Ɛfɛsɩs Nɩaa 4:11 - WƖA TENIŊ

¹¹ Kirisito lɩɩsɛ nɩaa dɔnsʋŋ ba ŋaa ʋ nanzɔɔba, dɔnsʋŋ ma ŋaa Wɩa wʋlaabʋllaa, a leŋ dɔnsʋŋ ma gɔllɔ bʋl Wɩa wɩaa a pɩpɩ nɩaa, dɔnsʋŋ ma bibeŋ nɩalɩŋ sɩ laa ʋ wɩaa dii, ka dɔnsʋŋ ma dɩdagɛ nɩalɩŋ sɩ laa ʋ-na Yesu wɩaa dii.

Ɛfɛsɩs Nɩaa 4:11 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 15:3

Ʋ fa diene kɩŋkɛŋ nɛ Iziral tɩŋŋaa sɩ bɩ Wɩɩ-tɩtɩɩ-la to, a bɩ nʋʋ sɩ ŋaa Wɩɩsʋllɩ sɩpaalaarʋ ma kɛnɛ dɩ ʋ dagɛba Wɩa wombiee ʋ sɩ bile dɩ ba tuto.

JƐRƖMAAYA 3:15

Mɩ jaŋ pɩma sɩpaalaara-la mɩ tʋɔŋ sɩ tɔrɛ ba nyuŋ, ba jaŋ kɛŋ wʋjɩmɩŋ, a jɩŋ wɩaa bʋbʋɔsʋŋ a bibemma.

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Tɩntɩŋŋaa 13:1

Nɩalɩŋ sɩ laa Yesu wɩaa dii aa hilimi Antɩɔk lɛ, Wɩa wʋlaabʋllaa arɩ nɩalɩŋ sɩɩ dagɛ nɩaa fa hɛ ba tʋɔŋ nɛ. Ba yɩraa nɛ: Banabas, arɩ Simioŋ ba sɩɩ yɩrɛ nɩ-bine, arɩ Lusias sɩ lɩɩ Siriini, arɩ Sɔɔl arɩ Maneyaŋ. (Tintee-la kuoro Hɛrɔd nɛ dɩɛsɛ Maneyaŋ.)

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

Tɩntɩŋŋaa 21:8

Ʋ taŋ sɩ pʋla, la sii a mʋ Sɩzarɩya, a mʋ jʋʋ baal kʋbala baa yɩrɛ Fɩlɩp dɩa. Ʋ fa gɔllɔ bʋl Wɩa wɩaa nɛ aa pɩ nɩaa. Ʋ fa ŋaa nɩalɩŋ balɩpɛ dɔŋɔ nɛ ba fa sɩ lɩɩsa Jerusalɛm lɛ.

Rom Tɩŋŋaa 12:7

Dɩ ʋ nɛ joŋ doluŋ pɩŋ dɩ ŋ tɩma pɩpɩ nɩaa, ŋɩŋaa ŋɩɩ. Dɩ ʋ nɛ joŋ doluŋ pɩŋ dɩ ŋ dɩdagɛ nɩaa, ŋ ma ŋɩŋaa ŋɩɩ.

1 Kɔrɩntɩ Nɩaa 12:4

Wɩa Dɩŋ-zɔmʋŋ sɩ joŋ kɩalɩŋ dii zile la lɛ, ba ŋaa dabaŋ dabaŋ nɛ, ama ba kala lɩɩ ʋ teeŋ nɛ.

Ɛfɛsɩs Nɩaa 2:20

Ma nagɛ tie-biee Wɩa sɩ kaa sɩsaa ʋ dɩa nɛ. Wɩa nanzɔɔba arɩ Wɩa wʋlaabʋllaa nɛ ŋaa dɩa-la gentine. Kirisito Yesu tɩtɩa nɛ ŋaa tie-bii-duo-la ba sɩ kaa bil dɩa-la gentine.

Ɛfɛsɩs Nɩaa 3:5

Wɩa fa bɩ leŋe nʋʋkala jɩŋ wɩaa deemba, ama lɛɛlɛ ʋ to ʋ Dɩŋ-zɔmʋŋ lɛ nɛ a joŋ wɩalɩŋ dagɛ ʋ nanzɔɔba-la sɩ kɛŋ tʋɔpʋla arɩ ʋ wʋlaabʋllaa.

Ɛfɛsɩs Nɩaa 4:8

Ba ŋmʋnsɛ Wɩa teniŋ sɛmɛ dɔŋɔ a bʋl, “Ʋ sɩɩ jɩl Wɩa-jaŋ, ʋ pɛ kɛsɛ nɩalɩŋ ʋ sɩ yuo dii nɛ, aŋ joŋ kɩaa dii zile nɩaa lɛ.”

2 Timoti 4:5

Ama ŋ-na hɛ doluŋ a kɛŋ ŋ tɩtɩa woruŋ wɩɩ na-kala lɛ. Dɩ hɛɛŋ nɛ jʋʋŋ ma, nyalɩmɛ. Ŋ sɩ ŋaa Wɩa tɩntɩnnʋ ŋɩɩ, bʋl Yesu wʋzɔmɔ-la a pɩ nɩaa a tɩŋ ŋ tɩntɩmɩɩ-la kala woruŋ.

Hiburu TƖŊŊAA 5:12

Ma sɩ nɩɩ Wɩa wʋzɔmɔ-la, ʋ diene nɛ. Ʋ fa maga dɩ ma nɛ dɩdagɛ nɩaa, ama ma haa chɛ dɩ nʋʋ nɛ dɩdagɛma Wɩa niiŋ wɩalɩŋ ma sɩ nɩa bumbuŋ. Ʋ naga maa chɛ yɩlɩŋ nɛ, ma ha bɩ kʋduoruŋ wuo didii.

Juud 1:17

Ama mɩ nandɔŋ-chooloo, má liliisi wɩalɩŋ La Tɩɩna Yesu Kirisito nanzɔɔba sɩ bʋla pɩma arɩ ba jaŋ kʋ ŋaa.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 21:14

Kɛrɛ-la gentine lɛ, ba bil tabɩaa fii arɩ balɩa nɛ. Tabɩa-la lɛ nɛ ba ŋmʋnsɛ Pie-bie-la nanzɔɔba fii arɩ balɩa-la yɩraa hɛ.