Ɛfɛsɩs Nɩaa 4:10 - WƖA TENIŊ

¹⁰ Nɩɩ-la tɩtɩa sɩ kʋ tuu tinteeŋ, ʋ nɛ bɩra jɩl Wɩa-jaŋ ŋɩɩ a kieli lere-la kala sɩ hɛ wɩa-nyuŋ, dɩ ʋ wuo hɛ lee-kala.

Ɛfɛsɩs Nɩaa 4:10 ပူးပေါင်းရင်းမြစ်များ

Matiu 24:34

Wʋtɩtɩɩ nɛ mɩ bʋlaa pɩma, ma lɛɛlɛ nɩaa deemba sɩ hɛ ma mɩɩsɩŋ lɛ bɩ jaŋ sʋʋ, ka wɩaa deemba ŋaa.

Luuk 24:44

Ŋɩɩ nɛ ʋ bʋla pɩba, “Mɩ fa sɩ hɛ ma teeŋ, mɩ bʋla pɩma arɩ wɩɩ-na kala ba fa sɩ ŋmʋnsa a tɩgɛ mɩ lɛ jaŋ kʋ ŋaa wʋtɩtɩɩ: Wɩalɩŋ Mosis fa sɩ ŋmʋnsa bil dɩ nɩaa tuto arɩ wɩalɩŋ Wɩa wʋlaabʋllaa fa sɩ ŋmʋnsa, arɩ Wɩa teniŋ sɛmɛ dɔŋɔ ba sɩɩ yɩrɛ Wɩa yɩɩlaa tʋɔŋ.”

Jɔɔŋ 1:16

Kʋ-la kala ʋ sɩ kɛnɛ, la ma na kpaalɩŋ ʋ tʋɔŋ nɛ. Ʋ yie fá la nenige aa pɛ la lɛ bʋa na-kala.

Jɔɔŋ 19:24

Ŋɩɩ nɛ laalɩyuoro-la bʋla pɩ dɔŋɔ a bʋl, “Má sɩ́ leŋe dɩ la kɛŋ gɛrɩ-la kɩɛsɛ, má leŋ dɩ la tɔnsɛ, a na nɩɩ-la sɩ jaŋ dii dɩ ʋ laa gɛrɩ-la.” Wɩɩŋ deeŋ ŋaa dɩ wɩalɩŋ ba fa sɩ ŋmʋnsa Wɩa teniŋ tʋɔŋ kʋ ŋaa wʋtɩtɩɩ nɛ. Ba fa sɩ, “Ba paa mɩ gɛnnɩŋ kpaa dɔŋɔ nɛ aŋ tɩŋ mɩ gɛrɩŋ dɔŋɔ wɩaa a tɔnsɛ.” Ŋ-la nɛ laalɩyuoro-la ŋaa.

Jɔɔŋ 19:28

Yesu jɩma arɩ lɛɛlɛ wɩɩwɩɩ kala dɛrɛ nɛ, ka dɩ ʋ wuo leŋ dɩ wɩalɩŋ ba sɩ ŋmʋnsa Wɩa teniŋ tʋɔŋ, dɩ ba kʋ ŋaa wʋtɩtɩɩ. Ŋɩɩ nɛ ʋ bʋl, “Lɩɩ-nyʋasʋŋ nɛ kɛmmɛ.”

Jɔɔŋ 19:36

Wɩaa deemba kala ŋaa dɩ wɩalɩŋ ba sɩ ŋmʋnsa Wɩa teniŋ tʋɔŋ kʋ ŋaa wʋtɩtɩɩ nɛ. Ba ŋmʋnsa a bʋl, “Ba bɩ jaŋ bori ʋ haŋgbel-bala ma.”

Tɩntɩŋŋaa 1:11

a pɩɛsɛba, “Galilii tɩmma, bɛɛ nɛ tɩɩ ma chɩnaa beŋ wɩa-nyuŋ? Yesu deeŋ Wɩa sɩ joŋo ma sɩpaaŋ a kaa jɩl Wɩa-jaŋ, ʋ jaŋ mɩɩra kɔ arɩ ma sɩ naʋ dɩ ʋ jɩl Wɩa-jaŋ ŋɩɩ.”

Tɩntɩŋŋaa 1:9

Yesu sɩ bʋl ŋɩɩ dɛrɛ, Wɩa joŋu kaa jɩl Wɩa-jaŋ, ka ba chɩna bibeŋ. Ŋɩɩ nɛ duoŋ-bɩlɩmbaanɩŋ kʋ tɔʋ, ba bɩra bɩ ʋ na.

Tɩntɩŋŋaa 2:33

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, a bɩra pʋ ʋ Dɩŋ-zɔmʋŋ arɩ ʋ fa sɩ bʋl ŋɩɩ. Dɩŋ-zɔmʋŋ deeŋ Yesu sɩ joŋo hɛ la lɛ jɩnɩŋ, ʋ nɛ wɩalɩŋ ma sɩɩ na a nɩnɩɩ ma.

Tɩntɩŋŋaa 3:18

Wɩa leŋe ʋ Wɩa wʋlaabʋllaa bʋl faafaa kala arɩ Kirisito-la jaŋ na hɛɛŋ. Ʋ sɛnɛ kʋ ŋaa wʋtɩtɩɩ ŋ-la.

2 Kɔrɩntɩ Nɩaa 12:2

Mɩ jɩŋ baal kʋbala fa sɩ laa Kirisito wɩaa dii. Ʋ jɩsɩŋ fii arɩ banɛsɛ nɛ ŋ-la Wɩa sɩ guu joŋu kaa jɩl ʋ jaŋ dɩ-bolii-la, a dagʋ wɩaa yʋgɛ, aŋ mɩɩra kɛnʋ kaa kʋ tuu ta. Dɩ Wɩa joŋ ʋ dɩma nɛ koo ʋ yaraa kala nɛ, mɩ bɩ jɩŋ. Wɩa nɛ jɩma.

Ɛfɛsɩs Nɩaa 3:19

Ama nʋʋkala bɩ jaŋ wuo jɩŋ Kirisito chono-la sɩ magɛ ŋɩɩ. Ʋ nɛ kɩɩ wɩalɩŋ kala la sɩ wuo jɩŋ. Mɩɩ sʋl Wɩa dɩ ʋ leŋ dɩ ma nagɛ ŋɩɩ Wɩa sɩ naga.

Koloosi Nɩaa 1:19

Wɩa cho dɩ Yesu nagɛ ʋ-na Wɩa nagɩsɩŋ kala nɛ.

Koloosi Nɩaa 2:9

Wɩa nagɩsɩŋ kala hɛ Yesu nuhuobiiŋ yara-la lɛ nɛ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Hiburu TƖŊŊAA 4:14

Yesu nɛ ŋaa Wɩa Bie a bɩra ŋaa nɩalɩŋ sɩ tɩma pɩpɩ Wɩa nɩaa nyuŋ kʋhɩaŋ. Ʋ sɩ tɩŋ ʋ tɩntɩŋŋaa dɛrɛ, ʋ jɩl wɩa-nyuŋ a mʋ Wɩa teeŋ, ŋɩɩ wɩaa, má leŋ dɩ la kɛŋ wɩalɩŋ la sɩ laa dii woruŋ.

Hiburu TƖŊŊAA 7:26

Yesu sɩ ŋaa Wɩɩsʋllɩ sɩpaalaara kʋhɩaŋ ŋɩɩ, ʋ ŋaa wʋzɔŋ nɛ a pɩla. Yesu bɩ disiŋ kɛnɛ, ʋ bɩ wʋcheeli kɛnɛ, ʋ chaasa ŋaa nɩzɔŋ nɛ. Ʋ kɛŋ ʋ tɩtɩa pɔrɛ nɛ wʋbɔŋ ŋaaraa lɛ. Wɩa kɛnʋ ŋaa nɩbal. Ʋ sɩ hɛ Wɩa-jaŋ lɛ ŋɩɩ, ʋ yʋga kɩɩ kʋŋkala sɩ hɛ nɩmɛ.

Hiburu TƖŊŊAA 8:1

Wɩɩ-la kala la sɩɩ bʋl wʋnyuŋ nɛ ŋ-la. La kɛŋ nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ nɛ. Ʋ nɛ hɛ Wɩa-jaŋ a hɔŋ Wɩɩjarɩbakɔ kuoru kpasa nadiiŋ, nɩduoŋ dɩhɔnʋŋ.