tɩŋŋaa 12:5

Ŋɩɩ tɩtɩa nɛ la ma nagɛ. La yʋga nɛ, aŋ ka la kala mɛrɛ Kirisito lɛ a ŋaa kʋbala. La ŋaa nɩ-dabaŋ dabamba nɛ a mɛrɛ dɔŋɔ lɛ a ŋaa yarɩ-bala.

Rom Tɩŋŋaa 12:7

Dɩ ʋ nɛ joŋ doluŋ pɩŋ dɩ ŋ tɩma pɩpɩ nɩaa, ŋɩŋaa ŋɩɩ. Dɩ ʋ nɛ joŋ doluŋ pɩŋ dɩ ŋ dɩdagɛ nɩaa, ŋ ma ŋɩŋaa ŋɩɩ.

Rom Tɩŋŋaa 14:19

Má saa leŋ dɩ la bɩbɩɩnɛ wɩalɩŋ sɩ jaŋ leŋ dɩ la kɛŋ nii-bala, a wuo pɩpɛ dɔŋɔ lɛ a kɛŋ doluŋ.

Rom Tɩŋŋaa 15:14

Mɩ naambiiriŋ, mɩ chaasa laa dii arɩ maa ŋaa wʋzɔŋŋɔɔ nɛ woruŋ, a jɩŋ wɩaa ma woruŋ, a wuo dɩdagɛ dɔŋɔ.

Rom Tɩŋŋaa 15:2

Má leŋ dɩ la kʋŋkala ŋaa dɩ ʋ dɔŋɔ tɩɩna tʋɔŋ tɔrɛ, dɩ la pɛ ʋ lɛ ŋɩɩ dɩ ʋ kɛŋ doluŋ a chɩŋ ʋ wɩalɩŋ ʋ sɩ laa dii lɛ.

Rom Tɩŋŋaa 15:29

Mɩ jɩma, dɩ mɩ nɛ kɔ, mɩ jaŋ wuo pɛ ma lɛ woruŋ, arɩ Kirisito sɩ pɛ mɩ lɛ ŋɩɩ.

1 Kɔrɩntɩ Nɩaa 12:27

Ma kala sɩ laa Yesu wɩaa dii, ma ŋaa Yesu yaraa nɛ, ma kʋŋkala nɛ pɛ dɔŋɔ lɛ a ŋaa yarɩ-bala.

1 Kɔrɩntɩ Nɩaa 12:7

Nʋʋkala kɛŋ ʋ wɩɩ nɛ Wɩa Dɩŋ-zɔmʋŋ sɩ joŋo dii zile ʋ lɛ, dɩ ʋ kaa pɩpɛ ʋ naambiiriŋ lɛ.

1 Kɔrɩntɩ Nɩaa 14:12

Ŋɩɩ wɩaa, ma sɩ cho dɩ ma kɛŋ kɩalɩŋ kala Wɩa Dɩŋ-zɔmʋŋ sɩ joŋo dii zile ma lɛ ŋɩɩ, má hɛ doluŋ aŋ chɛ kɩalɩŋ sɩ jaŋ leŋ dɩ ma kɛŋ doluŋ a pɛ nɩalɩŋ sɩ laa Yesu wɩaa dii aa hilimi lɛ, dɩ ba chɩŋ wɩalɩŋ ba sɩ laa dii lɛ kpaŋ kpaŋ.

1 Kɔrɩntɩ Nɩaa 14:14

Dɩ mɩ nɩɩ chʋɔlɛ Wɩa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl lɛ, mɩ dɩma nɛ yie chʋchʋɔlɛ, ama mɩ tʋɔbɩɩnaa lɛ mɩ bɩ wɩɩ-la mɩ sɩɩ bʋl bʋbʋɔŋ jɩŋ.

1 Kɔrɩntɩ Nɩaa 14:26

Wɩalɩŋ kala mɩ sɩ bʋla, ba bʋbʋɔŋ nɛ ŋ-la: Dɩ ma nɛ kʋ hilimi-na kala, dɩ dɔŋɔ nɛ kɛŋ yɩɩlɩŋ dɩ ʋ yɩɩ, dɩ dɔŋɔ ma kɛŋ wɩɩ dɩ ʋ dagɛ nɩaa, koo nʋʋ nɩɩ chɛ dɩ ʋ bʋl wɩɩ-la Wɩa sɩ joŋo dagʋ ʋ doluŋ lɛ, dɔŋɔ maa chɛ dɩ ʋ bʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, dɔŋɔ maa chɛ dɩ ʋ dagɛ wɩɩ-la ba sɩ bʋla bʋbʋɔŋ, má maga ma ŋaa wɩaa deemba kala a pɩpɛ dɔŋɔ lɛ.

2 Kɔrɩntɩ Nɩaa 12:19

Wɩalɩŋ kala la sɩɩ bʋl, ma jaŋ bɩɩnɛ arɩ laa bʋl ŋɩɩ dɩ la laa la tɩtɩa ma teeŋ nɛ. Ŋɩɩ dee. La hɛ Kirisito lɛ nɛ aa bʋl wɩalɩŋ Wɩa sɩpaaŋ. Mɩ naambii-kpɩanaba, laa ŋaa wɩaa deemba kala dɩ la wuo pɛ ma lɛ nɛ dɩ ma waa wɩalɩŋ ma sɩ laa dii lɛ.

2 Kɔrɩntɩ Nɩaa 13:11

Mɩ naambiiriŋ, mɩ teniŋ dɩdɛrɩŋ nɛ ŋ-la. Maa ŋaa wɩalɩŋ sɩ jaŋ leŋ dɩ ma chaasa ŋaa nɩzɔmɔ. Má jegile nɩɩ wɩalɩŋ mɩ sɩɩ chɛ mɩ bʋla pɩma, má kɛŋ nii-bala a ŋaa sɩma. Dɩ ma nɛ ŋaa ŋɩɩ, Wɩa sɩ cho nɩaa jaŋ hɛ ma teeŋ a leŋ dɩ ma hɔŋ arɩ yarɩfɩɛlaa.

2 Kɔrɩntɩ Nɩaa 13:9

Dɩ la nɛ bɩ doluŋ kɛnɛ ma, la yie jʋjʋɔsɛ nɛ a tɩŋ dol-la ma sɩ kɛnɛ wɩaa. Wɩɩ-la la sɩ sʋl Wɩa chɩchɛ nɛ, dɩ ŋɩɩ ma laa Kirisito wɩaa dii wasa dol.

2 Kɔrɩntɩ Nɩaa 3:8

ka Wɩa wʋzɔmɔ-la sɩ lɩɩ Wɩa Dɩŋ-zɔmʋŋ lɛ, ba tʋla kɩkɩɩ ŋɩɩ. Ba-na bɩ jaŋ lɛl.

2 Kɔrɩntɩ Nɩaa 4:1

Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ.

2 Kɔrɩntɩ Nɩaa 5:18

Wʋfalaa deemba kala lɩɩ Wɩa teeŋ nɛ. Wɩa to Kirisito lɛ nɛ a leŋ ʋ dɩ nɩaa sɩŋ. Tɩntɩmɩɩ-la Wɩa sɩ joŋo pɩla nɛ ŋ-la: dɩ la mʋ bʋla pɩ nɩaa dɩ ba kɔ, dɩ ba dɩ Wɩa ŋaa sɩma.

2 Kɔrɩntɩ Nɩaa 6:3

La bɩ chɛ dɩ la joŋ kʋŋkala gɛrɛ nʋʋkala wombiiŋ lɛ dɩ ba sɩ́ wʋbɔŋ kala bɩɩnʋ a mʋ tɩgɛ tɩntɩmɩɩ-la la sɩɩ tɩŋ lɛ. La ŋaa Wɩa tɩntɩnnaa nɛ.

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

Ɛfɛsɩs Nɩaa 1:23

Nɩalɩŋ sɩ laa Yesu wɩaa dii aa hilimi nɛ ŋaa Yesu yaraa. Nɩalɩŋ nɛ leŋe Kirisito ŋaa nɩ-piliŋ, ʋ ma leŋ kʋŋkala ŋaa kʋpiliŋ wɩɩkala lɛ.

Ɛfɛsɩs Nɩaa 4:16

Ʋ sɩ ŋaa la kala nyuŋ ŋɩɩ, dɩ nandaasɩ-la kala nɛ mɛrɛ dɔŋɔ lɛ a tɩtɩŋ ba tɩntɩŋŋaa woruŋ, yara-la jaŋ waa a tɩŋ ba sɩ cho dɔŋɔ.

Ɛfɛsɩs Nɩaa 4:29

Má sɩ́ leŋe dɩ wʋbɔŋ kala lɩɩ ma niiŋ lɛ. Má bʋl wʋzɔmɔ-la sɩɩ jʋʋ nɩaa dɩgɩlaa bʋa-la lɛ sɩ maga, a leŋ dɩ wɩalɩŋ ma sɩɩ bʋl pɛ nɩalɩŋ sɩɩ jegili ba lɛ.

Ɛfɛsɩs Nɩaa 4:4

La kala ŋaa kʋbala nɛ a tɩŋ Kirisito wɩaa. Wɩa Dɩŋ-zɔŋ-la sɩ hɛ la lɛ, ma ŋaa kʋbala nɛ. Wɩa sɩ yɩrɛla ŋɩɩ, la kala ka yɩɛlɛ wʋbala nɛ.

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

Koloosi Nɩaa 1:28

Ʋ wɩaa nɛ la bʋla pɩpɩ nɩaa. Laa kpʋrɩsɛ nʋʋkala dɩgɩlaa, aa dagɛ nʋʋ na-kala arɩ wʋjɩmɩɩ-na kala, dɩ la wuo ŋaa ba waa dɛrɛ Kirisito wɩaa lɛ.

Koloosi Nɩaa 4:17

Má bʋla pɩ Akɩpas dɩ ʋ hɛ doluŋ aŋ tɩŋ Wɩa tɩntɩmɩɩ-la kala ʋ sɩ joŋo pʋ dɩ ʋ tɩŋ.

1 Timoti 1:12

Mɩɩ lɔllɛ La Tɩɩna Kirisito Yesu, bɛɛ wɩaa ʋ nɛ bene dɩ mɩ maga dɩ mɩ bʋl ʋ niiŋ wɩaa pɩ nɩaa. Ŋɩɩ nɛ tɩɩ ʋ lɩɩsɛmɛ dɩ mɩ tɩma pʋ. Ʋ nɛ pɩmɛ doluŋ dɩ mɩ wuo tɩtɩŋ tɩntɩmɩŋ deeŋ.

2 Timoti 4:11

Luuk dʋndʋŋa nɛ hɛ mɩ teeŋ. Dɩ ŋ nɩɩ kɔ mɩ teeŋ, pɛ kɛŋ Maak kaa kɔ. Ʋ jaŋ wuo pɛ mɩ lɛ a yʋgɛ.

2 Timoti 4:5

Ama ŋ-na hɛ doluŋ a kɛŋ ŋ tɩtɩa woruŋ wɩɩ na-kala lɛ. Dɩ hɛɛŋ nɛ jʋʋŋ ma, nyalɩmɛ. Ŋ sɩ ŋaa Wɩa tɩntɩnnʋ ŋɩɩ, bʋl Yesu wʋzɔmɔ-la a pɩ nɩaa a tɩŋ ŋ tɩntɩmɩɩ-la kala woruŋ.

Hiburu TƖŊŊAA 13:17

Má tuto ma sɩpaalaaraa niiŋ a joŋ ma tɩtɩa a pɩba. Má ŋaa ŋɩɩ, bɛɛ wɩaa ba nɩɩ bemma. Maachie ba nɛ jaŋ dagɛ ŋɩɩ ma sɩ tɩŋ ma tɩntɩŋŋaa a pɩ Wɩa. Dɩ ma nɛ to ba niiŋ lɛ, ba jaŋ tɩŋ ba tɩntɩŋŋaa woruŋ arɩ tʋɔtɔrʋŋ. Ama dɩ ma nɛ bɩ ba niiŋ to, ba tʋɔŋ jaŋ chei ma nyuŋ. Ʋ ŋɩɩ saa bɩ jaŋ pɛ ma lɛ.

Hiburu TƖŊŊAA 6:1

Ŋɩɩ wɩaa la sɩ wuo jɩŋ bumbuŋ wɩalɩŋ ba sɩ bʋla pɩla a tɩgɛ Kirisito lɛ ŋɩɩ, ʋ maga dɩ la mʋ sɩpaaŋ nɛ a wuo waa dɛrɛ Kirisito wɩaa lɛ. Má sɩ́ leŋe dɩ la bɩra suomo bʋbʋl wɩalɩŋ la sɩ jaŋ ŋaa a bɩrɩma lɩɩ la wʋbɔmɔ-la lɛ la fa sɩɩ ŋaa. La bɩra bɩ chɛ dɩ la suomo bʋl ŋɩɩ la sɩ jaŋ to a laa Wɩa wɩaa dii.